بالحزن خلص حياته ** والهضم كل ذكرياته
مالگه غير المصايب ** من بعد فگد الحبايب
بالحزن خلص حياته
**********
فارگ اغله احباب عنده ** جده من بعده الزجيه
فارگه الكرار حيدر** هالاســــــد حامي الحميه
واستلم امر الامامه ** وشرعه من سيد البريه
هذا الامام المجتبه * تنصيب ربنه امنصبه * واتكرم بهالمرتبه
بيهه من جده وصيه
مالگه غير المئاسي ** حاربوه اهل الكراسي
يذكر امصاب الاحبه ** والهضم نبضه اويه گلبه
بالحزن خلص حياته
***************
عانه ما عانه بحياته ** اشگد هضم شاف وظلامه
مــــــثل ابوه الوالي حيدر ** ماترك حب اليـــــــتامه
يطعم الجــــوعان بيده ** بغيره وبطـــيبه وشهامه
رابع اصحاب اهل الكسا * بالكرم اصبح مدرسه * كلشي جده امأسسه
والكرم طبع الامامه
للكرم اصبح شعاره ** لليحب مفتوحه داره,
ونّه مخنوگه بعبرته ** بالضلع تچوي حسرته
بالحزن خلص حياته
********************
بكل كتر طبگت اميه ** ولمت اجيوش الظلاله
خالفت سُنة نبيــــــــــــنه ** ودگت ادفوف الجهاله
حاربوه سبطه المُـــــــــحمد ** وخالفو نهج الرساله
هذا ابن خير البشر ** لوعات عانه ومن قهر ** بالحقد ياوسفه انغدر
دومه صابر عالجراله
بالغدر معروفه اميه ** حاربت اشرف قضيه
كلهه ايامه حزينه ** مااظن بطل ونينه
بالحزن خلص حياته
***********
والحسن من شاف جيشه ** اتخاذل وخالف خطابه
من اجــــــــــل مال ورشاوي ** خانته حتى الصحابه
وانطــــــــــعن من ظهره طعنه ** والگلب يسعر عذابه
قدم وثيقه صادقه * واشروطه بيهه اموثقه * بايمان قدمهه وثقه
يدري ماينفع عتابه
عانه ماعانه بظلمهم ** بالغدر قدموله سمهم
هذا ابن خير البرايه ** چبدته تنزف دمايه
بالحزن خلص حياته
*************
ينظر احسين اعله اخيّه ** والدمع من دم يهله
بحضن ابو اسجاد راسه ** يحجي وياه اويگله
ايگله ياــــــبو اليمه تدري ** يومك انته ماكو مثله
أُم المصايب والمحن ** بالام صاحت وبشجن ** اّه ياخويه الحسن
ياهو الحسين اليظله
ناحت الحره العقيله ** والدمع دمهه وتسيله
شافته وبيهچي حاله ** تبچي زينب عالجراله
بالحزن خلص حياته
**************
للحسن رادو اخوته ** ادفنه يم جده وتسلمه
عيشه رفضت وال اميه ** رفضت يدفنونه يمّه
چم سهم صاب الجنازه ** وصارت الدنيه مُظلمه
عباس شمّر ساعده * والسيف سله اعله العده * صاح الحُسين وناشده
گله سيفك خويه ضُمه
گله ضُم ياخويه زودك ** يهمني يوم الطف وجودك
يبچي والونات طالت ** عالحسن دمعاته سالت
بالحزن خلص حياته
مالگه غير المصايب ** من بعد فگد الحبايب
بالحزن خلص حياته
**********
فارگ اغله احباب عنده ** جده من بعده الزجيه
فارگه الكرار حيدر** هالاســــــد حامي الحميه
واستلم امر الامامه ** وشرعه من سيد البريه
هذا الامام المجتبه * تنصيب ربنه امنصبه * واتكرم بهالمرتبه
بيهه من جده وصيه
مالگه غير المئاسي ** حاربوه اهل الكراسي
يذكر امصاب الاحبه ** والهضم نبضه اويه گلبه
بالحزن خلص حياته
***************
عانه ما عانه بحياته ** اشگد هضم شاف وظلامه
مــــــثل ابوه الوالي حيدر ** ماترك حب اليـــــــتامه
يطعم الجــــوعان بيده ** بغيره وبطـــيبه وشهامه
رابع اصحاب اهل الكسا * بالكرم اصبح مدرسه * كلشي جده امأسسه
والكرم طبع الامامه
للكرم اصبح شعاره ** لليحب مفتوحه داره,
ونّه مخنوگه بعبرته ** بالضلع تچوي حسرته
بالحزن خلص حياته
********************
بكل كتر طبگت اميه ** ولمت اجيوش الظلاله
خالفت سُنة نبيــــــــــــنه ** ودگت ادفوف الجهاله
حاربوه سبطه المُـــــــــحمد ** وخالفو نهج الرساله
هذا ابن خير البشر ** لوعات عانه ومن قهر ** بالحقد ياوسفه انغدر
دومه صابر عالجراله
بالغدر معروفه اميه ** حاربت اشرف قضيه
كلهه ايامه حزينه ** مااظن بطل ونينه
بالحزن خلص حياته
***********
والحسن من شاف جيشه ** اتخاذل وخالف خطابه
من اجــــــــــل مال ورشاوي ** خانته حتى الصحابه
وانطــــــــــعن من ظهره طعنه ** والگلب يسعر عذابه
قدم وثيقه صادقه * واشروطه بيهه اموثقه * بايمان قدمهه وثقه
يدري ماينفع عتابه
عانه ماعانه بظلمهم ** بالغدر قدموله سمهم
هذا ابن خير البرايه ** چبدته تنزف دمايه
بالحزن خلص حياته
*************
ينظر احسين اعله اخيّه ** والدمع من دم يهله
بحضن ابو اسجاد راسه ** يحجي وياه اويگله
ايگله ياــــــبو اليمه تدري ** يومك انته ماكو مثله
أُم المصايب والمحن ** بالام صاحت وبشجن ** اّه ياخويه الحسن
ياهو الحسين اليظله
ناحت الحره العقيله ** والدمع دمهه وتسيله
شافته وبيهچي حاله ** تبچي زينب عالجراله
بالحزن خلص حياته
**************
للحسن رادو اخوته ** ادفنه يم جده وتسلمه
عيشه رفضت وال اميه ** رفضت يدفنونه يمّه
چم سهم صاب الجنازه ** وصارت الدنيه مُظلمه
عباس شمّر ساعده * والسيف سله اعله العده * صاح الحُسين وناشده
گله سيفك خويه ضُمه
گله ضُم ياخويه زودك ** يهمني يوم الطف وجودك
يبچي والونات طالت ** عالحسن دمعاته سالت
بالحزن خلص حياته
ليست هناك تعليقات:
إرسال تعليق