خلي سمعج . يمي خويه او حجيي سمعيه
ضمي دمعج . ولطفوف اهناكى خليه
باجر الايام تفتر . وآنا ارحل مثل حيدر
ضمي دمعج . ولطفوف اهناكى خليه
ادري يازينب يعذب فگد حيدر
خويه لكن طفنه والله ايعذب اكثر
جرحج او جرحي يزينب صدگي اكبر
غمضي عينج خويه باجر كلنه نسهر
نامي ليلج . كلنه باجر نسهر الليل
شدي حيلج . خلي خويه الكربله الحيل
باجر اتنامين بالبر . وآنا ارحل مثل حيدر
ضمي دمعج .ولطفوف اهناكى خليه
قبل ما تلفي لبويه هالمنيه
گلي شنهو اليجري بيج اويجري بيه
گلي منحر گلي خيمه اوغاضريه
وگلي جف وگلي جربه اعله الوطيه
گتله زينب. بويه گتله ابزينب شلون
شغته ينحب. بيده اشر فوگ المتون
كل متنها ايصير احمر . وآنا ارحل مثل حيدر
ضمي دمعج .ولطفوف اهناكى خليه
قبل ميودع شبگني او باسه نحري
اوضل يصيح حسين بويه اودمعه يجري
ايده خلاها اعله جسمي اومسح صدري
اوبيده اليسرى يزينب لزم ضهري
گلي جسمك . وصله وصله ابكربله ايصير
منهو يمك . واعله زينب عينك اتدير
تنضر الها ابحبل تنجر . وآنا ارحل مثل حيدر
ضمي دمعج .ولطفوف اهناكى خليه
گتله سولفلي يحيدر عالعقيله
گلي بالطف تنتضرها شلون ليله
اتعاين اعله الشمر راسك من يشيله
لا اهل لا اخو العدها او تنتخيله
من تشوفه. بالرماح ايعلگ الراس
اتنادي عوفه . هذه راس ابن امي ياناس
ويلي تصرخ يبو الاكبر . وآنا ارحل مثل حيدر
ضمي دمعج. ولطفوف اهناكى خليه
كتله عن خدرج يخويه اودمعه هله
گلي مايبقى خدرها ايروح كله
لو وگع كافلها گلي لا تصدله
ومن يحرگون المخيم لا تگله
خوفي يسمع. من تصيح الحگني عباس
وده يرجع. يمها لكن فاگد الراس
ما گدر لا يمها يحضر . وآنا ارحل مثل حيدر
ضمي دمعج .ولطفوف اهناكى خليه
آخر احجايه يزينب گلي بيها
گلي راح احجيلك اكثر عن سبيها
ابكربله اتشاهدها انته امكيديها
او عالهزل جنها يبويه امركبيها
تنضر الها . طايحه او ماتگدر اتگوم
توصل الها. النار تحرگ حته الهدوم
ابزينب النيران تسعر . وآنا ارحل مثل حيدر
ضمي دمعج. ولطفوف اهناكى خليه
لخادم الحسين .ع. حيدر الحلفي
ضمي دمعج . ولطفوف اهناكى خليه
باجر الايام تفتر . وآنا ارحل مثل حيدر
ضمي دمعج . ولطفوف اهناكى خليه
ادري يازينب يعذب فگد حيدر
خويه لكن طفنه والله ايعذب اكثر
جرحج او جرحي يزينب صدگي اكبر
غمضي عينج خويه باجر كلنه نسهر
نامي ليلج . كلنه باجر نسهر الليل
شدي حيلج . خلي خويه الكربله الحيل
باجر اتنامين بالبر . وآنا ارحل مثل حيدر
ضمي دمعج .ولطفوف اهناكى خليه
قبل ما تلفي لبويه هالمنيه
گلي شنهو اليجري بيج اويجري بيه
گلي منحر گلي خيمه اوغاضريه
وگلي جف وگلي جربه اعله الوطيه
گتله زينب. بويه گتله ابزينب شلون
شغته ينحب. بيده اشر فوگ المتون
كل متنها ايصير احمر . وآنا ارحل مثل حيدر
ضمي دمعج .ولطفوف اهناكى خليه
قبل ميودع شبگني او باسه نحري
اوضل يصيح حسين بويه اودمعه يجري
ايده خلاها اعله جسمي اومسح صدري
اوبيده اليسرى يزينب لزم ضهري
گلي جسمك . وصله وصله ابكربله ايصير
منهو يمك . واعله زينب عينك اتدير
تنضر الها ابحبل تنجر . وآنا ارحل مثل حيدر
ضمي دمعج .ولطفوف اهناكى خليه
گتله سولفلي يحيدر عالعقيله
گلي بالطف تنتضرها شلون ليله
اتعاين اعله الشمر راسك من يشيله
لا اهل لا اخو العدها او تنتخيله
من تشوفه. بالرماح ايعلگ الراس
اتنادي عوفه . هذه راس ابن امي ياناس
ويلي تصرخ يبو الاكبر . وآنا ارحل مثل حيدر
ضمي دمعج. ولطفوف اهناكى خليه
كتله عن خدرج يخويه اودمعه هله
گلي مايبقى خدرها ايروح كله
لو وگع كافلها گلي لا تصدله
ومن يحرگون المخيم لا تگله
خوفي يسمع. من تصيح الحگني عباس
وده يرجع. يمها لكن فاگد الراس
ما گدر لا يمها يحضر . وآنا ارحل مثل حيدر
ضمي دمعج .ولطفوف اهناكى خليه
آخر احجايه يزينب گلي بيها
گلي راح احجيلك اكثر عن سبيها
ابكربله اتشاهدها انته امكيديها
او عالهزل جنها يبويه امركبيها
تنضر الها . طايحه او ماتگدر اتگوم
توصل الها. النار تحرگ حته الهدوم
ابزينب النيران تسعر . وآنا ارحل مثل حيدر
ضمي دمعج. ولطفوف اهناكى خليه
لخادم الحسين .ع. حيدر الحلفي
ليست هناك تعليقات:
إرسال تعليق