زينب انا المظلومة _

زينـــــب آنـــي المظلومــه === دهري إو راواني إغيومه
ــــــــــــــــــــــــــــــ
دهري إو راواني آلامه == ليلـــي إيمر إو مانامه
أذكر طبرتها الهامــــه == طبرة والينه إو يومه
ــــ
طبرة والينه إبروحــي == ظليت إبحسرة نوحي
ما تشفه إو تدي إجروحي == ينــــزف گلبي إو ملچـومه
ـــ
ينزف گلبي إو ما يبرد == وأهتـــــف ياجدي أحمد
حيدر بالدم إتعمــــــــــد == طبروه إو هو إبصومه
ـــ
طبروه إو ما رحموني == زينــب آني اليتموني
فارگته إبسيل إعيوني == رافگنـــي الهم مهضومه
ــــ
رافگني الهم وآهاتـــــي == وإشلون أحبس دمعاتي
غاب الوالي إبحسراتـي == والشفره إبسم مسمومه
ــــ
والشفره الطبرت حيدر == خلـــــــت نيراني تسعر
والدين إبهم يتحســـر == واني أنعاه إو مهمومه
ــــ
واني أنعه إو أخبر أمي == ظليــــــت إبنوحي إو همي
أحزاني إو تجري إبدمي == يالزهــــره آني المحرومه
ــــ
يالزهره آني المحتاره == حيدر فارگهـا الداره
ذاك الحماي الجاره == فگدت فارسها الحومه
ـــــ
فگدت فارسهـــــــا الأمـــــه == كل شيعي إبحزنه إو همه
وينه اليكشفها الغمه == ويــن أيامه الموسومه
ـــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldkuu75592.mp3.html