أنـَّــتْ فـــاطمــــه أنـَّــتْ * وأعلـه أولادهـــا حَنـَّــتْ
وَيِّ دمعـت حسـن وحسـين
أجـــرَت دمعـــة العينيــــن
ـــــــــــــــ
وَنْ وَنـّـه علـي ومـا شـالتـه جـدامــه * مـن صـار الضلـع والكسـر جِـدامــــه
طاح أعلـه الأرض يلطم على الهامه * شلـــــون تحمليتـي يصيـــح آلامــــــه
يـــا ضلـع الـوفـه وهَمــه
خـــاف يلـزمـه ويلـﭽمــه
ويلــي يـا مصاب البيــن * أجـــرَت دمعـــة العينيــــن
ـــــــــــــــــــــ
نـادى أعله الحسن وحسين والحـره * ﮔومـوا أتـزودوا مـن أمكـم الزهــــره
خلـــي عيـونــكم تتكحــــل بنظـــره * وَدعـوهــا أبـألـم وبلـوعـه وبحســـره
اليـوم ويـاهـا آخـر يـــوم
وَدعـوهـا بـألــم وهمـــوم
وألـهـا نــاحــن الثقليـــن * أجـــرَت دمعـــة العينيــــن
ـــــــــــــــ
بدموعه الحسن نام أعله صدر أمه * ﮔـعدي وياي أحـﭽـي يصيـح يا يمه
يمـه الـدار بعـدﭺ موحشه وظلمــه * هـاي النومـه خلـت بالــﮔلب وَرمــه
يمـه الحسـن هـذا آنـــــه
روحـي عليــﭺ ولـهـانـه
مدري البين أجاﭺ أمنيــن * أجـــرَت دمعـــة العينيــــن
ـــــــــــــــ
حسيـن يشمهـا بنياحـه وبواﭽيـه * يُمـه يـصيـح ﮔـعـدي ورديِّ أعليـه
نـار مصيبتـﭺ تسعـر جمـر بيـه * حيلــي أنهــد ييمـه الـهـالــوداعيــه
يمــه يـــا بعــــد عينـــاي
آنه حسينـﭻ أحـﭽـي وياي
حـاﭽينـي يَضَـي العيــن * أجـــرَت دمعـــة العينيــــن
ـــــــــــــــ
زينب وَدعـت أمهـا بـدمع يجري * وتنـادي يروحي ويـا بعــد عمـري
ليـش أتيتمينـي يمـه مـن زغــري * وﮔلبـي تحزمينـه بنوحـي وبصبري
طـول بطـول ويــاهــــــا
نــامـت تشكـي بلـواهـــا
وبنـوح وألـم و ونيــــن * أجـــرَت دمعـــة العينيــــن
ـــــــــــــــ
طـَلعـت من ﭽفنهـا فاطمه إيديها * مـن سمعت حسن يبـﭽـي ويحاﭽيها
مـن شافـت أبـو اليمه يشم بيهــا * والفـرﮔاهـا زينـب تعتـب أعليهــــــا
بالـوَنـَّه أشبــﮔتهم حيــل
لـن نـادى بـألـم جبـريـل
حيــدر نَحــيِّ الحسنيـن * أجـــرَت دمعـــة العينيــــن
ـــــــــــــــــــــــــ
ليست هناك تعليقات:
إرسال تعليق