بكبري مكتوب
يمحجوب الي ضلع انكسر
بنتظـــــــــــاري
و مـراري صحت يــالمنتظر
نادي واجري العبره
يالثار الزهره
________
يبني من تزور
كبري و انــت كلبك
منفجع
صح اليه سنين
ميته بــــــــس ونيني
ينسمع
بعينك اتشوف اعله كبري حروف مكتوبه بدمع
ايطيب ضلعي من
تنادي يالـــــ ثارات الضلع
يمه لمصابي تبجي الارض ويه السمه عاشت وماتت بهمها امك فاطمه
صوت ضلعي وكسره
يالثار الزهره
______
يا من بتاج الامامه
الباري هو التـــوجك
تملي هاي الارض قسط وعدل اصبح منهجك
جروحي ما تنعد
يـيمه يا جرح ما
هيجك
من ضريحي و اندعيلك
عجل الله فـــرجك
مانسيتك ولا لحظه اقسم بالنحر ادعي ياربي عجل ظهور المنتظر
صيح واطفي الجمره
يالثار الزهره
_____
يبني اشوفك من
تجيني و انت دمعاتك تصب
تنحني يمي بحــــزن
و تخلي خدك
عـــــالترب
يــمه و
الله لــــو شفتني
منك يذوب الكلب
من السياط متوني سوده وعيني حمره من الضرب
يمته اسمعك تنادي اجيت بموعدي لمرقدي تبني والناس تطوف بمرقدي
كبري انت تظهره
يالثار الزهره
_________
يبني انه بانتظاري
وانت مثلي تنتظر
صابر ومن كثر صبرك ادري ملاك الصبر
ادري وي الشيعه تحضر اسمي لمن ينذكر
تصيح شنهو ذنب
امي ضلع الها ينكسر
بابي حركوها واعليه دفعوها ابغض طيحوني وسكط مني محسن عالارض
هتف من العصره
يالثار الزهره
__________
من بعد هاي
المصيبه خذو حماي الحمه
واطلعت يبني
وراهم و الضلوع مهشمه
ياعلي لمن انـــادي
صدري يتنازف دمه
واسمعت زينب وراي تنادي
يـمه فاطمه
يبني شحجي وشسولف حزن يانايبه شفت الحسين ينوح ويواسي المجتبه
صوتك الانتظره
يالثار الزهره
______
يبني وباخر حياتي الموت لمن لاح
الي
علي غسلني بدمعته و بنحيبه المعتلي
جدك المعروف عزمه البيه كل هم ينجلي
يبني لمن شاف ضلعي ماكدر يصبر علي
ادري لليوم علي دمعه يجري لمحنتي قصتي يبني كلها مصايب قصتي
تصيح كل العتره
يالثار الزهره
كرار حسين الكربلائي
ليست هناك تعليقات:
إرسال تعليق