يا امامي يا غريب_كرار حسين الكربلائي

يا امامي يا غريب
...
دمعه سالت من جفن عين السمه
ولمصابك يالرضا صبت دمه
والملائك والحواري لاطمه
فاطمه نصبت عزيه فاطمه
ما يكفينه النحيب
...
يا مترجم قل هو الله احد
يالرضا ما ننسه يومك للابد
لغربتك دمعاتي تجري من المهد
هالعهد وياك باقي هالعهد
بكل گلب هذا اللهيب
...
روحي يم بابك يبو محمد تطوف
من الطفوله وانه اردد هالحروف
نظره من عندك اريدن يالرؤوف
وانته اعرفك صاحب الگلب العطوف
واليگصدك ما يخيب
...
وين اروح لغير بابك ياكريم
وانت يبن الزهره رحمن ورحيم
ما اعوفك يا صراطي المستقيم
اكفلني وانت گبلي كافل چم يتيم
انت لجروحي طبيب
...
اسمك من ايمر دمع عيني ايهلي
بالهزمن مولاي غيرك ما الي
ياعلي ومحلاها چلمة ياعلي
من اگول اسمك همومك تنجلي
انت للمظطر تجيب
...
سيدي ما دام انت بدنيتي
ما عليه بالبشر يا عصمتي
ابداعة الزهره تقبّل خدمتي
وسجل بدفتر عزاءك دمعتي
يا أعز وغله حبيب
...
ليك اقدم هالولاء الفاطمي
ولسواكم سيدي ما انتمي
ساعة المحشر بحبك احتمي
انجه بس تگول هذا خادمي
ما يمس جسمي اللهيب


....
دعواتكم
كرار حسين الكربلائي