عالكاظم انهل الدمع – ونعزيچ يافاطمه
عالسمّه هارون --- خل تبچي العيون
.....................
يافاطمه ادموع الحزن نذرفها هاليوم
وننصب عزه اوياچ المسه عالگظه مسموم
ونلبس سواد امصيبته كل عمره مظلوم
من ضوه الشمعه بالسجن من عدها محروم
ننصب مآتم للحزن --- ودموعنه تجري دمه
ابطاموره مسجون – خل تبچي العيون
...................................
يالزهره حزنچ مابرح عنچ ولاهاد
چم شبل منچ منذبح بسيوف الاوغاد
من غير بالسم انغدر وبسجن بغداد
من بني العباس الظلم قاسي والاحقاد
لوبني اميه الاشرار – ذبحّوا اهل الغانمه
ابخيل ويهمجون – خل تبچي العيون
..............................
يالزهره عملت كربله ظلت عله البال
نهبوا وسلبوا يسروا عالنوگ العيال
وراس الحسين ارويحتچ عالرمح ينشال
كل ساعه ويجيبه الشمر يراويه للاطفال
اعليهم العسكر من هجم – يحرگ بناره مخيمه
گاموا يسحگون --- خل تبچي العيون
.............................
زينب تظل ابلا اخو لاوالي يمها
راح ابن ابوها ولابعد سالم ابن امها
هجمت اعداها اعله الحرم حرگت خيمها
وتشوف كلها امذبحه بالطف زلمها
نفس الاشرار ابلا رحم --- غدرت الكاظم مجرمه
الچبده يگطعون -- خل تبجي العيون
..........................
مقيد ّ او من سجن السجن سجانه وياه
قسوه رهيبه ومارحم هالخصم وياه
نايم وبتراب السجن ياوسفه خلاه
يتعبد الكاظم بچت للباري عيناه
ساجد وراكع بالسجن – للناس يطلب مرحمه
عابد يشوفون – خل تبجي العيون
...................
عالجسر وصه شيعته للنعش يلگوه
وبدمع العيون اليصب ركظوا يشيعيوه
ووداع اخير اتودعه شيعته وينعوه
وبگبره ممرود الچبد لمن ينزلوه
وبساگه قيد ويلتوي – بالسجن چان ايالمه
الساگه يقيدون – خل تبجي العيون
عالسمّه هارون --- خل تبچي العيون
.....................
يافاطمه ادموع الحزن نذرفها هاليوم
وننصب عزه اوياچ المسه عالگظه مسموم
ونلبس سواد امصيبته كل عمره مظلوم
من ضوه الشمعه بالسجن من عدها محروم
ننصب مآتم للحزن --- ودموعنه تجري دمه
ابطاموره مسجون – خل تبچي العيون
...................................
يالزهره حزنچ مابرح عنچ ولاهاد
چم شبل منچ منذبح بسيوف الاوغاد
من غير بالسم انغدر وبسجن بغداد
من بني العباس الظلم قاسي والاحقاد
لوبني اميه الاشرار – ذبحّوا اهل الغانمه
ابخيل ويهمجون – خل تبچي العيون
..............................
يالزهره عملت كربله ظلت عله البال
نهبوا وسلبوا يسروا عالنوگ العيال
وراس الحسين ارويحتچ عالرمح ينشال
كل ساعه ويجيبه الشمر يراويه للاطفال
اعليهم العسكر من هجم – يحرگ بناره مخيمه
گاموا يسحگون --- خل تبچي العيون
.............................
زينب تظل ابلا اخو لاوالي يمها
راح ابن ابوها ولابعد سالم ابن امها
هجمت اعداها اعله الحرم حرگت خيمها
وتشوف كلها امذبحه بالطف زلمها
نفس الاشرار ابلا رحم --- غدرت الكاظم مجرمه
الچبده يگطعون -- خل تبجي العيون
..........................
مقيد ّ او من سجن السجن سجانه وياه
قسوه رهيبه ومارحم هالخصم وياه
نايم وبتراب السجن ياوسفه خلاه
يتعبد الكاظم بچت للباري عيناه
ساجد وراكع بالسجن – للناس يطلب مرحمه
عابد يشوفون – خل تبجي العيون
...................
عالجسر وصه شيعته للنعش يلگوه
وبدمع العيون اليصب ركظوا يشيعيوه
ووداع اخير اتودعه شيعته وينعوه
وبگبره ممرود الچبد لمن ينزلوه
وبساگه قيد ويلتوي – بالسجن چان ايالمه
الساگه يقيدون – خل تبجي العيون
ليست هناك تعليقات:
إرسال تعليق