يبني جرح كلبي الدهر وني جزع منه السهر
عيني على درب السفر
____________
ام البنين وية الدهر طول عتبها
منكطع من غصن ثمرة تعبها
فارك جسدها وبالضعن حمل كلبها
مو بالبنين بمهجة الزهرة نكبها
دمعي فلا ينشف بعد ليلي اذا مرني اشد
جرحي مثل همي كبر
______________
لو ردت مني يا دهر تاخذ بنيني
وياك اخذ من الكلب شوكي وحنيني
لو جان جرحة خاطرك حسرة ونيني
اولادي خمسة وردت بس واحد يجيني
كلبي على حسين بوجل عندي بعد ما ظل امل
راحو ولا بين خبر
___________
خلف الضعن لمن صحت بالله ارحموني
يولادي انه الوالدة ولا تتركوي
بيكم امل جية بعد لو ما تجوني
لضيوفكم شنطي عذر لو ناشدوني
خالي صبح دار الكرم يبجي على اهل الشيم
وسفة بعد ذاك الفخر
__________
ولسان حال ابن الوصي رجع جوابي
يم البنين الصابرة يطول غيابي
انتظري لو رد للوطن ناعي مصابي
يوليدي كتله على الدهر وحي وعتابي
عمري فدة لعمرك صحت صبري صعب لمن صحت
دمي لون يبني انهدر
___________
للاستماع اضغط هنا
ليست هناك تعليقات:
إرسال تعليق