لا تسئلة عن مرارة وغربته لا تسئلة ليش تهمل دمعته
لا تسئلة لا تسئلة
______________
علي السجاد خله يعيش بهمومة
لتلومة على نوحه ابد لتلومة
ذبحة والدة بعيونه مرسومة
ودخان المخيم لسه بهدومة
لا تلومة دمعة يجرح بالجفن لا تلومة خاليموت من الحزن
فاكد اهله لا تسئلة
________________
اصورلك بعض من حزنة واهواله
شاف حسين ابوه وشاف جتاله
لمن كطع راسة على الرمح شاله
وسحكت فوك صدرة عشر خياله
والله صعبه لوحدة وبديرة غرب والله صعبه بسوط لمن ينضرب
ماهي سهله لا تسئلة
_______________
يا ضيم اليفت صم الصخر ضيمة
اجاه اليل وعياله بلا خيمة
بنص اليل ذاك ضاعت يتيمة
من يطلع يدور الطفله بالهيمة
والغرابه وهذا اعظم كل جرح والغرابه طول زينب ينلمح
ونوحه يعله لا تسئلة
_________________
شاف بعينة مو مثل اليعيش احساس
كبال عيونه زينب تنضرب يا ناس
بينة وبين روحه يعاتب العباس
وكل ما تبجي عمته يلتفت عالراس
يابوفاضل جلمة عتاب والم بابوفاضل وين سيفك والعلم
وشيكله لا تسئلة
________________
عاش سنينة والمحنه بخياله تدور
انظر خدة تلكاه بالدمع محفور
من عاشور كل عمرة صبح عاشور
معذور اذا مات من الحزن معذور
وبعباته تلكة دم من ركبته وبعباته جان يستر عمته
ينوح خله لا تسئلة
_________________
لو بيده يصح يصرخ اسمعوني
اذا حانت وفاتي وغمضت عيوني
مثل حسين فوك الترب خلوني
وثلث تيام مثله لا تدفنوني
مو عجيبه من تشوفه بهالوضع مو عجيبه ميت ويجري الدمع
ومن تغسله لا تسئلة
__________________
تمت
ليست هناك تعليقات:
إرسال تعليق