علي عاف النجف ليش يعالم عجيبة سمعنه كاصد الشام يشيع الغريبة
علي لمن يروح يضمدلهه الجروح
___________________
من يموت الشيعي حيدر يعتنيله هو حيدر كل رجانا والوسيلة
لازم يعوف النجف لجل العقيلة يعتني يم زينب ودمعة يسيلة
كعد يمها الصميده تفايض حزنها اثر من ضرب السياط يشوفه بمتنهه
بقة يمهه ينوح يضمدلهه الجروح
_______________________
يالي تسأل عن ولدها الما اجوها قدمتهم فدوة بالطف لجل اخوها
حتلو حضروا ولدها وشيعوها هم تظل العين مشبوحه على اخوها
ابد مانذكر مصاب ولدها ونفهمه لان محد سمعهه تنادي ييمه
عطرهم من يفوح يضمدلهه الجروح
_____________________
والحسن هم اعتنى لكبر السبيه وام كمر هاشم تنوح وية الزجية
كل بني هاشم اجوا للهاشمية والتقوا بالشام وية الجعفرية
نعش زينب نحمله يشيعة على الراس ترة لو شالته جفوف نجرحك يعباس
علم حيدر يلوح يضمدلهه الجروح
______________________
عالرؤوس انشال نعش ام المصايب اول الموكب محمد نعشه ساكب
نعشج بعالي السمة تشيعة الكواكب نسأل الغايب يجي لو يبقى غايب
تعال انظر يمهدي بدموع المصيبة ترة عاشت غريبة وتوفت غريبه
دمعنه بلاية روح يضمدلهه الجروح
_________________
من بجه العباس يا مدمع ذكرتي دمعج على افراكه لو من انسلبتي
شكلج بكلمة عتب لمن عتبتي بيمن امسح دمعتج وامسح دمعتي
يزينب دمع العتاب بقة عالشريعة ينادي هاا يمهدي بجفوف قطيعه
دمع يحجي بوضوح يضمدلهه الجروح
__________________
علكبر خلي الاهل مأتم ينصبون والقصد تنعه رقيه وهمة يبجون
تشرحلهم عالطشت من ماتت شلون ياهلي واليسرون لا يرجعون
ولو شيعتنة ابطال يحرسون خدرنه لجن مشبوحه الانظار يجي منتظرنه
الي بسرة يفوح يضمدلهه الجروح
_____________________________________
ليست هناك تعليقات:
إرسال تعليق