ماظنيت يا عمه ولا جانت على بالي عشيرة بيوم نفكدها وظلينه بلا والي
كالت كومي نلولي يعمه بوادي الصرعة حتى نشوف وليانج ويم اجسادهم ننعى
نغسل جنايزهم من العينين بالدمعه يسكينه وولينه يكوم ينظر حالج وحالي
يا عمه انصدع كلبي من الشبان مصروعه جنايز كيف نعرفهه ومنهه الروس مكطوعه
ومنها الي بجنب حسين حتى مكسرة ضلوعه كالت لاتنشديني يسكنه انصدع دلالي
هذي جثة بن امي ويتكلم من المنحر وهذا الي بجنب حسين يسكينه علي الاكبر
وهذا معرسج طايح على التربان ومعفر فجعني حسين بمصابة يسكنه واندهش بالي
ياعمه وشنهو الي بصدر حسين مطروحه هذي جثة صغير بسهم البين مذبوحه
كالت هذا طفل حسين وجبد امج المجروحه صار المهد صدر حسين حكة والمهد خالي
هذا عون ومحمد البيهم ليلي سهرانه كل واحد غصن مكطوف منهم قبل ميحانه
وابوفاضل على الشاطي وهالي مكطعه اخوانه
يسهم البين بسك عاد بالله درحم بحالي
ليست هناك تعليقات:
إرسال تعليق