لحـــظه عمرك مانحسبه من ألايام
وبي يامحسن اعيونك شافت ألالام
بس اسمعت أمك متت .... شلون لوبالطف جنت
ـــــــــــــــــ
يوم صاحت فاطمه وبس اسمعتهه = امن الجسد روحك يمحسن طلعتهه
بالوداع اشكلت ياصـرخه أرفعتهه = وخلف بــــــــاب الدار تتألم شفتهه
حتى من كلمة ييمه رحت محروم
بموتك انته تختلف لاذبح وسموم
بموتك انته اتميزت .... شلون لوبالطف جنت
ــــــــــــــــــــــــــ
شلون من أستقبلك خير البريه = ورحت انته مخضب بدم المنيه
كتله لوماكتله عن حال الزجيه = أحجي يامحسن وسولف هالمسيه
شكال من شافك الهادي يوم شافاك
وشنو أول كلمه كتله من حجه اوياك
وانته بس لحظه عشت ..... شلون لوبالطف جنت
وبي يامحسن اعيونك شافت الالام
ـــــــــــــــــــــــــــ
انته عمرك ندري بس لحظات لاكن = بي شفت وسمعت أمك تبجي وتون
صدك عصرو فاطمه احجي يمحسن = كلهه تنتظرك تسولف كول وأعلن
شصار أعله الزهره يمحسن لاتظم كول
ومنهو حــــشدهم عليـــهه ومنومسئول
وشنو بعيونك شفت ..... شلون لوبالطف جنت
ــــــــــــــــــــــــــ
كول يامحسن خلص منه الصبر = وياموقف خله بحشاك الجمر
يــــــوم طك الــظلع وسمعت الكسر= لومن بسمارهم أهل الغدر
لومن كالو علي يبايع نريده
لومن شفت اللعين السوط بيده
امن السطره لوطحت .... شلون لوبالطف جنت
ـــــــــــــــــــــــــ
انته لوبالطف يمحسن صعبه واتشوف ؟ = عالنهر مكطوعه من عباس الجفوف
ومن تشوف حسين وحده بين ألاصفوف = ناس برمـاح ونبل وسهــــام وسيوف
كلشي يامحسن تشوفه يجدد ألاه
والضلع والــــنار هم والسوط تلكاه
جان موقف سجلت ... شلون لوبالطف جنت
ــــــــــــــــــــــــــ
الظالم احنه ندري من عالباب ناده = أعليهه حشد زمرته وأعلن عناده
وانت يامحسن اختــــاريت الشـــــهاده = تبذلون النفس ألكم هاي عاده
الك موقف بالقيامه وتوكف اهناك
وتاخذ ثارك يمحسن من العاداك
بهالشهاده يالفزت .... شلون لوبالطف جنت
ــــــــــــــــــــــــ
جبار البطاط
اسـألكم الدعاء
ليست هناك تعليقات:
إرسال تعليق