يلوي ركبته ويدير عينه
يكسر خاطر اليسمع ونينة
عليل يصيح ابوي حسين وينه
_____
يقضي العمر يبجي ويجر ونه
تشوف الماي عينة ويصد عنه
يصيح شلون اشرب وابوي انحرم منه
____*******_____
ريتك يعباس تحضر يوم طلعت من كربلا
لورادت النوك تعثر يضرب خواتك حرمله
____
تصيح بهيده يعمه لاتنوحون
لاتعثر النوك وتطيحون
ترة ماكو اهل عنكم يحامون
واني كطعت الرجه منهم والظنون
____*****____
آه يزينب صعبة حالتكم علينة
_____
كال اصبري والصبر من وين اجيبة
كال اصبري من يظل فارق حبيبه
كال اصبري والهجر عله غريبة
كال اصبري والكلب شاجر لهيبة
______
بوية حيدر عالهزل امشي سبيه
بوية حيدر مكيده باغلال امية
بوية حيدرما بكه ساتر عليه
بوية حيدر مسافرةمن غير جيه
____
انا زينب مسلبه خدري خذوني
انا زينب من الضرب ورمن متوني
انا زينب دم تهل يمة جفوني
انا زينب راحوا اهلي وضيعوني
____
يارقيه شوفي راس حسين يحجي
يارقيه من تشوفج عينه يبجي
يارقيه للابو يبنيتي اشكي
يارقيه ولو قرب راسة دشبكي
_____******____
علي راجع لقيته من ارض الطفوف
يلوذ بحنته واسمع نحيبة
علي وينك ترة مني القلب ملهوف
خبرني عن احوال الاهل يبن النجيبة
يا عمه من رحت وسفه لارض الطفوف
شفت بدور مخسوفه وتريبة
شفت يم العلكمي يا زينب جفوف
ومكدر اوصف حالته والله عجيبه
شفت عباس يم النهر مخسوف
نايم على المسناة والنومة رهيبة
راسه انطبر والعين متشوف
والجثة مثل حسين يا عمه سليبه
شفت الاكبر اخيي صابته سيوف
جسمه مكطعه واوصاله رهيبه
وجاسم بثوب العرس معروف وموصوف
شفته تحنه من دمه نحرة الرطيبة
شفت حسين واملاك السمة تطوف
وشفت انوار يا عمه رهيبه
جمعت اوصاله والمشهد ما اله وصوف
جمعته بباليه بحاله صعيبة
صدرة مكسر ومكطوع الجفوف
اعظائة كلها مطشرة وجثته سليبة
صدع كلبي السهم ما عندي حروف
شفت جبده مطلعينه بيامصيبة
___*****___
انا الي جرة بيه ما جرى بناس
شفت عالثرى بالخيل تنداس
وتالي الوكت نزلتك بلا راس
____****____
ييمة ليش النحبهم ما يظلون
جمرة فركاهم يخلوها ويروحون
____****____
كالساعه ويوكفوني على راسي يضربوني يتيم وما يرحموني
ما يرضوا بني هاشم مكيود
ماني معلم باسفار حرم عندي ويتامه صغار ودخول المجالس عار
مايرضوا بني هاشم مكيود
لو سبع الكنطرة موجود يشيل الجامعة والكيود وين اهل العلم والزود
مايرضوا بني هاشم مكيود
___****___
اكعد يمن ذبحوا على صدرة رضيعه
انا كلبي كيف اعددلك صدوعه
من كربلا للكوفة يا بوية الفجيعه
___
يالي بلاية راس جسمة تاركينة
ويالي بعواد الخيل صدرة مرضضينه
بوية الطفل مذبوح وينة
___***___
شاف الطفل بكماطة صار يعاينة بهداي وباسم الله عليه سمه
شاف كماطه المشكوك وعاين في النحر سهمه صار يهزة وينادي
هلا بغالي ابو سكينة
___
هلولو نام يا خوية هلولو يا حبيبي نام
عسى تحلالك النومه عسى تحلالك الاحلام
اريد امسح على راسك يعبدالله مثل الايتام
ددنيلي طرف خدك اريد اشتم رياحينة
___***___
ماحد تدنى من الخلك (شد الهم الروس)
غير محاسنهم يعمه حر الشموس
ودفنتهمكلهم يمحزونه بلا روس
اما البطل عباس لاراس ولا دين
_____
يالواريت ابو السجاد كلي شلون واريته
بالله خنصرة المكطوع كلي وين خليته
وذاك الجسد المكطع كلي بيش لفيته
وجبت جفينة هالكطعهه ذاك الرجس جماله
___
دفنته بالمكان الطاح لو شلته من مكانه
وشلت السهم عن كلبه ودفنت وياه رضعانه
علي الاكبر مع الجاسم والعباس واخوانه
بالله كلي يا عزيز الروح عن العباس واحواله
___
صاحت انشدك ماي شربته يدفان
....
انا بدرس الفرح دهري عفاني
الحزن يبرالي ما لحظة عفاني
اهيل ترابكم بيدي عفاني
عدل واحبابي راحوا من ادية
___
يحفارالكبر واسعى واناحاي
اريد اتمدد وياهم واناحي
عليهم ما اكف وني وانا حي
عهد مني لحد يوم المنية
__
ليست هناك تعليقات:
إرسال تعليق