مثـــل دموعك تجري دموعي ياحسين
مثل ضلوعي تصير ضلوعك
ياحسين
وبفكدك يغالي تفجعني الليالي
أشوفك يبني تبجي الحالي يامضلوم
ويومك مثله ميصـــــــح باليالي يوم
يبني آنه عندي بـــــس ضلع مهشوم
وانت ضلوعك اتهشــمها خيل الكوم
الواجب آني ابجي الحالك ياحسين
أمك واعلم باليـــــــجرالك ياحسين
مرسوم بخيالي تفجعني الليالي
انطر دمعتــــــــك لمصيبــــتي تجري
وانته مصيبتك أعظم يضـــــي عمري
يبني آنه محد مــــــــا كــــــطع نحري
وما جالت الخيل ورضرضت صدري
احظر بالطف يبني وانظر ياحسين
من جفك مكطوع الخنصر
ياحسين
واويلا يحالي تفجعني الليالي
اشوفك يبني عالمــحسن تون وتنوح
وانته تشوف حال اعظم يبعد الروح
عبد الله الطفل من بيــن اديك يروح
وبسهم العده تشوف النــــحر مذبوح
مثل آلامي تصير آلامك
ياحسين
مثل الباب تشب خيامك
ياحسين
وبهذا الجرالي تفجعني الليالي
وآنه لو متت حيــــدر يغسلــني
ويشيعني ابوك وبيــــده يدفنــي
وانته تظل ثلث تيــــــام آيـــبني
مسلوب الجسد والمحنه تفجعني
والسـوط البي متني اتعذب ياحسين
بيت تتلوع اختك زينــــب ياحسين
وبسبية عيالي تفجعني الليالي
من ضيم الزمان ولـــوعته وجوره
تظل الشيعه بعدي بروح مجموره
كبرك يبقه انت يسطــــــــع بنوره
وآنه كبري مخفي ومحـــد يزوره
لمن يظهر ابني المهدي
ياحسين
بجفه يمسح دمعة خدي
ياحسين
بدمعة كل موالي
تفجعني الليالي
كرار حسين الكربلائي
ليست هناك تعليقات:
إرسال تعليق