ايعين الله كلب الي يحب لو فارك احبابه
وجمرة فراگــك ياعلــي ماتطــفي لهـابه
من فارگتني ..... بويه وعفتني
وجمرة فراگــك ياعلــي ماتطــفي لهـابه
ــــــــــــــــــــــــــــــــــــــــــــــــــ ــــــــــــــــــــــــــــــــ
انه زينب وانـه ام الحـزن اسـمي
ثلاث سنين عمري وفارگت امي
احس بيه الحزن يتجاره وي دمي
خاويت المصاب وظل عمـر يمي
يابويه اجبر خاطري ولاتبتعد عني
والفرگتك ياوالدي منهو اليصبرني
يالحيرتني ..... بويه وعفتني
وجمرة فراگــك ياعلــي ماتطــفي لهـابه
ــــــــــــــــــــــــــــــــــــــــــــــــــ ــــــــــــــــــــــــــــــــ
انه وليلي ومصابي اگعدنه وحچينه
إلم قصــة مصــابي احنه قصــينه
دمع من دم على الوجـنات هلــينه
اليفگــدله عزيز الــخالق ايعيـــنه
ما احمل الفرگــه وحق بـويه ياغــالي
تعرف بحالي ولوعتي دمعاتي تبرالي
المحنه تفتني ..... بويه وعفتني
وجمرة فراگــك ياعلــي ماتطــفي لهـابه
ــــــــــــــــــــــــــــــــــــــــــــــــــ ــــــــــــــــــــــــــــــــ
على افـراش المــنيه شافتــك عيني
منظر صـورتك يالـــوالي ياذينـــي
يريت الــصوبك صوب الي جبيني
شلون اصـبر انه بليـــاك تدرينـــي
تعلم بحالي يالابو وتعرفهه اطــباعي
لو فارگتني وشتظن احچيهه موداعي
بعينك شفتني ..... بويه وعفتني
وجمرة فراگــك ياعلــي ماتطــفي لهـابه
ــــــــــــــــــــــــــــــــــــــــــــــــــ ــــــــــــــــــــــــــــــــ
دمع عيني على خدودي نزل مدرار
واحس وي دمـعتي الدنيه تهل اعبار
يبويه افتح عيونك شـاهد الـي صــار
تخلـــيني يــتيـــمه شلـــون ياكـــرار
عافتني امـــي بالزغـر وتيتــــمت اني
شيحـــمل دليلي يالابو اتيـــتم يتم ثاني
منه التودني ..... بويه وعفتني
وجمرة فراگــك ياعلــي ماتطــفي لهـابه
ــــــــــــــــــــــــــــــــــــــــــــــــــ ــــــــــــــــــــــــــــــــ
اريد اعرف يخوتي عن ابويه اشبيه
خلونــي اســــئله ياجــــرح يــــاذيه
يـــبويه بيه جرحـــك ريتك اتخـــليه
حتى اچفوفي ذني اتضمده واتداويه
هذا العمر فدوه الك لو بس تظل ســالم
ياريت صوب هامتي ولاصـابك الظالم
محنه ودهتني ..... بويه وعفتني
وجمرة فراگــك ياعلــي ماتطــفي لهـابه
ــــــــــــــــــــــــــــــــــــــــــــــــــ ــــــــــــــــــــــــــــــــ
اكلــــمك بويه انــــته وماتــكلمني
سكوتك خنر بصدري ويــجرحني
اذا ظلـــك رحـل مـنهو اليظـــللني
الك تـشتاق عيني وانتــه تعـــرفني
اشتاقك وعنك علم زينـب لـون حـنت
الاكون كلهه الونتي لو بس اون ونت
هم اسمعتني ..... بويه وعفتني
وجمرة فراگــك ياعلــي ماتطــفي لهـابه
ــــــــــــــــــــــــــــــــــــــــــــــــــ ــــــــــــــــــــــــــــــــ
مكانك خالي لمن ناظــري اتــشوفه
اصل يمه واحـــس بروحك اتـطوفه
مــحرابك علــيه دمــعاتي مـــذروفه
اعاين صورتك والگـــاهه مخطــوفه
صورتك هجرت مسجدك والمسجد ايناطر
اسمعته صاح انه انتـظر بلكت تجي باچــر
وماجاوبتني ..... بويه وعفتني
وجمرة فراگــك ياعلــي ماتطــفي لهـابه
ــــــــــــــــــــــــــــــــــــــــــــــــــ ــــــــــــــــــــــــــــــــ
صحت بصوتي اريد الموت انه اتمنه
العمر ماريـــده من بعـــدك اشــوفنه
بعد يـابويه گـــلي اشلــــون اتهنــــه
اخذ يمـــك دليــــلي واستـــمع منــه
وياك اروحن وارتحل للموت خليني
عمري بدونك يالابو ماريــده تدريني
لامايهمني ..... بويه وعفتني
وجمرة فراگــك ياعلــي ماتطــفي لهـابه
ــــــــــــــــــــــــــــــــــــــــــــ تمت والحمد لله ــــــــــــــــــــــــــــــــــــــ
خادم اهل البيت حيدر تركي الكربلائي
ليست هناك تعليقات:
إرسال تعليق