الجنت منه خايفه هسه حصل
وهذا حادي النوك يا خوية وصل
مدري اروح وياه لو يمك اظل
لو يصح بيدي لقيم بكربلا
**
عندما احتار الامام زين العابدين ع والسيدة زينب س ايهما يركب الاخر على الجمل
كاللها وهو يلقف بالانفاس
اركبي انت وخليني وية هالناس
دارت عينها وصاحت يعباس
**
عندما سار ضعن النساء من كربلا مر على ضعون
يجمال بالله عليك تاجي
لبني علي حلو المحاجي
وديني اريد اشبع بواجي
تكله شاع اسمك ييمة وشلت بيك الراس
كد ما سولفت يالولد بيك الناس
شمحلاتك ييمة بالدرع والطاس
من تمشي وية ابوك وعمك العباس
انا عشت بين الضنون وبين كطع الياس
وكلب الوالدة تدري شكثر حساس
**
يجمال بالله عليك ودني
انا جلمة ارد احاجي جاسم ابني
مهر باهي المدلل اتعبني
انا ردته عليه بيت يبني
رمله تنادي يبني يجسام
عرسك مبارك مابين الاعمام
شوباش عرسك يا نفل سهام تنثر والنبل.. الله اكبر
تمنيتك يبني يا نور العيون
تدفني وترد وية اليردون
تدفني يوليدي وترد وانظر لطولك ياورد.. الله اكبر
**
يجمال لبنيّ ارد اودعه
وانا ارد اشم نحره وارضعه
ابني بسويق حشاي يرعه
يعبدالله اكضي الليل بسمك واهمل المدمع
واكلها انتظري يا روحي جم يوم والج يرجع
وكمت اكعد بنص الليل وكت الي جنت ترضع
وحتى النجم مو مثلي نجم يغفة ونجم يطلع
ييمة ارد احط حلكي على حلكك
واذا تلكة نداوة ماي حكك
بهيدة نار قلبي لا تحركك
**
يحادي الضعن عباس مر بيه
انا مالي كلب امشي واخليه
اخيي وكفيلي وعتبي عليه
مروا عالنهر ضعن السبايا
وشافن عمهن بطوية الراية
تكله الجود ما ردناه مايه
لاجن بكينه بلا برة وبلا حماية
وماعدنه ستر غير العباية
**
يحادي الضعن كلي وين تردون
وعلى جثة ابوية ما تمرون
انا ودعتك الله يا عيوني
يردون عند يبعدوني
زجر وخولّة اليباروني
ندبت اخوتي وما جاوبوني
يهل الحمية ما تجوني من ايد الاعادي تخلصوني
اجكد أحب هذآ النعي 😢😢
ردحذفاجكد أحب هذآ النعي 😢😢
ردحذفوفقكم الله لكل خير ودفع الله عنكم كل سوء بحق محمد وال محمد
ردحذفالله ايوفقم
ردحذف