تسألون على اسباب عذابي بعد يوم يهتكون حجابي
***
كبل من جان ابوي الكل يهابوني
يحلفون بخيالي ومايزعلوني
قبل لاصيحهم جانوا يسمعوني
من غابت عليه عيونه عادوني
كبل جان يهابون مقامي واذا اقول يسمعون كلامي
وانا اليوم يرفضون جوابي
***
جنت من امشي ما يمشون كدامي
يبوسون التراب الداسته اقدامي
منهم كل عذابي اليوم والامي
نزلت من سببهم دمعة ايتامي
على الباب يطيحون جنيني وانا بسوط يضربون جبيني
الشهود على النار يبابي
***
حكموا باسم ابوي وحاربوا صهره
خذوا منه الخلافة وخالفوا امره
ابد ما جن وصيه ووالد العترة
ولا جن بت محمد فاطمة الزهرة
يرفضون وصية لنبيهم ينكرون خلافة لوليهم
على الخان يكولون صحابي
***
ابوي بعالي صوته يصيحلي البضعة
اذا نزلت دمعتي يهل جمر دمعه
انا الشمعة بحياته وطفوا الشمعة
وكسروا ضلعي خاطر ينكسر ضلعه
امر صار يمنعون دمعتي مثل ..بالوداع غربتي
على الناس فلا صار مصابي
***
باب الجان ابوي بيمنته يدكها
وجفوف الحسن وحسين تشبكهه
باب الخاف منها الريح يطبكها
يجيها الخان دينة بناره يحرقها
حرق باب نبي الدين حماها كتل روح رضا الله برضاها
نسه شلون غضب يوم حسابي
***
لون حاضر محمد بالجره وشفته
وابني شلون ادين الثاني كاتلته
والله يموت قبلي ويحمي منزلته
ولا يقبل محمد تنضرب بنته
لون شاف ضرب سوط بديهم قسم جان رفع سيف عليهم
ولا جان يمسون ثيابي
***
رغم كل الجرالي وما خلص صبري
ولا خليت حيدر يعرف بكسري
لمن غسلني بيده وودعت عمري
دفني وما عرف كل واحد بقبري
يبوحسين كلت هاي وصيتي فلاريد بشر خان قضيتي
ولاريد يمرون ترابي
***
على اصحاب السقيفة يظل غضب بيه
واحاسبهم حساب الخان طاغية
ابد ما خلوا لهالدين قدسية
زرعوا بالرسالة افكار تيمية
هالافكار بقت هاي مخالب على الدين يظلون نواصب
والاسلام لبس ثوب وهابي
*********
نسألكم خالص الدعاء
ليست هناك تعليقات:
إرسال تعليق