الموت وحده ايطفي نيراني ولهيبي
لأن اعـرف راح يجـمعني بحـبيبـي
هذا كله اتوقعه
انـه ام الأربـعه
-----------------------
يالرحت عني . اخـلاف عـينك تدري مايـرحم زماني
يـمه يايمـه . ارد اگـلــك يمـه مـشــتاگتـلك انـي
تدري حسباتي . مره اگول حسين من هاجر نساني
ومره اگول ايرد . يدري انـه ابفـرگته مابـيه اعاني
تدري ليش الموت كل لحظه اريده
ادري مـاترجع الي وهـذي بعيـده
البُعد گلبي لـَوعه
انه ام الاربــعـه
----------------------
حسين يوليدي . يمه اندبك وانـته ماتسـمع حنـيني
ابكربله ساكن . طـَول اغــيابك تجـي لـو ماتجـيني
اوداعة اولادي . ابكل دقـيقه اعـليك يتـكاثر ونيـني
انتـظر ترجـع . انته وحـدك مـو مهـم ترجـع بـنيني
ما اهــم بالاربــعه لـو مايردون
المهـم ترجـع الي يانـور العيون
هذا كله اتوقعه
انه ام الاربعــه
------------------
روحي مشتاگه . من وكت ماهاجرت انته الطفوفك
آيست منـك . ياشـمس شـو طولت يبـني ابكسوفك
انته تدريني . ابكـل دقـيقه الي تـمر ودي اشـوفك
افراگك اذاني . يمــته باكـعبه تـرد لـيـه واطـوفك
تراب رجلينك اذا تــرجع اقبله
حالتي لا لاتظن يوليدي سهله
الهجر گلبي رَوعه
انه ام الاربـــعه
------------------
خلـصت ايامـي . يبنـي وانـه عالـدرب عيـني تناطر
ساعه اگول اترد . وساعه اگول اتأخر ويلفيني باچر
اگظي ساعاتي . بالـنهار اعـله الدرب بالـليل اساهر
يمته ترجعلي . امن البواچي انعمت يولـيدي النواظر
اسئل الراح واجه امن الغاظريه
حسين ياهالناس هم يرجع عليه
لون للموت اتبعه
انه ام الاربعه
-------------------
مابقـه عـندي . كل امل تدريني يوليدي حزينه
اعرف ابموتي . ايـخلي دلالي يخف لجلك آنينه
الناعي خبرني . گال لي ظل عالثره ومگطعينه
جسمك اتخـيل . بالخيـول الاعـوجيه سـاحگينه
الله لايرضه عـليهم من هالافـعال
الشمر من حز وريدك گلبك اشگال
نحري احسه بـَضعه
انه ام الاربعه
-----------------
انتهت ساعاتي . وانتظـر يـوليـدي تلفـيني الـمنيه
روحي مشتاگه . اشگد شفت من فرگتك يبني اذيه
اوصل اديارك . عنـدي اعظـم امـنيه بـس مـو بديه
انه واعـدتك . والـوعـد يـم امـك الزهـره الزچـيه
ادري راح امك تواسيني ابـنيني
وانه اواسيها ابدمع عيني وآنيني
حسين گلبي گطعه
انه ام الاربعه
-------------------
تمت والحمد لله في 3/ 4 /2014
خادم الحسين حيدر تركي الكربلائي
لأن اعـرف راح يجـمعني بحـبيبـي
هذا كله اتوقعه
انـه ام الأربـعه
-----------------------
يالرحت عني . اخـلاف عـينك تدري مايـرحم زماني
يـمه يايمـه . ارد اگـلــك يمـه مـشــتاگتـلك انـي
تدري حسباتي . مره اگول حسين من هاجر نساني
ومره اگول ايرد . يدري انـه ابفـرگته مابـيه اعاني
تدري ليش الموت كل لحظه اريده
ادري مـاترجع الي وهـذي بعيـده
البُعد گلبي لـَوعه
انه ام الاربــعـه
----------------------
حسين يوليدي . يمه اندبك وانـته ماتسـمع حنـيني
ابكربله ساكن . طـَول اغــيابك تجـي لـو ماتجـيني
اوداعة اولادي . ابكل دقـيقه اعـليك يتـكاثر ونيـني
انتـظر ترجـع . انته وحـدك مـو مهـم ترجـع بـنيني
ما اهــم بالاربــعه لـو مايردون
المهـم ترجـع الي يانـور العيون
هذا كله اتوقعه
انه ام الاربعــه
------------------
روحي مشتاگه . من وكت ماهاجرت انته الطفوفك
آيست منـك . ياشـمس شـو طولت يبـني ابكسوفك
انته تدريني . ابكـل دقـيقه الي تـمر ودي اشـوفك
افراگك اذاني . يمــته باكـعبه تـرد لـيـه واطـوفك
تراب رجلينك اذا تــرجع اقبله
حالتي لا لاتظن يوليدي سهله
الهجر گلبي رَوعه
انه ام الاربـــعه
------------------
خلـصت ايامـي . يبنـي وانـه عالـدرب عيـني تناطر
ساعه اگول اترد . وساعه اگول اتأخر ويلفيني باچر
اگظي ساعاتي . بالـنهار اعـله الدرب بالـليل اساهر
يمته ترجعلي . امن البواچي انعمت يولـيدي النواظر
اسئل الراح واجه امن الغاظريه
حسين ياهالناس هم يرجع عليه
لون للموت اتبعه
انه ام الاربعه
-------------------
مابقـه عـندي . كل امل تدريني يوليدي حزينه
اعرف ابموتي . ايـخلي دلالي يخف لجلك آنينه
الناعي خبرني . گال لي ظل عالثره ومگطعينه
جسمك اتخـيل . بالخيـول الاعـوجيه سـاحگينه
الله لايرضه عـليهم من هالافـعال
الشمر من حز وريدك گلبك اشگال
نحري احسه بـَضعه
انه ام الاربعه
-----------------
انتهت ساعاتي . وانتظـر يـوليـدي تلفـيني الـمنيه
روحي مشتاگه . اشگد شفت من فرگتك يبني اذيه
اوصل اديارك . عنـدي اعظـم امـنيه بـس مـو بديه
انه واعـدتك . والـوعـد يـم امـك الزهـره الزچـيه
ادري راح امك تواسيني ابـنيني
وانه اواسيها ابدمع عيني وآنيني
حسين گلبي گطعه
انه ام الاربعه
-------------------
تمت والحمد لله في 3/ 4 /2014
خادم الحسين حيدر تركي الكربلائي
ليست هناك تعليقات:
إرسال تعليق