ما تنهض يكرار اجه نعش الوفة عالم اربع اقمار ترة يمك لفة
ضيفك فاطمة يا حامي الحمة
_____________
عرفتك من يموت المحب تحضر مجيب لكل سؤال يسألة منكر
واجت ام الكمر والهم تطشر الوفة وام الوفة ضيفك يحيدر
تكلك يا علي كلبي تفطر انا بطف كربلا كطعولي منحر
على درب اليردون انا دوم انتظر ها بلكت يعودون ما واحد يمر
هاي الموزمة يا حامي الحمة
________________
يحيدر من رحت وانت معيني غفت عينك وانا ما تغفى عيني
حبيبي حسين ماخذ كل حنيني لبواليمة خدم انا وبنيني
مشة عني وبقيت انا وونيني وابن حذلم يكلي ما يجيني
ناديتك يبوحسين طفة عين الحزن ما ادري الدرب وين انا بعد الابن
ناحت للسمة يا حامي الحمة
____________
يحيدر ما عفتني اليلة وحدي لجن اتمنى ابو السجاد عندي
بحياتي ما اجه خل يجي بلحدي ردت خدة يخلي فوك خدي
واراويه واخبره بنار جبدي اترسة من الدمع ثوبي وابدي
يا يمة على فركاك بجه حتى الحجر غالي ومدمعي جفاك بقة يحمل اثر
دنيا ومظلمة يا حامي الحمة
_________________
يحيدر من غبت والنار تسري لحد ما جيت يمك دمعي يجري
يحيدر راح وية حسين صبري اذا قصرتي عني ابدي عذري
انا عالشاطي هم انكسر ضهري انا مثلة تدوس الخيل صدري
باقي بقلبي الوداع مضة مثل السهم ناديت ارجع بساع انا كلي الم
قصة ومؤلمة يا حامي الحمة
____________
عرفته مايرد ابني بحياتي اضل بلا حمة وضاعو حماتي
بقيت اتوسل الباري بصلاتي يربي خلتجي ساعه مماتي
اشوف حسين اخر امنياتي حبيبي وارد اسأله عن غلاتي
ماضلت مسافات انا وانته سوة ما تبقى الجراحات اجه يمي الدوة
يتروة الضمة يا حامي الحمة
_______________
اريد ابني يجي بلحدي اريده واسألة عن جروحه وعن وريدة
ولو انا صرت عنهم بعيده لجن ادري يجيني وي عضيدة
اريدة من يجي جفين بيدة اقبلهن ردت مثل الصميده
ناذرتك يعباس فدة لبن النبي والي حزلك الراس خذه زينب سبي
صحت المرحمة يا حامي الحمة
_______________
كبل هالموته جم موته على همه ترة مرتين يبني ماتت امك
متت عالشاطي مرة ومرة يمك جرة دمي ييمة قبل دمك
كبل زينب انا بنحرك اشمك تدوس الخيل جسمي وية جسمك
لاتلكاني وتروح ما ترحل بعد ياروحي وبلا روح يا اغلى ولد
هاي الخاتمه يا حامي الحمة
_______________
للاستماع اضغط هنا
ليست هناك تعليقات:
إرسال تعليق