*ابّاب الجنه وگفت تهمل العين. بنت المصطفى وتتلگه ابو حسين
وتردد ابجلمات. *يا حيدر سلامات
--------------------------
مــن مــر المقـدر بأبــو الحملات. غفه ابحجر المنيه
فاضت روحه صعدت للسماوات** بأمر رب البريه
مــن الجنه جـاب الصدى جلمات. *هله ابحامي الحميه
صد للجنــه هــل بعـيـونه دمعات. من شاف الزجيه
هل دمعاته حيدر من الفراك** واكبل عالزجيه وناده مشتاك
الزهره اتسيل دمعات. **يا حيدر سلامات
-----------------------------
اكبل عالزجيه وكلبه محتام. *ابشوفتها ايتهنه
وكف يمها يسولف قهر وآلام ** من غيبتها عنه
يكلها ابغيبتج باريت الايتام. باحساس ومحنه
واليوم آنه اجيتج انزف الهام. *شيبي ابدم تحنه
من شافت علي بالهامه مطبور. **توجت بالظلع والظلع مكسور
وتتجاذب الحسرات**يا حيدر سلامات
---------------------------
گعدت بت محمد يم ابو حسين* *دم يهمل دمعها
تكله يا علي يابــو المـيــامـيــن* *هالقصه استمعها
من هجمت الدار اخفيت امرين* *ما تدري ابوضعها
گامت فاطمه راوته المتنين * وكشفت عن ظلعها
تكله اخفيتهن بامر الله مو خوف** ادريبك تكفّي ابوكت السيوف
تشهد الك صولات**يا حيدر سلامات
------------------------------
علي ايكلها يفاطم والله لو جان* *ابكسرج ادري واعلم
لاسوي ارض المدينه ارض ميدان* . تفيض ابّحر من دم
انه القامع ابسيفي الانس والجان**ابسيفي الكفر اسلم
تكله الهالـسـبــب قـّدر الرحمن* ****حتــى الدنـيـه تـسـلم
الباري اخفاها عنك لاجل امرين. *حتى الدنيه تبكه وتنصر الدين
وبيدك ترف رايات**يا حيدر سلامات
------------------------------
دنــك هامـتـه الما دنــك ابـيـوم. *يم بضعة محمد
گلها الطبره هاي ابسيف مسموم. *منها الحيل يجهد
شوفي الشيب لسه امخضب ادموم. اريد الباري يشهد
ابمحراب الصلاه غدروني الكوم** ابطبرت سيف مرتد
تكله ياعلي لجّمت الجروح. *وعله امصابك تذوب المهجه والروح
امصابك صبح جمرات. *يا حيدر سلامات
-------------------------------
اسألك وارجه منك يا علي اتبوح**عن زينب يحيدر
من رديت الها ابراس مجروح. **والدم ايـتـكـطـر
يكول اغمه عليها وشاغت الروح* . ب الاصعب اكثر
لمن ودعتها ،،،،، كالت اتروح؟؟* عني اشلون تكدر
تكلي انطاك كلبك نصبح ايتام. *لو تقبل يبويه عكبك انظام
گامت تجري عبرات. *يا حيدر سلامات
-------------------------------
- خادم اهل البيت عليهم السلام عمار العيساوي
وتردد ابجلمات. *يا حيدر سلامات
--------------------------
مــن مــر المقـدر بأبــو الحملات. غفه ابحجر المنيه
فاضت روحه صعدت للسماوات** بأمر رب البريه
مــن الجنه جـاب الصدى جلمات. *هله ابحامي الحميه
صد للجنــه هــل بعـيـونه دمعات. من شاف الزجيه
هل دمعاته حيدر من الفراك** واكبل عالزجيه وناده مشتاك
الزهره اتسيل دمعات. **يا حيدر سلامات
-----------------------------
اكبل عالزجيه وكلبه محتام. *ابشوفتها ايتهنه
وكف يمها يسولف قهر وآلام ** من غيبتها عنه
يكلها ابغيبتج باريت الايتام. باحساس ومحنه
واليوم آنه اجيتج انزف الهام. *شيبي ابدم تحنه
من شافت علي بالهامه مطبور. **توجت بالظلع والظلع مكسور
وتتجاذب الحسرات**يا حيدر سلامات
---------------------------
گعدت بت محمد يم ابو حسين* *دم يهمل دمعها
تكله يا علي يابــو المـيــامـيــن* *هالقصه استمعها
من هجمت الدار اخفيت امرين* *ما تدري ابوضعها
گامت فاطمه راوته المتنين * وكشفت عن ظلعها
تكله اخفيتهن بامر الله مو خوف** ادريبك تكفّي ابوكت السيوف
تشهد الك صولات**يا حيدر سلامات
------------------------------
علي ايكلها يفاطم والله لو جان* *ابكسرج ادري واعلم
لاسوي ارض المدينه ارض ميدان* . تفيض ابّحر من دم
انه القامع ابسيفي الانس والجان**ابسيفي الكفر اسلم
تكله الهالـسـبــب قـّدر الرحمن* ****حتــى الدنـيـه تـسـلم
الباري اخفاها عنك لاجل امرين. *حتى الدنيه تبكه وتنصر الدين
وبيدك ترف رايات**يا حيدر سلامات
------------------------------
دنــك هامـتـه الما دنــك ابـيـوم. *يم بضعة محمد
گلها الطبره هاي ابسيف مسموم. *منها الحيل يجهد
شوفي الشيب لسه امخضب ادموم. اريد الباري يشهد
ابمحراب الصلاه غدروني الكوم** ابطبرت سيف مرتد
تكله ياعلي لجّمت الجروح. *وعله امصابك تذوب المهجه والروح
امصابك صبح جمرات. *يا حيدر سلامات
-------------------------------
اسألك وارجه منك يا علي اتبوح**عن زينب يحيدر
من رديت الها ابراس مجروح. **والدم ايـتـكـطـر
يكول اغمه عليها وشاغت الروح* . ب الاصعب اكثر
لمن ودعتها ،،،،، كالت اتروح؟؟* عني اشلون تكدر
تكلي انطاك كلبك نصبح ايتام. *لو تقبل يبويه عكبك انظام
گامت تجري عبرات. *يا حيدر سلامات
-------------------------------
- خادم اهل البيت عليهم السلام عمار العيساوي
ليست هناك تعليقات:
إرسال تعليق