عينك ما درتها بيوم عن عيني عليك بداعت العباس حاجيني
*****
وينك يالكلت ما فاركج وينك عليك بداعت امي لا تسد عينك
اريد براسي تمسح بوية جفينك امسح راسي بيدي لا تخليني
*****
ما ريد الهوا الما بي علي اشتمه ولا ريدن شهر رمضان مو يمك
شلون أفطر بماي و تفطر بدمك يا ماي بغيابك بعد يرويني
*****
أكثر من عذابي لا تكلفوني عفتني و باچر اخواني يعيفوني
بعدك سوط أمية يضرب متوني وبن الكلت چبد الحمزة يسبيني
*****
أعمار البشر تندار كون أدري والله انطيك عمري يا بعد عمري
كسر أمي بضلعها و بالقلب كسري مكسورة الخاطر لا تخليني
*****
بعدك ما لي عين تشوف محرابك لو دم الدمع ما يجبر مصابك
أحن لريحتك واركض على ثيابك يا ريحة علي من الموت تحييني
*****
أول مرة اصيحك ما ترد صوتي أول مرة اموت بموت مو موتي
نار الباب ردت حرگت بيوتي من نار السقيفة من يطفيني
*****
حگي أبچي عليكم من أودعكم و شوفن عالشريعة تطيح رايتكم
التكره دينكم صعدت منابركم صار الخان ديني يحكم بديني
*****
نسألكم خالص الدعاء
ليست هناك تعليقات:
إرسال تعليق