واويلاه ماتت يشيعه
فاطمه
__________
للأمام العسكــــري هــــــــاي الروايه تبث وهج
حجج احنه اعله البرايه وامنه حجه اعله الحجج
هي روح بوسط روح الأســـــره للباري وعرج
أمته كسرو ضلعها وناحت كلــــوب ومهـــــــج
واويلاه ارواح ظلت هايمه
_____
تموت مظلومه حزينه وهي بنت خير البشر
واحد بسوطــــه ضربها وللضلع واحد كسر
واحد يشب نــــــــاره بيده واحد لخدها سطر
وطاحت اعله الكاع تبــجي تصيح يافضه بقهر
واويلاه صدر
العرش ينزف دمه
ياعلي صاحت اوصيك بوصيه بعبرتي
آنه مليت الحيــاة وصرت اريدن موتتي
ياعلي لوحان وعدي بليل شيع اجنازتي
ما اريد اللــــــوعوني يحضرون بدفنتي
واويلاه والدنيه امست
مظلمه
_____
فضه تــــــروي هالروايه وتهمل امواج الدمع
تكول عالمغتسل شفت المرتضه بأعظم وضع
رحت اجيب المــاي لني صرخة آ هات استمع
صاح يافضـــــه الوديعــــــه منكسر منها ضلع
واويلاه هاي المناحه دايمه
________
حيدر اعله الكبـــــــر يقره بدمعة اعيونه الكتاب
من التعب هومت عينه وغفت عينه اعله التراب
بنومته شــــــــــــاهد الزهره تصرخ بهم وعذاب
ياعلي ارجع لزينــــــب كـــــــــاعده بعتبة الباب
واويلاه زينب بقت متيتمه
_________
نكول حيدر ضلع واحد شاف ودموعه جرت
شحال زينب شافت ضلوع ابو اليمه اتكسرت
وزينب الرباها حــــــــيدر عله الناكه اتيسرت
وهالوديعه مثل أمها مـــــــــن دهرها اتحيرت
واويلاه ناحت ملائكة السمه
خادم الزهراء (ع)
كرار حسين الكربلائي
ليست هناك تعليقات:
إرسال تعليق