هاي العفيفة ام عباس _ حسين السيسي

تقضي الحوائج للناس ..هاي العفيفه ام عباس
حاشاها ما تنسانه ..كل حاجه تتلاقنه
هاي العفيفه ام عباس
___________
اهنا يمن تجري الدمع ومحير اسنين
هاك اخذ مني هالخبر وتعنى بالحين
تقصد على باب الكرم الوافي كل دين
ام البنين إلما ترد خدام لحسـين
قلبي انكسر جم مره..ام البنين تجبره
كل قلب تجلي احزانه..كل حاجه تتلاقنه
هاي العفيفه ام عبــاس
....
كل شده تحضر بالعجل وتـّحضر ادواي
جرح لتنشفه من القلب وتقله بحماي
كلمن يلوج ابمشكله خاليمشي وياي
اتحلف العفيفه ام القمر بالـما شرب ماي
اتحلفها بأسم المذبوح.. بدلاله ما تبقى جروح
فرح وحزن ويانه..كل حاجه تتلاقنه
هاي العفيفه ام عبـــــــــــاس
...
احضر احل المشكله وغرقانه لعيون
عنواني وادي نينوى خَّبّر لينشدون
الطم على احسين السبط ويه اليلطمون
للشيعه انظر بالدمع حين ليخدمون
والخدم كلها احبابي..وألهُم افّـتح بابي
باب الكرم عنوانه..كل حاجه تتلاقنه
هاي العفيفه ام عبـــــــــــاس
...
يم قبر ابوالغيره اجي والطم على الراس
واصرخ يكافل بت علي ياراعي الباس
بيك افتخر راعي الوفى واتباهى عالناس
كل حاجه عندك تنقضي يوليدي عباس
شيعه علي بكل حيره..تنخاني راعي الغيره
ام الفَكد ترعانه..كل حاجه تتلاقنه
هاي العفيفه ام عبـــــــــــاس