جرحي أيامي. ضلعي الدامي
يادنيا اشعندج وياي
...... .. .... ..... .....
يادنيا اشجنيت وكثرت اهمومي
ولايغمض جفن جن منحجب نومي
حزنانه السمه وافلاكي ونجومي
وكضيت اسنيني بلدمعه وحزن يومي
تلهب روحي. ابونة نوحي
تتراجف بلمحنه اعضاي
يادنيا اشعندج وياي
... .... ... .... ....
شلت همج دهر يادنيا عينيني
وماشوف الوفه منج تعذبيني
تشوفيني طريحه وماتحضنيني
وأول ما طحت رحتي وتركتيني
انهض واغشه. تاه الممشه
اتعثر وامتيهه الراي
يادنيا اشعندج وياي
..... ... ... .... ...
كمت بجفوفي اصيحك ياعلي الكرار
ولساني انعكد من شوغة البسمار
أصنام و هبل دار الزمان ودار
تتعمد كسر ضلعي وحرق هالدار
تشهد داري. جرح إخباري
عصره وسطره وسيل ادماي
يادنيا اشعندج وياي
... ... ... ... ....
بسماري يفوج بضلعي مايرحم
وشواطيه صفت مجرىوبحر من دم
المحسن من سكط ناح ابهضم وبهم
و صبح مركز نوايب للزمن معلم
تنعه اترابه. اه يامصابه
يامهجة قلبي ومنواي
يادنيا اشعندج وياي
... .... ... ... .... ...
اشبعد عندج يادنيا وما الج معروف
تجتف فكري من شفت الصبر مجتوف
علي الكلك صبر مرعب قهر كل خوف
ما ارجع لون اعرف اجيك ازحوف
ضل فقارك يطلب ثارك
وللهادي اوعودك وفاي
يادنيا اشعندج وياي
.... .... ....... ..... .....
الكسر مايجبر ويضمد جرح قاسي
وعيوني أنعمت أتوجه بإحساسي
انكطع نبض الحياة ابكطعة انفاسي
وبليل الدفن مفجوعه كل ناسي
بيت احزاني. ضل عنواني
جنة كل كاصد عناي
يادنيا اشعندج وياي
.... ... ....... ..... ...
إذا فزتي يادنيا ا بأول الجوله
انه الاخره اوما أعرف الذله
الحسن وحسين عندي وصاحب الحمله
نوكف علصراط ونمحي كل عله
عهد الشيعه. لا مابيعه
زمزم و الكوثر دنياي
يادنيا اشعندج وياي
.... ...... ..... .....
الحاج سامي الكعبي الفاطميات 1436
ليست هناك تعليقات:
إرسال تعليق