ضلعي انكسر يا حيدر _محمد المحل

يابالحسن ضلعي انكسر ياحيدر
___
يالبسمك الهم ينجلي
بيك انتخي ودمعي هلي
وينك يحيدر ياعلي
انظر عليه وشسدر ياحيدر
__
كاعد عجب يا حيدرة
حالي بعيونك تنظرة
في بابي نار موجرة
وعنها تدير انت النظر يا حيدر
__
عند بابي العده تحشدت
وبلا اذن داري دخلت
لطموني وعيوني انعمت
وعلى الارض قرطي انتثر يا حيدر
__
وعصروني يا حامي الشرع
وانت الولي بي تستمع
حتى انكسر مني الضلع
محسن على العتبه انعفر يا حيدر
__
محسن على الكاع ارتمه
واتعفر بجاري الدمه
وما شلته يا حامي الحمه
خليته ___ يا فخر يا حيدر
___
سامحني لو ابدي العتب
ما قمت الي شنهو السبب
وفي صدري مسمار النشب
وبمهجتي تدري استقر يا حيدر
__
ذوبني ضلعي الي انهشم
وانا اون من الالم
وتشوفة صدري يجري دم
ما تفزع ترد الخدر يا حيدر
__
اعتب عليك انا و اون
كلبي اكتوى بنار الحزن
مني ترى اسود المتن
بسوط العدو شوف الاثر يا حيدر
__


للاستماع اضغط هنا
https://soundcloud.com/husainyat-ahlulbayt/1435-108