طفلة تحاجي ابوها وعدها غاية ما موجود اسمها وية السبايا
ابوهه تعذراهه عليلة وما خذاهه
ما موجود اسمها وية السبايا
*****
الف ونة العليلة بكل صباح تون وقلب عدها استغاث من الهجر ويحن
آيا ليل لو من غير اهلها يجن تظل لرسمة ابوها ولمسة ايده تعن
تكضي الليل باكتار المصيبة
قلب مكسور ويحن الحبيبة
الحبيب الفارقاهه عليلة وماخذاهه
*****
الحسين انوى السفر ولكربلا رحيلة وناداهن رقية وسكنة والعيلة
بوية اتحضرن ناوي ارحل الليلة العليلة تسمعة والمدمع دمة تسيلة
وصى اخته العقيلة وكل بناته
واسمها الوالي ما معقولة فاته
ظنت بي نساهه عليلة وما خذاهه
*****
انحنت شافتهه عمتهه وبدت تومي وعليها ومن كثر نار الغضى تحومي
يعمة اجمع اريد اغراضي وهدومي بلكي يكلي ابوية وية الضعن كومي
وكفت عند ابوها تقبل ايدة
وتحلفة بزينب وغيرة عضيدة
لاجن ما حجاهه عليلة وما خذاهه
*****
انكسر كلبه ويحاجيهه بدمع همال اسمج يالعليلة من السبايا انشال
عليلة وكربلا ما ترحم الاطفال ومتنج مو حمل سوط وسبي وحبال
لو شد الضعن وتهيم الايتام
وجدمهم يحترق من جمر الخيام
والحومة وعراها عليلة وما خذاها
*****
حضنته بكلبهه مكسرة العبرة وراحت يم سكينة وفاطمة الصغرى
ولكت عند سكنة ثوب لباجر تقدرة ورقية تلم بالاغراض وتجر حسرة
لختها الي تهز بمهد اخوها
وتوصيهن غدت بس بابوها
العافاهه وسباهه عليلة وما خذاهه
*****
اوصيجن خواتي بمهجتي ورجواي تدرن بي سكن بعيوني هاي وهاي
افرشنلة المصلى ولايدة صبن ماي بعبيجن سون لروح الزجية فياي
واوصيجن بعد بام المصايب
بسترجن لو مشيتن وية اجانب
خدر عمتي وحياهه عليلة وما خذاهه
*****
