هااا عباس اجيت وعفت الايتام عجب مستقبلتني
انا وجهي انصبغ برماد الخيام اظنك ما عرفتني
يخوية الصار يقظة لو بالاحلام غريبة فاركتني
ولا طبعك اصيح وعينك تنام ولاجنك شفتني
لو عذرك عيونك اخذ العيون
هاك انظردموعي شوف المتون
شتفيد اعتذارات وحجاب السماوات
بركبتك صار
___________
لاتلمس واحذرك ياا هوى الهاب لتحرك عباتي
انا ام الخدر وانا ام الحجاب معروفة بصصفاتي
اريد ويةالكفلني ساعة عتاب اريد اعرف غلاتي
اشوفة ينجرح بدموع الاحباب؟واذكرة بذكرياتي
اركض وامشي واوكع وانهض اردود
وانده يا كفيلي وين الوعود
____________
وين امشي اشوف عيون تصد ليه وتنكط سم
واشوف سياطهم حمرة يضربوني ويسيل الدم
صحت وينك يبو الغيرة سمعني الشمر وتبسم
صاح وسوطة التف عليه للكوفة انكودج مسبيه
_____________
انا ام الخدر يا حيف تاليهه الشمر يمي
يباوعلي ويهز السوط و شتم والدي وامي
محد كال عند عيناج وانا اتمايل بهمي
اركض واتلفت واتعثر وين الكافل ضعن الخدر
وين الدك الي صدرة وكال بخدرج اتكفل
تالي عافني بغربة وعليه الشمر يتمرجل
اريد امشي لراعي الجود اشوف بهالوضع يقبل
اشعر صوته يرن بضلوعي وما خليته يشوف دموعي
_____________
اخر دمعة عتاب على الشاطي اخليها
تذكرك بالذي ينشد زينب واليها
هزيلة الناكة جابوها واختك تركب عليها
ياهو العالناكة يركبني ومن اوكع خاف تعورني
___________
كان وكان اذكر يمك اني
يمك اني البشر ماجان يكرب يمك اني
يخوية شلون انطك يمك اني
يضربوني ويشتمون الزجية
________
وحك الصار والدله واليدين
ما انكر الي وعدي والي دين
يزينب لو يرد سيفي واليدين
فلا وصلوا خيام الهاشمية
__________
صفت دكات دلالي ترة انشاف
بغيابك تارة اهل دمعي ترة انشاف
اخبرك طولي المحجب ترة انشاف
وواحد اشر لواحد عليه
__________
يزينب غيمة دموعج صحت لا
واعتبي على الذي جفوفة صحت لا
الشمر لمن ضرب متنج صحت لا
صيحة الما صحتهه بكطع ادية
___________
صحت من نار قلبي من اجاني
يخوية بغير اسمك من اجاني
الشمر والسوط بيده من اجاني
صحت الحك يبوفاضل عليه
________
بوجودي جان من يوصل عتاباج
وادري ما اله ذمة عتاباج
يزينب يمرد بقلبي عتاباج
اخوج وخففي عتابج عليه
__________
يازينب
ردحذفيازينب
ردحذفيازينب
ردحذف