أجيتك والدمع يهمل يباب الدار
يمك ارد انـــوح لبضعــــة المختار
________
جيتك ارد اسألك والدموع تسيل
ياباب النبوه ومهبـــط التــنــزيل
ليش ام الحسن شالو نعشها بـليل
وظل الكبر مخفي وغامض الأسرار
________
يا باب الأله ومـن كصـــــد دارك
وخله بكل كلـــب مـا تنطفي نارك
بسمارك وتدري شعمل بسمارك
مرد كلب الزجيه
وأهي بلايه اخمار
_______
لاذت فــــاطمه خلفــــك يهذا الباب
دفعوك وسكط محسن عله الأعتاب
صاحت بت محمد والـــدمع سجاب
يا فضه ادركيني الحيل منــي انهار
_______
يا باب العـــرش ظل يبجي ليك دموم
من شــــــاف الزجيه والضلع مهشوم
خذو حيدر وطلعت واصرخت ياكوم
خلو عن ابن عمـــي علي الكرار
_________
رد ليها النـــــذل وشلون رداها
ضرب متن الزجيه وسطر عيناها
متوســــده الأرض فــاطمه خلاها
وظلت من ألمها تنوح ليل نهار
________
ظلت ثاكله حــــد ما دنــــاهـــا الموت
وجني استمع من الزهره هذا الصوت
إلــــعن يا ألــــهي الجبـت والطاغوت
وألعن من ظلمني اليوم ياجبار
_________
صيحة فاطمه جن تــدوي بآذاني
يشيعي لو ردت تكشفلي أحزاني
للأول إلـــعنه وإلـــعن الثـــانــي
وألعنو اتباعهم واندعو لراعي الثار
كرار حسين الكربلائي
ليست هناك تعليقات:
إرسال تعليق