يا علي من لليتامه _زكي الياسري النجفي 1435

يا علـــي مـن لليتامـه
لو غِبــِت يا بــالحسن
ليتك اتگوم ابسلامــه
عنهم اتزيـــح الشجَن
1
يا علي ابدنيا اليتامه صعبه ساعات الوداع
والذي يفگد حبيبه يبگـه عايش في صراع
ليله الطبره اللئيمه حَسّـــــو ابطعم الضياع

كل فرد منهم يحيدر بالجرح حس وامتحن

يا علي من لليتامه ...
2
يا علي شوف الأرامــــــل تنطر ابّاب الأمل
واليتامه اهناك تصرخ شل في كافلنا حصل
ندري عنـَّا ما يمنعـــــه حيـــدره غير الأجل

للأرامل واليتامه يا علي إنته الوطن

يا علي من لليتامه ...

3
بيك معقوده الأماني يا وصي الهادي الأمين
منهو غيرك صار ليهُــــم ياعلي نِعم المُعين
منهو غيرك چفه مِزنه تمطــر اعليهم حنين

منهو غيرك يالصميده عليتامه يؤتمَن؟

يا علي من لليتامه ...

4
يا علي عاين دمعهـم فوگ كل خدِن هَطول
ليل لو مَـتمُر عليهـم ياعلــــــي كلش يطول
في وجودك يبو الرحمه زاهـره كل الفصول

لو غبـِت عنهم يحيدر تمطر الدنيا مِحَن

يا علي من لليتامه ...

5
يا علي الهاي اليتامه عظـّـم البــاري الإجر
بمسجدك مطبور هامه سمعوا ابسيف الغدر
أشرق الكون ابدمائك مِن قبـل شمس الفجر

كل يتيم ابسجن حزنه بعد فرگاك انسجن

يا علي من لليتامه ...

6
ياعلي جبريل نادى انهـــدمت اركان الرشاد
انفصمَتِ العِروة الوثقى وانحنى ظهر السَداد
والسماء بيوم جرحـــــك لبست اثياب السواد
والمشاعر بالدموع الصوب تشييعك حِدَن
يا علي من لليتامه ...

زكي الياسري النجفي