دهري يلمحسن رماني بغيبتك
وماتفارك عيني ظلت صورتك
_____
اعليك يبني اشلون ساومني الدهر
عيني مــــا شافتـــك ياضي النظر
طحت لمن ضلــعي بـلباب انكسر
من شفتني طحت هاجت غيرتك
_____
والله لاشك غيرتك غيرة علي
خفت لابين النواصـــب انولي
يبني يلمحسن ردت تفزع الي
لاجن البسمار غيب طلعتك
_______
لون مانورك بهلهجمــــه انــطفه
جا صرت ثالث اسباط المصطفه
يبني يلمحسن عله
الدنيه العـــفه
يولدي طفو شمعتي وشمعتك
_______
مارحمني ولارحم بـــيك الزمن
جنت اظنك تظل يبنــــي للحسن
تنتحب لمصابه لوجبــده انسحن
لجن دنياتي وسف ماخلتك
_______
هلأمل يوليدي جـــــنت أتـــأمله
توكف وي حسين أخوك لكربلـه
يبني وتحامي الحـــرم والعايــله
جان بلشدات زينب ندبتك
_______
جنت أتأمل ومــاصح هـــلأمل
حيف فوك العتبــه ناداك الأجل
طير جنه وتالي هـلطير ارتحل
ويبني للفردوس صارت رحلتك
________
يبني بلجنه لـــون شفـــت الرسول
نادي ياجدي حرت مدري شأكول
أمتك ماراعت الزهـــره الـــبـتول
وراح تلحكني يجــدي بضعتك
كرار حسين الكربلائي
ليست هناك تعليقات:
إرسال تعليق