يريحانة محمد وداعأ يامحمد_علي البخاتي

وداعأ والجرح ماطاب بجفاك وداعأوالكلب نبضاته تنعاك

يريحانة محمد وداعأ يامحمد

وداعأ والجرح ماطاب بجفاك

ــــــــــــــــــــــــــــــــــــــــــــــــــ ـــــــــــــــــــ

عرفناه العشك للي تشوفه العين وبس احنه لعشكنا الناس تعجب

يظن اليسمع بحبنا طلبنا اهوائ ومرضاة الجليل ابهل عشك مطلب

فرض واجب علينا من آله الكون نود آل النبي و ماكو عشك أعذب

هوانا معتقد واجب علينا ونحب المصطفىو عترة نبينا 

عشكنا بدمعه علخد وداعأ يامحمد

ـــــــــــــــــــــــــ

من فاضل تربهم احنه مخلوقين ودنيا وآخره لآل النبي نرجع

قادتنه ألائئمه بهاي معتقدين ومنهجهم نتبعه وبيه نتكطع

نفرح بالفرح وياهم معيدين والهم بالحزن حتى الكلب يدمع

بكل جيل نفكد والينا مظلوم ابتدت بالمرتضى وتاسعها مسموم

نشيد الحزن ردد وداعأ يامحمد

ــــــــــــــــــــــ

أولهم وسطهم والاخير بنور نور يظل يشع من خاتم القائم

أنعاهم أظل واتنطر الموعود سنين تمر علي وانه بكلب هايم

وتجدد مصابي بتاسع الانوار لضريحه الشوك ياخذني بدمع ساجم

دعائي بدمعتي أترجم بسمكم أطوف وأطلب الحاجه بحرمكم 

صحت والباري يشهد وداعأ يامحمد

ــــــــــــــــــــــــــــــــــــــــ

اجه وبسم الولي مني الدليل ينوح وينادي يادهر اطحن بكايه الروح

كظيت آل النبي بين الطعن وجروح بمحاريب الشهاده وبنحر مذبوح

والدين اعله اهله امسى بطرف مشبوح الجواد التاسع بسمك جسد مطروح

ينازع ماحظر واحد نزاعه ولا أهله حظروا ساعة وداعه

تذكر غربة الجد وداعأ يامحمد

ـــــــــــــــــــــــ

يشوف حسين وحده وينعه عباس بساعات النزاع الكربله اتصور

مرضوض الصدر فوك القنا الراس يشوفه علثره ظل دامي المنحر

ناداه الصبر وبأخر انفاس نشغ يحسين صاح انسلبت الخدر

سمعها نادت ادركني ينور العين الجواد وروحه طلعت واسه الحسين

بك الحزن تجدد وداعأ يامحمد

وداعأ والجرح ماطاب بجفاك

ـــــــــــــــــــــــــــــــ

سيد علي البخاتي

لان ثالث محمد طــــــــاح

لان ثالث محمد طــــــــاح *** هتف صوت النبوه وصاح
محمد رابـــــــع من إيكوم *** ناخـــــذ ثــــار كل معصوم 
******************** ******************** ******
جواد بن الرضـــا مسموم *** ينـــادي المصطفى ويصيح
يعـــــاين بالسمه الزهراء *** تگـــوم من القهــر وتطيـح
ونين أم الحســـن كل يوم *** يســـــافر عل بــراق وريح
تطـــوف الكــاظمية تزور *** تصـــــلي وتكثــــر التسبيح

الهــــــي المنتظــر بالثـار *** يصـــــــــليهم حديـــــد ونار
يزيح مـن البتـــول همـوم *** ناخـــــذ ثــــار كل معصــوم 
******************** ******************** *******
شفت لوحــه بخيالي هناك *** محشـــــر بين جنَّــــه ونار
أشوف المعتصم مصــلوب *** ينشــــدونه الجرى والصار
تِســـــَـــمِّم خيــر خلـقِ الله *** عليمــــــن تنذبح لأبـــــرار
فذق كـــــل ما جنيته وهاذ *** محمـــــــد ولمحمـــــــد زار

جواد بن الوصــي وياسين *** عمـــــود بدنيـــــتك والدين
خصــــــيمك واحـــد وقيوم *** ناخــــــذ ثار كل معصــــوم 
******************** ******************** ********
رضيع الطف جرح لحسين *** مصــــــابك كربله وعاشور
نفس لاء الشهــــــيد وحيل *** صحت ضـــد الظلم والجور
لهـــــذا موعجيبه نطــــوف *** ولا بدعـــــه نحـــج ونزور
محمد مــــن محمد بيـــــــك *** هدى وحكمه وضياء ونور

عِلم باب العــــــلم مــــولاي *** عطشنه ومــن نذكرك ماي
جنود المنتظــــر معلـــــوم *** ناخــــــــــذ ثار كل معصوم
******************** ******************** *********
إمــــامي بن الرضـــا جيناك *** تدگ على الضلوع جفـوف 
بمصـابك عمينــه عيون *** نِغَمـِّض ما نـريد نشوف
ولاء الشـــيعي ما يحتــــاج *** شهـــاده لكل بشر معروف
جسر جدك صبح برهــان *** صفينه على الشواطي جروف

نخط بالدم تــــــــــرى التاريخ *** أبــــــــد ما ينفــــــــع التفخيخ
خضـــــــبنه الدروب دمــــــوم *** ناخــــــــذ ثــــــار كل معصوم

ياجـــــواد العتــــــره_جابر النجفي

كـُل موالي إبــْجمره === ياجـــــواد العتــــــره
ــــــــــــــــــــــــــــــــــــــــــــ
واجب إنعزي الزچيه فاطمه بمصابك
ياأبو الهادي الألم صـَوّب لهيبه أحبابك
ريت نوصل يمــّك إو نـُنصب عزانه إبــّبابك
نلعن الســـَمّك ظلم يبن الرضا إو ما هابك
والعزه للزهـــــــــره === ياجـــــواد العتــــــره
ـــــــ
حقدوا إعليكم يبن طه النبي هادينه
وإنتشر هذا الظلم والجور ياوالينه
من بني العباس نار الناصبه تچــوينه
وإنتَ سمّوك إبحقدهم والألم يملينه
والأمل ننتظــــــــــره === ياجـــــواد العتــــــره
ـــــ
والأمل ننتظره مهدينه التشع أنواره
ياخذ إبثارك يبو الهادي إو تشيع أخباره
وإحنه ويــّاه إبعزم نمشي الدرب وأخطاره
ينشر الرحمه الأبي وإيــْعـَلــّي بالحب داره
رايته منتصـــــــــره === ياجـــــواد العتــــــره
ـــ
ياإمام الحق علينه الشر لفه إبنيرانه
والموالي صابر إو ما تنتهي أحزانه
كــُلنا ننادي المنتظر لــَمـْتــَه الفرج مولانه
أمّك الزهره الزچيــّه الغيبتك حيرانه
ما تهيد العبــــره === ياجـــــواد العتــــــره
ــــ
والخوارج ظهروا اليوم إو حقدهم ساري
والحقد عــَم إنتشر واصل لهيبه الداري
كــَفــّروني سيدي إو تحرگ فؤادي ناري
صار تفجير إو قتل وإرهاب والدم جاري
والموالي إبـــْصبــره === ياجـــــواد العتــــــره
ـــــ
الله يلعن كــُل بني العباس ما رحمونه
بالجواد إو عترة الهادي النبي فجعونه
يوم ســَمـّوه إبظلم اهل الغدر ســَمّونه
سيدي إبن الرضا من طلعته حرمونه
والليالـــــي مــُرّه === ياجـــــواد العتــــــره
ــــــــــــــــــــــــــــــــــــــــــــــــــ ــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده بصوت الرادود كريم التميمي على هذا الرابط
http://www.wlidk.net/dldqdr14696.mp3.html

إلبس إبيومه السواد _جابر النجفي

إگصد الوالي الجــــواد === وإلبس إبيومه السواد
ــــــــــــــــــــــــــــــــــــــــــــــــــ ـــــــــــــــــــــــــــ
إلبس إبيومه الســـــــــــــواد إو إگصده == عـزي بيه المصطفه إو غيض العـِدَه
گــُلــّه ياباب المجد روحي فــِدَه == ما أعوفك سيدي مهما ســِدَه
إنتَ كشـّاف الألـــــم === إنتَ للشيعه العلـــــم
نادي يابــاب المـُراد === إلبس إبيومه السواد
ـــــــ
عزي بيه الكاظم إو عوده الرضــــا == هذا أبو الهادي الملاذ إمن اللظه
هذا إبن حيدر علينه المرتضه == زايـره إينال الوجاهه والرضه
زوره وإتنال الأجـُر === من إلهــــــي هالأمـُر
نبعه من خير العبـاد === إلبس إبيومه السـواد
ــــ
عزي ياشيعي الزچيــّه فاطمه == والعـن الزمره الخبيثه الآثمه
سـَمـّت الوالي إبن حامي الحمه == ريــــــت نفديه إو ننال الغانمه
هذا إبن طه النبــي === تاسع العتره الأبــــي
خيره عم كـُل البلاد === إلبس إبيومه السواد
ــــــــــ
ريت أفديه الجــــــــــــواد إبمهجتي == ريت أزوره إو يـَمـّه أنزل دمعتي
ولضريحه دوم عشگــي إو لهفتــي == عترة الهادي الأمان إبمحنتي
وإنتَ ياشيعي إبأمـــل === إنــْخـَه إبن خير العمل
إعلن إلأجله الحــــداد === إلبس إبيومه الســـواد
ـــــــ
عزي ياشيعي الأمــــــام المنتظر == صيح يامولاي حاوطني الخطر
من بني العباس أشرار البشــــر == من أميه الجور بالكون إنتشر
عادوا إبشرهم إلــــــي === مالي غيرك ياولـــي
من تجي إو تعلن جهاد === إلبس إبيومه السواد
ـــــ
آني يامحجوب أنتظرك زمان == غاب بالدنيه يمولانه الأمان
رأفتك محتاج والحب والحنـــــــــــــان == واني جندي إوياك أمشي الكــُل مكان
وأمشي وأحضر مأتمه === والگلــــب ينزف دِمــَه
ينجرح يبچــي الفــؤاد === إلبس إبيومه الســـواد
ــــــ
حيــّر النــــــــــــاس إبذكاءه والعلم == حاوي إعلوم النبي إو عنده الحلم
من بعيد إعطور أبو الهادي تشم == لو إجيــت إو عندك الحب والفهم
لو إجيته إبحضرته === روحك إتمس يمنتــه
إلعن أرباب الفساد === إلبس إبيومه السواد
ــ
لو إجيت إبطلبتك گاصــــــــــد إلــَه == تلگــــه أبو الهادي ينادي ياهــَلــّه
من إله الناس هاي المنزلــه == والشرف والعز يشع يستاهله
يگضي الحاجه إلــَك === لجله مخلـــوق الفلك
هذا ينبوع الرشـــاد === إلبس إبيومه السواد
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldkm083220.mp3.html

هذا الجواد المظلوم_جابر النجفي1434

سمّـــــوا ولينـــه === أهــــل الضغينــــه
هذا الجواد المظلوم === چبــده توَذر مسموم
فِجْعـــوا نبينـــــه === أهــــل الضغينــــه
ــــــــــــــــــــــــــــــــــــــــــــــــــ ـــــــــــــــ
تاسع إمام اليوم بالسم ذبحـــــــوه == جدّه النبي المرسول بس ما هابوه
گلب الزچيـــّه من حقدهم فجعوه == ياشيعــــــــــة الهـادي وليكم شيعوه
عـــــزوا الوديعه === حزنـــــــــوا يشيعه
نصبوا المآتم للدوم === چبــده توَذر مسمــوم
فِجْعوا نبينــــــــه === أهـــــــــل الضغينه
ــــــ
حجــّة إلهي إعلى الخلايق مولاي == قــــــــرآن ناطق سيدي إيــْرتــّل آي
عنده الشفاء الكــُل موالي عنـــّاي == لمصيبتـــــــــه صبـــّت دمعها عيناي
ينزف دليلــــــــي === وأصرخ يويلــــــي
راح الأمام الموسوم === چبــده توَذر مسموم
فِجْعوا نبينـــــــــه === أهــــــــل الضغينه
ــــــــ
إلعن بني العباس يارب الكــــــون == وإلعن أميــّه المجرمه إو كل ملعون
عادوا إجونه اليوم ياربـــّي العون == عدهــــم حقد وإبكل مكان إيفجرون
وينك يغايــــــــب === شوف المصايــــب
هذا أبو الهادي إليـــــوم === چبــده توَذر مسمــــــوم
فِجْعـــــــوا نبينه === أهــــــــل الضغينه
ــــــــ
نفس الخوارج ياإلهي إبأحقاد == ظهروا علينــــه والمآسي تنعاد
عم الظلم والخوف من كل جلاّد == ما إلـــْنــَه غير المنتظــر همنه زاد
هــُوّ أملنــــــــه === يعرف عملنـــــــــه
ندري يعاني إو مهموم === چبــده توَذر مسمــــوم
فِجْعـــــوا نبينه === أهـــــــــل الضغينه
ـــــ
ياسيدي يبن الرضا من سمــّوك == سمــّونــــــه كــُلنه يالولي الماهابوك
والشيعه ياإبن المعالي فگـــدوك == لكن يبو الهادي إجوك إو شيعوك
بس كربلائــــي === زرعتلي دائـــــــي
بيها الذبيح الملچــوم === چبــده توَذر مسمـــوم
فِجْعـــــــوا نبينه === أهــــــــل الضغينه
ــــــــــــــــــــــــــــــــــــــــــــــــــ ــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابطhttp://www.alshiaclubs.net/upload/do.php?id=3966

هذا الجواد اليــــوم _جابر النجفي1434

دين الهـُدى مجروح === والهادي گلبه إينوح
هذا الجواد اليــــوم === چبده إنمرد مسموم
ـــــــــــــــــــــــــــــــــــــــــــ
بالجواد الهــَم يشيعــــه == من فعل أهل الرديــّه
سمــّوا الوالي إبربيعه == وإنهضم سيد البريــّه
نسمع الحســــره إبفجيعه == حسرة الزهره الزچيـــّه
والحزن عم الوسيعـــــــه == غاب إبن حامي الحميــّه
يرثي الجواد الكون === وأحبابــه ما ينسون
واليهـــــــــم المظلوم === چبده إنمرد مسموم
ــــ
نوره شع بالكاظميــّه == من ضريحـــه للأعالي
حضرة الوالي الزهيــّه == موضع إهموم الموالـــي
إيده للگاصد سخيـــّه == هذا ينبوع المعالــــــي
يــّمـّه غيض الناصبيــّه == شاهــــــــد أنواره التلالي
زوره إو ترد مسرور === سعيــك يظل مشكور
يگضي الحوايج دوم === چبده إنمرد مسموم
ــــــ
تاسع العتره الشريفه == هذا أبو الهادي إمامي
حــُبـّه أبداً ما أعيفه == للجواد أبعث سلامــــــــي
واسع وإيضوي مـُضيفه == ما يرد مهموم ظامـــــــــي
ريت ينطيني وظيفه == أكنس إبصحنه إبهيامي
وأمسح صحن مولاي === وأسگــي العطاشه المـاي
حسراتي بيـّه إتحوم === چبده إنمرد مسمــــــوم
ـــــ
حيـــّر العالم ولينه == ناطـق إبكـُل المعارف
نبعه من حيدر علينه == بالعلــــم وأسراره عارف
ما عرف يوم الضغينه == للعدو وأحقاده كاشــــــــف
سـَمـّته الزمره اللعينه == والگلـــــب مهموم نازف
ينعـــَه التقي القرآن === وإنفجعت الأكـــــــــــوان
لجله النبي مهموم === چبــده إنمرد مسموم
ــــــ
نزفت إجروحي المصابه == وإلشبابه إدموعي تجري
حزنت الدنيه الغيابه == وإمتله إبآلام صدري
لو تحل تسمع جوابه == إلتهـــــب نيران عمري
هذا إبن أحمد عتابه == إحيـــوا ياأحبابي أمري
إحيوا الأمر والدين === نادوا الوجيه إحسين
مثلك مـُضه المهضوم === چبــــــده إنمرد مسموم
ــــــــــــــــــــــــــــــــــــــــــــــــــ ـــــــــــ
مع تحيات شاعر أهل البيت / جابر النجفي
إسمعوا القصيده بصوت الرادود المله حسن على هذا الرابط
http://www.wlidk.net/dldwio62471.mp3.html

نعي عاشورائي_نصير الكربلائي

دهري شلون حيرة والله حيرني
الشمر والله الشمر بسياطة لوعني
انا زينب شلون بجفه يدفعني

_________________________

دمعة عتب بعيوني يراعي الجود

شفت موقف وياريتك جنت موجود

شفاف حسين كاموا يضربوهه بعود

شفاف الجان جدي الهادي يلثمها 

___________

خليني اعاتب خوية خليني

اسولفلك بعد موقف مأذيني

يا عباس اجه واحد سطر عيني

وصارت عين زينب مثل عين امها

______________

خوية برض الشام حالي صعب تفسيرة

كعدونه بخرابه وحيرتي حيرة

الشمس حركت وجه اختك يبو الغيرة

العجيب انت اخوهه الدهر يهضمها

______________

يابالفضل طحنه بين ناس ارجاس

رقيه احا رقيه شيبتلي الراس

خوية ماتت فوك راس حسين يا عباس

وهوة الموت اخذها وهوة يتمها

______________

دمع العين ابد مانشف يمه 

على الذبحوا ومحد جان يمة

من نحرة يصيح بصوت يمه

تعالي لزينب اخذوهه سبيه

_________________

****

__________________

ياخوية خليناك عالغبرة عاري

مغسل بفيض دماك والجفن ذاري

روحي بكت وياك والجدم ساري

امشي وادير العين للغاضريه

__________

غصبن علي يحسين عالغبرة عفتك

والحجر لو ما جان يفضخ جبهتك

ماجانت من السوط تتلوع اختك

نوبة انطي متني ونوب اشكف بديه

_________________

غصبن علي يحسين عنك مشينة

ادري بسهم مسموم كلبك تكطع 

وصوابه مكبل صار و......

بذاك السهم يحسين كلبي تلوع 

امشي وادير العين للغاضريه

_______________

*****

اذا دمعات عينك لاحت بخدك

للعباس امشي واشكي ما عندك

لتصدك خليه جفوفك يردك

وبس حلفة بزينب يكضيها

__________

تمنيتج ييمة بكربلاء وياي

تعينيني على هضمي وجمر بلواي

يمه مات حسين اخيي وما شرب ماي

__________

تعالي لكربلاء يا فاطمة الزهرة

ومثل خدج ييمه عيني منسطرة

مثل صدرج وليدج هشموا صدرة 

ومثل بابج ييمة حرقوا خيمنه

______________

وكع عباس بالحومه ولن حرمة اجت يمة

تنادي والكلب لاهب وتمسح عالوجه دمة

تكله ويل كلبي عليك يوليدي يرفعة راس

وين المرهف وجودك ووين الجود وين الطاس

كلها ام البنين انتِ كالت امك الزهرة 

يمة ليش عيونج دم تكله عيني منسطرة

يمة ليش اتطلمين على راسج 

تكله ضلوعي منكسرة

يكللها واخوية حسين كالتله انكسر ظهرة

_______________________

*******