يشيعة لوبچيتوا دم علية
لاتنسونة جدي هالمسية
@@@
أذا انتم علية أنصبتوا مأتم
أنسوا غربتي ولوعاتي والسم
اذكروا لي تخضب شيبة بالدم
تعرفونة ذبيح الغاضرية
@@@
ثلثتيام صح ظل جسمي مطروح
بس لاماطحت بالسيف مذبوح
ما أحسب غربتي وسمي أجروح
أجروح احسين بس اجروح هية
@@@
لاتنسونة ونسوني يشيعة
وخل الليلة نتذكر رضيعة
فجيعة كربلة أعظم فجيعة
من ألسم أشد والصار بية
@@@
مني أخذي نادة وزينب اتشوف
مذبوح الطفل بكماطة ملفوف
وكلب أمة علية اشلون ملهوف
وتشوفة اشلون بحضان المنية
@@@
ولاتنسونة لمن شاف أختة
من الخيمة ومذعورة أجتة
يم جسمة كعدت تبچي سكتة
ولتنة اتكلة خوية كوم أمية
@@@
وتعرفونة الغريب وياهو مثلة
الودع بالطفوف اصحابة وهلة
مصابة يابشر يكدر يحملة
وآه وآه عالراحت سبية
@@@
زينب عمتي اتعرفون زينب
نار الخيم من شافتهة تلهب
ياعباس صاحت وهية تنحب
ورد أعليهة شيردهن أدية
@@@
كل مجلس عزاء النة تنصبون
تحصلون الأجر لمن تذكرون
الظل وحدة غريب ابساحة الكون
ابذكرة الدمعة محسوبة الجرية
@@@
كل امصاب لوعظمت رزاياه
ابذكر احسين والعباس ننساه
بس الهم يحك النوح والأه
حتى انواسي بالدمعة الزجية
@@@@@@
جبار البطاط
ليست هناك تعليقات:
إرسال تعليق