يزهراء
انادي وأهمل دموع المصيبه
يزهراء سلام
الله اعله ضلعج يالحبيبه
ابد ماتطفي نارج
يعيش بروحي ثارج
________
يـيـمه أنه
المهدي وسرورج من سروري نار الباب
متوجره بشعوري
يـيــمه بكبرج
وادري منتــــظره لظهوري يطيب الضلع لمن يبدي نوري
اويلاه الكسر
ظلعج كسر ظلعي وهظمني
اويلاه
اللطم عينج على
عيني لـــطمني
مراري من مرارج
يعيش بروحي ثارج
_______
سلامي ابعثه من
كلب ينزف مصايب اجي للباب ولبابج اعاتب
سلامي الج من
روح تحديها النــــوايب ابجي وانه
يالمظلومه غايب
بالعيون رسم
للمحسن وكل يوم اشوفه
بالعيون
مــــــــــصابج ما تفاركني طيوفه
دموعي اتطوف دارج يعيش بروحي ثارج
______
حزينه عشتي
ومــــــتي يايـــمه حزينه بكلبي
مرقدج مو بالمدينه
حزينه احس كل
شيعي ينخاني بونينه ضريح الزهره
يالموعود وينه
انادي انادي
وجرحي ما ينشف نزيفه
انادي الف
لعنــــــه على اهل السقيفه
شكثر مُر انتظارج
يعيش بروحي ثارج
_______
عجيبه ولا
عرفو قدر فاطمة الزهره صابو ضلعج وما
يشفه كسره
عجيبه
عله متونج يضربونج
يــحره متي بحســـــرتج والعين
حمره
صرختين بظهوري
ترتفع مني صرختين
صرختين يا
ثار الزجيه و ثار الحسين
الفرح ما مره زارج
يعيش بروحي ثارج
________
وداعاً علي
ناده ويهل دمع الهظيمه الحسن ينحب عله
ضلوع الهشيمه
وداعاً حسين
بكلبه نيران الظليمه وزينـــب عمتـــي صارت يتيـــــمه
عله آلآه عشت
عمري وذبحني انتظاري
عله آلآه يا
يوم اظهر
واخذ بثـــــاري
العذابات بمدارج
يعيش بروحي ثارج
________
بدمعتي اروح
لكربله بنوح وفجـــيعه عليج حسين اواسي
يالوديعه
بدمعتي اشوفن
رايتي فوك الشريعه واتحسر عله جفوف
الكطيعه
إلهي ادعي وانه
مهضوم بصلاتي
إلهي آخذ ثار
اجدادي امنياتي
بديه ابني مزارج
يعيش بروحي ثارج
_________
كرار حسين الكربلائي
