كضه عمره الوصي مظلوم _ جابر النجفي 1435

بساعات الفجر لن صوت === مله الدنيه إبحزن وإهموم
نور الله إنطـــُبر بالهــام === والسيف الطـــُبر مسموم
ما ننساه === لاوالله
گضه عمره الوصي مظلوم
ـــــــــــــــــــــــــــــ
بالسجده إنطبـــــر مولاي == وي سيف الطــُبر أصوات
صعدت للسماء إتنوح == وإتنادي العدل هالمات
من بعده العدل ميصير == والظالــــــــم رفع رايات
ما ننساه === لاوالله
گضه عمره الوصي مظلوم
ـــ
ياسيف الغدر مذموم == منبــوذ إو تظل بالعار
لأنك طاوعت ملعـــــــون == حــــدّك صاب حامي الجار
إبن ملجم حليف إبليس == رضـــع ويــّاه مثله صار
ما ننساه === لاوالله
گضه عمره الوصي مظلوم
ـــ
شلون الموت ياصنديـــد == يجيك إو ما يموت الموت
ما يعرف يمينك بيـه == صارم يفني كل جالوت
من يومك بدت أهــــــــوال == تمـــُر بينه إو نعلـــّي الصوت
ما ننساه === لاوالله
گضه عمره الوصي مظلوم
ــــ
روافض نادوا إعلينه == ظلـــــم أسود يمر بينه
لأن حبـــّك يبارينـــه == كل ظالم عمت عينه
تكفيري إو قتل دينه == بس نــــــــورك ينادينه
ما ننساه === لاوالله
گضه عمره الوصي مظلوم
ـــ

نعزي فاطمه الزهــــره == نعزي المصطفه إبأمره
نعزي المجتبه إبعبره == نعزي إحسين والحره
علت راس الأبي الطبره == وإهمــــــوم إنمله صدره
ما ننساه === لاوالله
گضه عمره الوصي مظلوم
ـــ
علي إتمنـــّه الشهاده دوم == گضـــــــه عمره يحن ليها
علي محرابه دامي اليوم == بالسجـــــــده إو حظه بيها
علي إبسيف الغدر ملچـوم == مضــــه مطبـــــــور حاميها
ما ننساه === لاوالله
گضه عمره الوصي مظلوم
ـــ
علي ودّع حسن وإحسين == ودّعهــــــــــــا العقيله اليوم
علي نادى ينور العين == ياعبــــــــــــــاس يالجيدوم
ما ريدن يمــُرالبيــن == بختك ما تشوف إهموم
ما ننساه === لاوالله
گضه عمره الوصي مظلوم
ــــــــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldxhv18676.mp3.html