الليله حزنانه العباد - تبجي لمصاب الجواد
تواسي بالحزن امه الزجيه
********
اسمه من جــده مُـــحمد من علي وارث همم
بعصمته تزهي الكرامه من الحسن ماخذ كرم
ماّخذ من الطـــف دموعه ســـاكن بگلبه الالم
منهجه بنهج الولايه والمـــــــــشه بدربه سلم
لجله حزنانه البلاد - تبجي لمصاب الجواد
تواسي بدموع الحزن امه الزجيه
**********
موغريبه احزانه تكـــــــثر لو ذكر كسر الضلع
موغريبه الجور واگف يطفي من دربه الشمع
گبله كل اجـــــداده ضحت عاشت بنفس الوضع
والنبي بهاذي المــــــــئاسي من جمر هل الدمع
بونه وبعبره اوداد - تنعه لمصاب الجواد
تواسي بدوع الحزن امه الزجيه
---------------------
كربله تســــــري بوريده محمله هموم وشجن
للعظيم بتضحـــــــياته دموعه من دم الجرن
لوحه يرسمهه بشموخه فندت فكــــــر الفتن
يدري ثارات الهواشم كلهه ويه ابن الحسن
شيعته تعلن حداد - تنعه لمصاب الجواد
تواسي بدوع الحزن امه الزجيه
-------------------
وارث اعلوم العقـــــــيده من زغر سنه جبل
عمره سبع اسنـــــين مرن ثبت بعلمه الامل
عانه لوعات واذيـــــه چي هتف خير العمل
منطـقه نهـــــــج البلاغه حارب افكار الجهل
تلبس احبابه السواد - تنعه لمصاب الجواد
تواسي بدوع الحزن امه الزجيه
-------------------
مانسه حسين وطفوفه عِبره عنده بكربله
زوده من زود الهواشم شمرته شمرة هله
كل بني العباس ذلهه بغيـــرة الكافل عِله
واليسأله اعله الشريعه برده يلگه زلزله
تبچي اصحاب المراد - تنعه لمصاب الجواد
تواسي بدوع الحزن امه الزجيه
----------------
سره من سر النـــبوه حلمه مثل المرتضه
بالالم عاش وشجونه جوده اصبح موعظه
بغربه خلص كل حياته وعمره بالسم انگظه
بدمعـــة اللوعه الحزينـــه تنوح كل الرافضه
تنتظر يوم المعاد - تنعه لمصاب الجواد
تواسي بالدمعه والم امه الزجيه
ليست هناك تعليقات:
إرسال تعليق