ياعلي بدمع الحزن نادينه
ويـــــن كبر ام الحسن دلينه
____
ياعلي يلعندك اسرار السمه
نســــأل ودمعاتنا تهمل دمه
وين واريت الوديعه فاطمه
للزياره ياعلي اشتاكينه
______
بلحسن نقسم عليــك وبلحسين
يـــاعلي وبمنــــــزلة ام البنين
وين كبر ام الحسن دلينه وين
خلافها ضاكت الوسعه اعلينه
_______
ياعلي لمـــــن طلـــــع ذاك النعش
وكف جبرائــــــيل يمـــك مندهش
ياعلي وانحنه عله الزهره العرش
وبجت القرآن بت هــادينه
____
أشلون وسدت الوديعه الطاهره
وكبل لا تدفنها وصــــيت الثره؟
لا يمس ضلوعهــــا المــتكسره
يسلطان المرجله حاجينـــه
____
ساعـــة الخليــت خدها اعله الترب
ندري يـا كرار دمعـــاتك تــــصب
شاهدت وجنتها حمره من الضرب
وصرت تجذب حسره ياوالينه
______
من الدفن لليوم يـــا فارس مضر
بعد مــــا شفنـــــه لكبرها أي أثر
واحنه جينه انريد من عندك خبر
مرقد الزهره ننادي وينــه
_______
إن جان منك مانحصل كل جواب
نشن غـــارات الملامــــه والعتاب
لشبـــلك الطـــول علينــــه بلغياب
انكله انته الذخر يامهدينـــه
_____
انصيح يبن العسكري انته الامل
سيدي حـــي علـــى خيــر العمل
العـــجل يبــــن الحسن ثم العجل
لرايتك ولصولتك راوينــــه
كرار حسين الكربلائي
ليست هناك تعليقات:
إرسال تعليق