يـريــت إتــوسَــــد إبســدﭺ * كـرهـت الـدنيـه مـن بَعــدﭺ
رحلتــي يَـم حَسَـن عَنــــي
يتيــم آنــه صبحـت ﭼنـــي
ـــــــــــــــــــــ
إنـه البيـدي قلعـت الـبـاب يـالـزهـــره * خفيـف الـبـاب لمـن شلتــه بـاليســــره
صبــر فــﮕدج ردت بـﮕـلبي يـالحـره * إشيلــه ولــن ثــﮕل وإتحيــرت بـامــره
ثــﮕل بـاب الصبـر بيــدي
وإكــل الــوَنِّتــي هيـــــدي
بحلـم مـري وعَلـَي حِنـي * يتيــم آنــه صبحـت ﭼنـــي
ـــــــــــــــــــــــــــــــــــــ
إنـه البحـروبـي مـاهَمنــي نـَزِف دَمـي * ولا طعنـات السيـوف الغــزن جسمــي
لـﭼـن ﮔلبـي شيطيبـه الينــزف إبهَمــي * علــى فــﮕدﭺ كثـر يَــم الحــسن غَمــي
عَـلـيِّ دهــري شكثــر قـاسـي
إخــذ مـن عندي إعــز نـاسي
كثـَـر نـوحـي وكثَـر وَنــي * يتيــم آنــه صبحـت ﭼنـــي
ـــــــــــــــــــــــــــ
إلـف طبـره يَـريـت إبهـامتـي وطبــره * وإلـف سهـم إبـدليلـي منالعـدو وغـدره
ولا عينــي تشـاهـد ضلعــﭻ وكســـره * ولا شوف إعلـه خـدﭺ يَـم حسن سطره
دهـانـي ضلعـﭻ إو وَنِّـــﭻ
شَغســل يَــم حســن منـــﭻ
إحــس ﮔلبـي طلـــع منـــي * يتيــم آنــه صبحـت ﭼنـــي
ـــــــــــــــــــــــــــ
عَلَيّ وَحشه إصبحت يَـم الحَسن دارﭺ * يــذكـرنــي منطبهـــا ويلــي بسمـارﭺ
اليجير الناس حيف إو وَسفه ما جارﭺ * الـوصيـه ﭼتفتنـي ومـا خــذت ثــارﭺ
لــــون بيـــدي لـَطـَويهـــا
وإخلـي الـعـالـي واطيهـــا
تبعـديـن إشعجَـب عَنــــــي * يتيــم آنــه صبحـت ﭼنـــي
ـــــــــــــــــــــــــــ
يلمنــه اللـيـل والله إهنـاكَ يَــم ﮔبـرﭺ * ﮔبلنـه حسيـن يركض يـرتمي بكتـرﭺ
يصيح إبنوح يمه إنطيني من صبرﭺ * هــدم حيلـي ييمـه فـراﮔـــﭻ وهَجــرﭺ
يشـم إتـرابـــه ويضمـــه
عـزيــزﭺ آنـه يــا يُمـــه
علـــــﭻ إﮔليبـــي يسـإلنـــي * يتيــم آنــه صبحـت ﭼنـــي
ـــــــــــــــــــــــــــ
حســن يصـرخ يَيمـه فـاطمـه ﮔـعــدي * ﮔبـل سَم جعـده فـﮕدج ﮔـطـع إبجبـدي
إطلعيلــي عليـﭻ المصطفــى جَـــــدي * وإمسحـي الدمعـه يمه السكنـَت إبخدي
رحيلــﭻ مـا إجــه إبــالــي
إﮔـعـدي وشـاهـدي حـالـي
حــزن فـَــﮕــدﭺ يعَــذبنــي * يتيــم آنــه صبحـت ﭼنـــي
ـــــــــــــــــــــــــــ
تــون زينـب تـﮕول إهنـانــه خلـونـي * وإحفـروا إوياهـا لحـدي ويمها دفنوني
إريـد إويـاهـا إضـل يخـوانـي عوفوني * إذا مـا إشـوفـن إمـي شلـي بعيـــونـــي
يتيمــه وهـــذا إحسـاســي
دحطي إيـدﭺ على راسـي
منـــو بكتــر إمـي يـدفنـــي * يتيــم آنــه صبحـت ﭼنـــي
ليست هناك تعليقات:
إرسال تعليق