بين سنيني وبين سنينك .. يبني يالجـواد
عمر الاكبر يوم حـــسينك .. يبني يالجواد
سيوف وسم .. دموع ودم
بيني وبينك
***********
حافر خيل فكَدك ماتــــرك لــي ضلوع
ولا غير الدمع جفني عـــرف موضوع
يا سبّاح كَلبي بيا ذنب مكَـــــــــــطوع
على مصابك شمع كَلبي يذوب دموع
صبري انهار وفكري تحيّر .. يبني يالجواد
اصرخ يبني وتطلع اكــــبر .. يبني يالجواد
ونين وهم .. دموع ودم
بيني وبينك
****************
اعد سنين عمـــــــرك واحسب بعمري
ويمر ذكر الشباب الهــــــدّم الصبري
هضم جسّام والاكبر عصر صــــدري
اظم جرحك ييمه ويــــــــــن ما ادري
ماعندي اضلوع التتحمـــــل .. يبني يالجواد
وين اخفي جروحك ما اندل .. يبني يالجواد
فلا تنظم .. دموع ودم
بيني وبينك
*************
يالماخذ عمر ضلعي .. ومصـــاب حسين
ثلث ايام .. جــــــــــسمك ينتظر تجفين
اصيح وباب فكَــــــــــدك هشّم الضلعين
وين المرتضـــــــــــى عنك ييمه وين
مايدري وخلاك الوحــــــدك.. يبني يالجواد
لوحاضر يجمعلك جـــــبدك .. يبني يالجواد
شظن تلم .. دموع ودم
بيني وبينك ..
********
على بابك الف بسمــــار الف عصره
وتتنطر خبر فكَـــــــــدك الف سطره
كَوم وياي يمه الدنيـــــــــــا منتظره
بس ترحل ترد البــــــــــاب عالزهره
هجرك من البسمار امضى .. يبني يالجواد
ولا حيدر يمــــي ولا فضه .. يبني يالجواد
ولا بلســــم .. دموع ودم
بيني وبينك
**************
اروحن وين غربه دنيتك غــــــربه
وغريب الدار ينزف للاهـــــــل كَلبه
احشمن الك من يسمـــــــــع الندبه
كل منهم بَعد ياضنــــــــــوتي دربه
ادري بروحك منهو تريده .. يبني يالجواد
بس مشهد يايمه بعــــيده .. يبني يالجواد
ودروب الغم .. دموع ودم
بيني وبينك
ليست هناك تعليقات:
إرسال تعليق