عليك بكسر ضلع امي الزجية يبويه اكعد انه بنتك رقيه
دموع العين تحجي سؤالي عليك يبجي
*****
يالربيتني بحضنك الدافي
عمري وياك احسة حلم غافي
يامنهل حناني ونبع صافي
جلماتك ترتلهن شفافي
بطباعك طبعتني وعليهن عودتني
اذا انحرم منهه شلون بيه يبويه اكعد انا بنتك رقية
***
اذا من شوفتك يا بويه يحسين
يحرمني زماني شلي بلعين
صبر بوية بمغيبك يحصل منين
انا بلياك توسد ترة البين
الابو سلوته بنيته وانا بلياك ميته
اذا مو حضنك لحضن المنيه يبويه اكعد انا بنتك رقيه
***
ماجان على بالي تغيب عني
ولاطف كربلا ياخذك مني
ماحسبت تالي يخيب ظني
ومن صغري يصير النوح فني
صدك يابويه تالي بطشت راسك كبالي
الموت اهون ولا هاي الرزيه يبويه اكعد انا بنتك رقية
***
صوتي بكل معاني الرجا ناداك
حياتي شتسوة يابوية بلياك
يبويه نروح كلحنة فداياك
لتخليني وحدي خذني وياك
عبدالله اخذته لتحرم منه اخته
اسمع بحنينه يحن عليا يبويه اكعد انا بنتك رقيه
***
ليست هناك تعليقات:
إرسال تعليق