هـَم إو ألم يبرالـــي === غاب إو تركنه الوالي
طبروا ولينه الكرار === ظل الحزن يملي الدار
غاب إو تركنه الوالي
ــــــــــــــــــــــــــــــــــــــــــــــــــ ــــــــ
مهما العدو حاول يطفــّي أنواره == عامـــر مضيفه إو ممتلي إبزواره
حيدر علي بيه البشر محتاره == نفس النبي يحمل أصل أنواره
كل معضله إيحلها إبزود === عالحگ يسير إو محمود
والهم جرح دلالـــــــــي === غاب إو تركنه الوالــــي
ــــ
عشگــي إلــَه ما تنمحي آثـــاره == ياريـت أزوره إو أنحسب خطـــّاره
وإبلهفتي أگصد أناجيه إبـــــــداره == هذا علي حامي الحميــّه إو جاره
عدله يغطــّي الأكـــوان === صار المثل والعنـوان
بــِسـْمـَه تفوز أعمالي === غاب إو تركنه الوالي
ـــ
روحي تعيفه للجسم يم بابه == تركض تريد المــُلتقه بــَحـْبابه
يم الضريح إو تنتظر ترحابـــــــه == يظهر يهــَلــّي بالحضر بــِمــْصابه
وإتشوف نوره المجروح === تبچــي إو تناديه الروح
واني اللطم يحلالـــــــــي === غاب إو تركنه الوالـــي
ــــ
ياريت أواسي زينب إبمحنتها == أيـــــّام صعبه العالمه شافتها
ما نشفت إعلى أم الحسن دمعتها == فگـــــدت أبوها إو ظلــّت إبعبرتها
ظلــّت يتيمه إبأحزان === فگدت بعدها الوليـــان
فگدت أبوها الغالــــي === غاب إو تركنه الوالي
ـــــــ
يوم الموادع وَيْ علي وأحبابـــــه == مــُر إو صعب ناره العلت لهــّابه
نزلت ملائكة السمه بــِمــْصابه == عزت بنين المرتضه وأصحابه
نصبت مآتم للنوح === تنعه وليها المذبـــوح
فگدت معينه العالي === غاب إو تركنه الوالي
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldisw63829.mp3.html
ليست هناك تعليقات:
إرسال تعليق