يعباس تعال وشوف يبني_جابر النجفي1435

يعباس – تعال إوشوف يبني
يعباس – منيتـــــي داهمتني
أريدك تحضر اليوم === تراني إبسيل الهموم
يعباس – منيتـــــي داهمتني
ــــــــــــــــــــــــــــ
أريدك بالمدينه إتشوف حالي == تـُوَدّعنـــــي يبو فاضل يغالي
تــِشـَيـّعني إو تهل دمعك يوالي == أعــــرف غيرتك والزود عالي
يعباس – تعال إو شوف أمّك
يعباس – كـُبَر يوليدي همّـك
جودك دوم معلــوم === تراني إبسيل الهموم
يعباس – منيتـــــي داهمتني
ــ
آني أم البنين الغاب عنهــــا == نور إحسين وإنتشرت محنها
عيني إتسيل ما طـُبگت جفنها == أواســــــي فاطمه الزهره ببنها
يعباس – يحن گلبي الحبيبــه
يعباس – تـُراب إحسين جيبه
يريت أشـْتمـّه للدوم === تراني إبسيل الهموم
يعباس – منيتـــــي داهمتني
ـــ
آني أم البنين الغاب عنـّي == بنيني والمصايب دولـِبــَنـّي
يبو الغيره تـراه الموت يبني == إجـاني والظهر مكسور محني
يعباس -- بگت أمّك وحيــده
يعباس – يريت إحسين بيده
يهيل إترابي مالــوم === تراني إبسيل الهموم
يعباس – منيتـــــي داهمتني
ــ

أريد إوياك زينب ياحبيبــــي == تجينـــــــي بالمصيبه وإبمغيبي
أحبها والمودّه من نصيبـــــي == عليـّه إتنوح تصبغ هذا شيبي
يعباس – ما عندي حبايــب
يعباس -- گلبي إعليها ذايب
غطـّت روحي الغيوم === تراني إبسيل الهموم
يعباس – منيتـــــي داهمتني
ــــ
أريدك توصل الطيبه إو تجيني == أطلبــــــك ياحياتي إو هذا ديني
تغسلني يروحي إو ماي عيني == تـُوَسّدني إبترابي إو تنهي بيني
يعباس -- أمل عندي أشوفك
يعباس – أدري راح شوفــك
أمـُر من الله محتوم === تراني إبسيل الهموم
يعباس – منيتـــــي داهمتني
ــ
سلامي إوياك يامهيوب لحسين == أريـــــــدك تاخذه وَيْ دمعة العين
تخبره باگلب من صار نصيــــــن == نص أبكربله إو نص ظل على البين
يعباس – خـُلص عمري يـُيـُمـّه
يعباس – صدري حيـــل ضـُمـّه
أشم عطــــرك يجيدوم === تراني إبسيل الهموم
يعباس – منيتـــــي داهمتني
ـــــــــــــــــــــــــــــــــــ
مع تحيات شاعر أهل البيت // جابر النجفي
إسمعوا القصيده على هذا الرابط
http://www.wlidk.net/dldsrb95569.mp3.html