هاليلة يبجيلي ليل المدينة هدت ركن حيلي امي الحزينة
انحب واحن للدار ياشوغة البسمار
ليل المدينة
****
هاي اول ليلة باتت انظر فراش امي خالي
صارت اطول ليلة عندي ويلي من باقي الليله
لا حلم حتى اصحى منه ولا سفر وتردلي تالي
الليل شيب من ونيني والسهر يبجي على حالي
تاخذني آهاتي لذيج الرزية
يشرح معاناتي باب الزجية
يادمعة الكرار ياشوغة البسمار
ليل المدينة
***
يمه يالكلج محنه بيا حضن هالليلة اباتن
انذبحت اليمة بلساني قلبي شيب من صباته
من تناديني يزينب يمه احس اسمي شحلاته
هسه صار اسمي يتيمة وهمي زادت نايباته
صاروا يسموني ام المصايب
نزلت على عيوني ثكل النوايب
من صغري حيلي انهار يا شوغة البسمار
ليل المدينة
***
لوبديها الزهرة امي اتلكت الباب اليجيها
جان ثكل العصرة اهون وخفت العصرة عليهه
دفعته بيديها لكن مارحم دافعها بيها
بكعب سيفه النذل شفته كام ظل يضرب اديها
كلهم تولوها و.....
تتأذى سمعوها ودفعوا عليهه
ياوسفه باب الدار ياشوغة البسمار
ليل المدينة
***
اكعد بكل ليلة وانعى بالمكان البي كعدتي
واسمع بكل لحظة ونه من ورة الباب ويه ونتي
مدري ليوّن هذا محسن لخته زينب مدري انتي
يمه يتراوالي طولج واخنك بصدري عبرتي
كعبة الم حزني طافت جروحي
بسمج يظل لحني ومايهدى نوحي
دمعي بغيابج نار ياشوغة البسمار
ليل المدينة
***
ليلي يخلص دمعة دمعة وهاي الاحزان البداية
شلون باجر يالزجية يرحن بناتج سبايا
ليلي بالطف يعني غربة يعني هيمة وبس ضحايا
يعني اخو مسلبينه ثوبة يعني اخت ماعدها راية
لو حركوا خيامي بالغاضرية
المتكفل ايتامي مبعد عليه
وبجدمي بان اثار ياشوغة البسمار
ليل المدينة
*******
ليست هناك تعليقات:
إرسال تعليق