تنبيه الى متابعي القصائد المكتوبة

بسم الله الرحمن الرحيم

السلام عليكم ورحمة الله وبركاته 

الى متابعي مدونة القصائد المكتوبة الكرام 

تم تطوير مدونة القصائد المكتوبة الى موقع تراث آل محمد ص المكتوب 

والذي يشمل " القصائد المكتوبة , المواليد المكتوبة , النعي المكتوب "

وهو ما زال قيد الانشاء ...

سائلين الله تعالى ان يتقبله منا باحسن قبول ان شاء الله ...

مع تحيات خادمة الحسين ع " الحسينية "


للذهاب للموقع الرجاء الضغط هنا

تراث آل محمد ص المكتوب

يمة جيتك يالحسن-ملا حسن شناوة

يمة جيتك يالحسن من قبر الهموم   انا مظلومة ييمة وانت مظلوم

يبني ليش بيا ذنب ترجعلي مسموم

**

يمة جيتك    واعتنيتك    من لحد مخفي بقبر ليلي وغيابي

عفت قبري   وانت تدري    حتى من كسر الضلع ينحب ترابي

هذا دمي   وهذا ضلعي    ولسه يمه على القبر مرسومة بابي

حمرة عيني   ومن ونيني    ما هجع قلبي ولا هود مصابي

بكل مصاب ولوعتي يوليدي الاقيك   يالحسن تنحب عليه وانحب عليك

دمعك ودمعي يصب واتلاقن دموع 

**

يمة اذكرك    يضوي بدرك    وانت اول بسمه يوليدي على ثغري

من حضنتك    من شبكتك    حبي لك قبل اللبن در على صدري

انا اسهر   وانت تكبر    يا بدر عمري البزغ وانطيته عمري

ما حسبتك    لو فكدتك    ترجع اول دمعة فوق خدودي تجري

ليش يا بسمة حياتي تفارك شفاي  وتنرسم دمعة ييمة بجفن عيناي

بسمتك صارت دمع وبناظري تحوم

**

عفته لحدي   وانا وحدي    جيتك وجبت الربى ولوعة سنيني

جيتك اعثر   يمه مقدر     ايد يبني على الضلع وايدي على عيني

وبنحيبي    يا حبيبي     يالحسن بسمك صرت ردتك تجيني 

انا امك    يالي همك      ماكسر ضلعي كسر ظهري بونيني

يمه من جابوك اليه وقلبي محتام  شلون اشبكنك ييمه ونعشك سهام

يمة من يوم النعش مصيوبة لليوم

**

والهظمني    والجرحني    حاربوا قبرك مثل ما حاربوني

هذا جدك    وانت لحدك    ابعدوا عنه مثل ما ابعدوني

مثل ستري    مخفي قبري    لو دروا عندي قبر جا هدموني

وبمصابك    وبعذابك     لوعوا قلبي ييمة وعذبوني

قلبك وقلبي لواهن غدر الايام  وقبرك وقبري ييمة مثل الايتام

يمه بالليل الخفي تكصدنه النجوم

**

تبجي اشوفك     شلون اعوفك    وانت محسن ثاني يا يمة بجروحي

ما اظني     يكضي وني    وانا اعلم بالزمن يطرب لنوحي

ادري باجر   عندي عاشر  وادري باجر يا هظم يسدي على روحي

يا مصابي ويانوايب ويا فجيعة الما يجف من عدها نوحي

حسيني باجر ينذبح بالخيل ينداس   وباجر اختك يالحسن ما عدها عباس

***

للاستماع اضغط هنا

https://www.youtube.com/watch?v=8bFLfO1nVwU&index=68&list=WL

انا زينب عزيزة فاطمة الزهرة -ابراهيم الشغباني

انا الكضت عمرها بلوعة وبحسرة  انا زينب عزيزة فاطمة الزهرة 

انا من الصغر شفت الهظم والنوح  وتولاني زماني جروح فوق جروح

وعلى عيوني الفرح من الصغر مذبوح  الوج بصدري دوم مكسرة العبرة

فكدت امي وابوي وجمعة اخواني  بقيت انا ودمعتي وجمرة احزاني

خلاني الوكت بالحسرة خلاني   الله يعين قلبي بمحنته وصبره 

دوهني وكسر قلبي وظلمني البين  وناره لقلبي تطفيها دموع العين 

آ يحسين آيحسين آيحسين   ما انسى غربته ولا كطع نحره

عماني الطف يشيعه وتيهت دربي  الشمر وي منحر ابن امي كطع نحري

متت لمن شفت عينه الي تربي  على راس الرمح والعايله تنظره

انهدم حيلي وخلص عمري ومتت ياناس  من راح وبعد ما رد علي عباس

بعد بيمن قلت افخر واشيل الراس  من طاحت يمنته وطاحت اليسرى 

متت من طبتي للشام مجتوفة  وراسك ينضرب وعيوني تشوفه

متت موتت رقية بلوعة ملهوفة   ومتت من عفت اخوتي عالثرى نومة

ياهي الي ابتلت بالناس مثلي  ياحيدر تراهو ثجيل حملي

انا وية اخوتي تمنيت جتلي  ولا رافك درب جتالة اهلي

**

اعتب يا هلي وحكي من اعاتب  واجب بالخبر تدرون واجب

ترة نسوانكم بين النواصب  وانا حرمة واشاكف بالنوايب

يا حيدر يصنيد  الحرايب  ادركنه من السبي و نوم الخرايب 

والكل يدعي بدينه ويطالب

نعي للعباس ع - ميثم التمار

انا زينب المحد شاهد خيالي
وعشت طول العمر راسي بشرف عالي
انا من جان ذاك الكمر يبرالي
حتى الريح جان يهاب يدنالي

ما يدناني حتى الريح بوجوده
اخت عباس سموني بفخر زوده
انا منين ارد جفينه على زنوده
واكله هذا طكني وذاك اذاني

لزمني من ايدي عباس وطلعني
اسحكت متنه وعلى الناكه رفعني
وانشر رايته وبيها كبعني
وضعني طلع وشمحلات ضعني
محد شافني ومحد سمعني
وصلت لكربلا ودهري فجعني
النهر آ يالنهر طكني وكطعني

 يطكني السوط خوية وسوط اشكفه
واحميلي طفل وبقلبي الفه
لا عندي ذرى ولا عندي ملفه
وسفه على اخوتي الطيبين وسفه

انا حرمة يخوية شبيدي حيله
وحمولك على قلبي ثجيلة
يخوية والدرب يكلف رحيله
مكفولة اجيت ارجع كفيله

والله حيرتي يحسين حيرة
دليني الوجه يا صوب اديره
انا ما ماشية لهسه اسيرة
امشي شلون من ديرة لديرة

اكصر كامتي بين النسه خاف
يعرفني العدو وبالعين انشاف
يحيود الزلم يارباب الاشراف
المثلي ببين غربة شلون تنعاف

احفظ المتعني خادم للحسين- سيد علي شبر

يا سميع الدعوة يا اعظم معين   احفظ المتعني خادم للحسين

****

انا ام عباس وادعي بكل مسه  بجاه سيد الكون واصحاب الكسا

باخرة ودنية الي يخدم تحرسه   وما تخيبني وانا ام البنين

***

يا الهي بمنحر حسين الغريب   وبعطش دلاله وبجسمه السليب

كل دعاء اهل الخدامة تستجيب  وما ترد خادم الك يرفع ادين

***

 كلمن يقيم المآتم تنصره    وكلمن يصب الدمع بدنيا اذكره

ولا تبجي عيونه يوم الاخره  خاليطب الجنه مرفوع الجبين

***

كلمن الهالخدمه باخلاص استعد   وقدم الآل وبذل حتى الولد

يا الهي صير عون وهم سند  وسجله بدفتر امير المؤمنين

***

للاستماع اضغط هنا

https://www.youtube.com/watch?v=X0s0NcuaCIk&index=149&list=WL

ما ترجع - باسم الكربلائي

تظل عيني على جفك يمسح دموع انتظارك .. من جفك وقع يا خويا مقبول اعتذارك 

ارحم دمعة اختك ،، من عينك عرفتك ..

 ما ترجع ي عباس ، ما ترجع ي عباس

****

ملهوفة شفتني لمن ودعتني .. وسفه ي الكافل عفتني ..

 تتركني وتغادر ما بين العساكر .. وانت ي اخويا كفلتني

ي كعبة مصابي والجرحك عذابي .. ومن وداعك عذبتني ..

 ارجع ي كفيلي لا تعذب دليلي حيرتني وضيعتني 

اخذ دمع العطاشا بيدك ودمعة عتابك .. لو بيدي تظل ي اخويا ما احمل غيابك 

بدموعي انتظرتك من عينك عرفتك ، ما ترجع ي عباس 

***

ودعتك واريدك ، ترجع يم عضيدك رايتك مرفوعة بيدك

 محروسة بوجوده .. من يوصل حدوك لو دمع زينب نشيدك

ما تنفع حياتي ، ملهوفة لمماتي من قبل قطعة وريدك ..

خلينا بضمانا ي رافع لوانا لو طحت دمعي شيفيدك 

اذا رايد اودعك وادري ما ترجع ي غالي .. هاك اخذ القلب ي اخويا ويميني وشمالي

للغربة ذخرتك من عينك عرفتك ، ما ترجع ي عباس

***

يالكافل نخيتك ، ترجع لي ارتجيتك من رحت انا اعتنيتك ..

 ما بين الاعادي .. اتلفت وانادي خويا ي عباس اجيتك

دورتك واعاتب ، ي اغلى الحبايب ع النهر طايح لقيتك ..

يتعذرلي جودك من طيحة زنودك من دمع عيني بشيتك

صعب خويا اشوفك لايمينك لا يسارك .. شيفيد الصبر وتشابقن ناري ويه نارك

يتعذر سمعتك ، من عينك عرفتك ، ما ترجع ي عباس 

***

اختك سلبوها ، من بعدك ولوها قالوا العباس اخوها ..

لمن شاهدوني .. عرفوني وجوني هذه زينب عذِبوها 

اطفالي وحراير ، ما بين الحوافر خويا وخيامي حرقوها ..

 يا بدر العشيرة .. هاي أختك اسيرة ومن طحت زينب سبوها

صحت وينك ي اخويا سلبوني وشتموني .. حشمتك تجي ي اخويا وعداك الاجوني

ي الكافل عذرتك ، من عينك عرفتك ، ما ترجع ي عباس 

***

ـــــــــــــــــــــــــــــ

ودعوني-باسم الكربلائي

ودعـــوني وانـي انتــظرهم ليــلي ونــهاري

حيـــروني طــول ســـفرهم والــدمع جــاري 

خبـــرهم مارد عليـه

خبــــرهم مــارد عليــه

ودعـــوني وانـي انتــظرهم ليــلي ونــهاري

حيـــروني طــول ســـفرهم والــدمع جــاري 

خبـــرهم مــارد عليه 

خبـــرهم مــارد عليه 

ســـاعة الجــت بــ الســفر وابــعد ضعنهم 

وانــي اتنطــر خبـــر يلفيني منهـم

ويـــن اروح وانشـــد بياكتر عنهـم

مــااظن بيهم امــل رده لـ ـوطنهم

وشــيردهم ولــ كربـله يــردون خـــلاني

من بــعدهم مظـلم عليه دار احــزانــي

وشــيردهم ولــ كربـله يــردون خـــلاني

من بــعدهم مظـلم عليه دار احــزانــي

انــا عگبهم امســت خليـه

عگبهم امســت خليــه

ع الحنـــان احبـــاب گلبي عودونــي

يــنفذ شعنـدي صبــر لـو مايجونــي

اگظي ليــلي بــ الســهر انــي وظنــوني 

عيونــي ذبلت والــدمع جــرح جــفونــي

من جــسدها ويــه الحبايب ســـافرت روحــي

لـو اعــدها يــصعب عليه احســابه اجروحـي

من جــسدها ويــه الحبايب ســـافرت روحــي

لـو اعــدها يــصعب عليه احســاب اجروحـي

جفــونــي وشــظل بديـــه

جــفوني وشــظل بـديــه

ودعـــوني وانـي انتــظرهم ليــلي ونــهاري

حيـــروني طــول ســـفرهم والــدمع جــاري 

خبـــرهم مــارد عليه 

خبـــرهم مــارد عليه 

يـــاتعب ام البنين ويــارباها 

ماتعوضه الســهر ودمعــة بــجاها

عنها راحــوا وانـگطع منهم رجاها

بين مــر الصبــر محتاره ووفاهـا

حيـــروها بين الامــل والخـوف عافوها 

فاروگها تــجرع صبـر وهموم خــلوها

حيـــروها بين الامــل والخـوف عافوها 

فاروگها تــجرع صبـر وهموم خــلوها

ذكرهم صبــح ومســـيه

ذكرهم صــبح ومســيه

لــ المدينه مـن رجــع نــاعي المصيبــه

طلعت بــ لوعــة گلب يســـعر لهيبــه

تنــشد عل احســـين وبــ حاله غريبـه

تگله جــاوب گلب ينــشد عن حبيبه

كُل ســوالي عن العزيز احسين ابو اليمه

عندي غالي عطـر الجنــان بــ عطره اشــتمه

كُل ســوالي عن العزيز احسين ابو اليمه

عندي غالي عطـر الجنــان بــ عطره اشــتمه

مـرامي روح الـزجيــه

مـرامي روح الـزجيــه

ودعـــوني وانـي انتــظرهم ليــلي ونــهاري

حيـــروني طــول ســـفرهم والــدمع جــاري 

خبـــرهم مــارد عليه 

خبـــرهم مــارد عليه 

تــگله يـــاناعي المصاب ارحم حنيني

مــااجيتــك ارد انشـــدك عن بنيني

فـــدوه لـو ســـالم ابـو اليــمه يــجيني

شــلون ابــطل من دمــع عيني ونيني

كل شـــعوري فــدوه اگول الاربعه اولادي

يــاسروري ســـالم يجيني مهـجة الــهاد

كل شـــعوري فــدوه اگول الاربعه اولادي

يــاسروري ســـالم يجيني مهـجة الــهادي

تــركني ونــه خفيــه

تـــركني ونــه خفيــه

يــصد ليها النـاعي ودموعه يــهله

حــاير عل احســين ومصابــه شيگله

من رجعته شــلون لــو تگطع املها

لـو يخبــرها شــجراله يــحل اجلها

يــجري دمعه محتــار ماايگدر يصبرها

وعل وضعه شيگول لو رايــد يــخبرها

يــجري دمعه محتــار ماايگدر يصبرها

وعل وضعه شيگول لو رايــد يــخبرها

تــركته بــ الغاضريـــه

بــ الغاضــريـــه

ودعـــوني وانـي انتــظرهم ليــلي ونــهاري

حيـــروني طــول ســـفرهم والــدمع جــاري 

خبـــرهم مــارد عليه 

خبـــرهم مــارد عليه 

بين حســـرات وامــل گضت عمرها

جيـت احســين ابــو اليمه تنتــظرها

لــ المنيه لــ الامــر يســلم امرهــا

رادتها حــاضر يــوسدها بـــ گبرها

كــل املها لــمن تــموت احســين يــنعاها

مـحد الها بــ الهم وحيــده الزمـن خلاها

كـل املها لـ ـمن تــموت احســين يــنعاها

مـحد الها بــ الهم وحيــده الزمـن خلاها

تنـــازع ليــل المنيــه

تنـــازع ليــل المنيــه

متأسياً بامامي السجادي-قصيده بداية محرم - زمان الحسناوي

هّل الهَلال فزَاد فيه بكائي اذ عاد فيه مصابُ عاشوراءِ 

متأسَياً بأماميَ { السّجادي} اذ عاشَ باقي عمرهُ بعزاءِ 

اذّ كانَ يعقدُ مجلساً لبكاءِ أن لا يقَدمُ اهلهُ ماءً لهُ خلطَ الدُموع اساً بذاكَ الماءِ 

و{ بباقرَ }العلمِ الذي يبكي على أبناء اشرف صِبيةً ونِساءِ 

و {بِصادقّ} القَولِ الذي أوصى بِأنَ تُحيى مجالسُ عبرةٍ وبكاءِ 

...و {بكَاظِمِ} الغَيظِ الذي فِي سّجنِةِ نَصبَ العزاءَ لسَيدِ الشُهداءِ

أوَما سّمعَت بمَا جرى عِنَد{ الرِضَا} اذ كانَ يعقُد مجلساً لرثاءِ

فأهاجَ مكَنونَ المّشاعرِ فَعلهُ اذَ مرَ فيهِ بلوعَةِ { الزهَراءِ }

لمنَ بهِ اذَ رأتَ الحُسَين مُمَداً ودماءُه ساَلتَ على الغَبراءِ

ندَبتهُ صارَختاً وتَلطمُ خَدها وتَصيحُ واآآآآغ...وثاه وا ابنَائي

و الغَائِبُ { المَهديَ} يَبكي جَدهُ بدلَ الدُموعِ بكَى بِفَيضِ دِماءِ

أيُلامُ منَ يبكِي { الحُسيَن } بِحُرقةٍ ومصَابُهِ منَ أعَظِمِ الأقَدارِ

نعي"الزهراء س والحسين ع" - ملا حميد التميمي

شكثر يبني تعبت برباك انه ولاليلت   يا شمعة عيوني ويا عمود البيت 

يبني من المدينة لكربلا تعنيت   ولهانه على صوتك وارد اسمعنه

احاجي منحر وليدي   ونينك يمة عذبني 

ينور عيوني حاجيني   شنهو اليوجعك يبني

افتر وحدي بالليل   وامشي على الجدم كوه

لكيتك وذر فوك الكاع   واكولن هوه مو هوة

وشعنده الشمر وياي  هيج المنحرك سوة

شمسويتله ما ادري    وبيا دين يطلبني

فرشت عبايتي بالكاع    يوم العاشر بعاشور

بيدي كمت الم جسمك   ولقيت شجم ضلع مكسور

لقيتك شوية من جبدك  لقيت الخنصر المبتور 

ولقيت على الشريعة جفوف  والعباس شيبني

رحت يبني على صوب الكوم اريد اعتب على العدوان

باوعت على رجل الخيل   قميصك بالحوافر جان

قمت الطم على راسي   واصيح حسين يا عطشان

بدمك خضبت وجهي ونحيبي عليك تعبني

اخافن تنلجم يبني ردت اغفى على صدرك

ردت يمه اجيب الماي وادير الماي من نحرك

بلجن يرتوي قلبك ييمة وينطفي جمرك

ويلي عليك يوليدي غريبة والدهر ذبني

ييمة معصبة راسي وبجفي العباية تلوح 

واصيح بصوت يا شيعة حيكم بالدمع والنوح

وينه اليبجي لوليدي ويصيح وياي يا مذبوح

تراني فاكده الغالي ووية الوكت دولبني

للاستماع اضغط هنا

https://www.youtube.com/watch?v=_Mk7SA4m_HY

نعي حزين للعباس ع - ملا حميد التميمي

يبو فاضل ترة فكد الاخو خله

خصوص الكالوكت وياه مثل ظله

الفكد مثلك اخو لو ميت احسن له

لان كل عمره بعدك يكضي بالذلة

**

خوية ادركني صوتك من سمعته يصيح 

اجيتك نوبة اطيح ونوب قلبي يطيح

**

يا عباس ومصيبة المدري شيحلها 

اذا نشدتني زينب شرد اكللها

 اجيب منين اخو المثلك يدللها

وياهو خلاف عينك منهو يكفلها

**

خوية اردن ماكو عندي جدام لخيمنا ويردني

شكولن لو رحت عنك خواتك من ينشدني

اظل يمك خدرنه يروح والخدر يريدني

ما بحسابي افكدنك تظل وياي كل ظني

انكسر ظهر الاخوة وطاح بيرغ هاشم العالي

على خدري النوب يا عباس بانت خلة الوالي

يخوية الموت بي حالة يرخص البالشدد غالي

زينب تقول:

خوية حسين اريد امشي لخيي 

اصيرن سد على جسمه وافيي

..

شلون مجتفة ومسبية امر عليك

ما تكدر تفلها مكطعات ايديك

مبارك عاد بس حركلي برجليك

صح وياي راسك يابوالمروة

بس مشتاكة اشمن ريحة الخوة

عمري خلاف عينك والله ما يسوة

جيت اليوم اودعك ولو نايم ما شفتني

قلت خاف تقول اخيتي راحت وما ودعتني

..

عند رجوع زينب للمدينة والتقت بمحمد بن الحنفية

بسمك راح اقلك من اليوم وجاي  محمد يا شريدة هلي وخواني

عفتها على الثرة جلمة الخوة وجيت  يمحمد بعد عظمت على لساني

مو معناها مو كدها يبو جاسم  بس مثل عباس وين القة اخو ثاني

للاستماع اضغط هنا

https://www.youtube.com/watch?v=Q3ngfnTxHhs

هوسات يوم العاشر -سيد محمد مكي

يا كربلا حويتي عطشان ما سقيتي

**

يا شمر خلي اخويه هذا ريحانة نبينة

**

يا طير خبر النبي عما جرى في كربلا

**

ذبحوا حسين وبنينه قومي يا زهرة الحزينه

شوفي حالة والمصيبة بالسيوف مكطعينه

بالمثلث    شاله من ظهرة 

والشمر جاله يزهرة بالحديد يدور صدره

كومي شوفي شحال زينب هتكوا خدور الاميرة

**

مأجورة يزهراء ومأجور ياحيدر علي

مأجورة بالمصاب راح المحامي والولي

**

للاستماع اضغط هنا
https://www.youtube.com/watch?v=EHepOC8sQA8

شور" اويلاه يبن امي" -سيد محمد مكي

اويلاه يبن امي

شفتك تعالج بالسهم 

فوق الترايب مرمي 

****

ريت العمى مني النظر     بس ما اناظر بالحجر

لو بيدي يا باقي الغرر    رحت اشتكي عند القمر

شفت المثلث والاثر    راجع تشيله من الظهر

دمك جره لو دمي

****

من وين الي بعدك ذخر   وانت طريح اهل الغدر

شفتك محمد منعفر    دمك علي بشيبة يخر

حز منحره بسيفه الشمر    كام ورفس عشرة بصدر

والله تجدد يتمي

****

مهمومه صرت محيرة    كبالي جثث متناثرة

رحت لعدوك اخبره    ما تدفنوهم بالثرة

امر جنوده وعسكره     صدرك خيول تكسره

اشعر تعفر جسمي

****

انظرلك ويجري الدمع    يا عزوتي وماتستمع

روس الاطايب تنكطع     حتى الرضيع المنصرع

وعلى الاسنه ترتفع    مثل الشمس تضوي وتشع 

من همك نسيت اسمي

****

اصرخ حزينة وناحبة    وينه الي ثارك يطلبه

هجموا يخوية على الحمه   صرنا ضحايا لذيبه

وين الليوث الغالبه    وينه علي والمجتبى 

وينه الرسول وعمه      

****

زينب والحرم راحن سبايا-عمار الكناني

لا جف لاكمر لاعدها راية  زينب والحرم راحن سبايا
تصيح على المهازل   دخيلك يابوفاضل
**
حكها لو قلبها من المصايب شاب
زينب وينها ووين المشي ويه اجناب
جانت لو مشت يلزم اخوها الباب
ويومي للشمس تلبس الغيمه حجاب
طلعت بت علي آ يالهظيمة 
وكشفتها الشمس ما عدها غيمة
وتندب ها يكافل   دخيلك يابوفاضل
**
عكب ما حز وريد حسينك الذباح  
مشعل نار بيده وللمخيم راح
احركوا خيام زينب عالعساكر صاح
وطلعوها شبعد ماعدها اخوها وراح
يخوبة بهالعمر وانا العقيلة 
الركض بالحومة يهلك مالي حيلة
الم شمل الارامل  دخيلك يابوفاضل
**
وينك يا كمر خان الدهر بية 
وخدر الي تكفلته انكشع بيه
ادور عالهزل ومجتفة ايديه
يخوية ضلوعي من سياط الشمر محنية
ما بين الغرب اني وخواتي
انحنيت وشيبت من مستحاتي
وخذونه بلا محامل    دخيلك يابوفاضل
**
اسمي الجان لو مر تنصب ثاية
وعلى لسان العواذل اصبح حجاية 
اظن زينب الما بين الزلم هاية
من كثر الخجل وجهي نشف ماية
تعذرني يبو الغيرة يعباس
مجبورة يخوية تشوفني الناس
ويشوفوني العواذل  دخيلك يابوفاضل
**
من كدك ما بجيت وصب دمعها العين
نكع ثوب العلية وفزوا الميتين
ششاكف لا طفل بضعوني لاطفلين
اشكف سوط واحد انضرب باثنين
لا ما ينوصف ضيم العلينه
من سوط الشمر ماتن ادينه
اعاتب من واسايل   دخيلك يابوفاضل
*******

https://www.youtube.com/watch?v=Bmz0n5NdWOE
للاستماع اضغط هنا

طفلة تحاجي ابوها -عمار الكناني1436

طفلة تحاجي ابوها وعدها غاية   ما موجود اسمها وية السبايا

ابوها تعذراهه     عليلة وماخذاها

**

الف ونة العليلة بكل صباح تون   وكلب عدهه استغاث من الهجر ويحن

آياليل لو من غير اهلها يجن  تظل لرسم ابوها ولمسة ايده تأن

تكضي الليل باكتار المصيبة   قلب مكسور ويحن لحبيبة

الحبيب الفاركاها   عليلة وما خذاها

**

حسين انوى السفر ولكربلا رحيله   وناداهن رقية وسكنه والعيلة

بوية اتحضرن ناوي ارحل الليلة  العليلة تسمعه والمدمع دمه تسيلة

وصى اخته العقيلة وكل بناته  واسمها الوالي ما معقولة فاته

ظنت بي نساهه  عليلة وماخذاها

**

انحنت شافتها عمتها وبدت تومي   وعليها ومن كتر نار الغضى تحومي

يعمة اجمع اريد اغراضي وهدومي  بلكي يكلي ابوي ويه الضعن كومي

وكفت عند ابوها وباست ايده  وتحلفة بزينب وغيرة عضيده

لاجن ماحجاها   عليلة وماخذاها

**

انكسر قلبه ويحاجيها بدمع همال  اسمج يالعليلة من السبايا انشال

عليلة وكربلا ما ترحم الاطفال   ومتنج مو حمل سوط وسبي وحبال

لو شد الضعن وتهيم الايتام  وجدمهم  يحترك من جمر الخيام

والحومه وعراها   عليلة وما خذاها

**

هظمتها بقلبها مكسره العبره   وراحت يم سكينه وفاطمة الصغرى 

ولقت عند سكنه ثوب لباجر تكدره   ورقية تلم بالاغراض وتجر حسرة

اختها الي تهز بمهد اخوها  وتوصيهن غدت بس بابوها

العافاها وسباها   عليلة وما خذاها

**

اوصيجن خواتي بمهجتي ورجواي  تدرن بي سكن بعيوني هاي وهاي

فرشنله المصلى وليده صبن ماي   بعيبجن سون لروح الزجية فياي

واوصيجن بعد بام المصايب  وسترجن لو مشيتن ويه اجانب

بخدر عمتي وحياها   عليلة وماخذاها

************

https://www.youtube.com/watch?v=RMx8Y2iwrLE

للاستماع اضغط هنا

شور "يا ليل وياك -عمار الكناني

يا ليل وياك احمل دمعات عيوني     يا ليل وياك وديها لحامي ضعوني

يا ليل وياك كله مورمات متوني

***

كله اختك يبعد اختك منك تنتظر جيه

اول مره عني يغيب يوم الواحد بمية

يبوفاضل ثكل حملي وجارت كربلا بيه

تدري ___انشال قوم انهض يراعيه

يابوالنوماس   كسروا عامود خيامي

يابوالنوماس حرقوا بيتك قدامي

يابوالنوماس  ضاعت بالبر ايتامي

***

ماشافتني صبحية وعليه نور الضحه ما مر

من صاحوا علي باسمي كلب سبع سمه تفطر

جبيرة اني واخوية حسين علي خدامه تتأمر

وعلى متوني يحط السوط الشمر بالروحه والجيه

دمعات العين تطيح بجفك يا ليلي 

دمعات العين جان اليمسحها كفيلي

دمعات العين تصرخ بالطف ليلي

***

الشمر بالروحه والجيه سوطه يلوع النسوان

اركض والدروب عيون وستري بكربلا الدخان

لجن يا وسفة ابوفاضل من طبينه للديوان

طولي اصبح حديث الناس بالشام ونواحيه

نادوني الناس زينب هاي المجتوفة

نادوني الناس وين الكافل وجفوفة

بدونه شجابج للكوفة

للاستماع اضغط هنا

https://www.youtube.com/watch?v=d_zl46MdCZc&index=4&list=LL04cagJUZept5EKzbxuTFHw

آ يالولد -قحطان البديري

عبدالله وينك بس رد عليه
آ يالولد  آ يالولد  آ يالولد
***
يمة صوتك من اجاني ما شوفك متت جن بعدك يغالي
تناغي ليه بصوت ضامي وبعدك تفززني واسهرلك ليالي
لوضحكتك من اشيلك بين ادية بالحلم وابجي على حالي
دوريتك ما لقيتك اي مكانك بعده بس يا يمة خالي
آيالولد  آيالولد
***
رد علية يالعفتني هذا انت البالمهد لو هذا حلمك
يمة مهدك من اشمه حلم بي شفتك ييمة حيل اضمك
هذا ثوبك من اكلبه ينكسر قلبي من اشوفن بيه دمك
شتدري بامك لو عفتها تصبر على فراك ابنهه شتدري بامك
آ يالولد  آيالولد
**
يمة سهمك من رقبتك وخروا قبل الدفن لو بعده يمه
مو يألمك مو يلجمك ابني بعده صغير وخروا لا يلجمه
ما يحمله هوه ضامي ويا طفل ارتوى من فيض دمه
بيه همك ظل يغالي يا قلب ام على ابنها تعوف همه
آيالولد  آيالولد
**
شظل الية يالعفتني بهمي ابقى وانت تدري شظل اليه
بس دمعتي وهم عبرتي والله قلب الوالدة شيحمل خطية
وعلى ابنها يبقى ونها من يفاركها الولد تلكه المنيه
فوق همي من فكدتك شوفتني الظيم ارض الغاضرية
آيالولد  آيالولد
*********
للاستماع اضغط هنا
https://www.youtube.com/watch?v=eLPXMkuS80Y

نعي "رقية يا يتيمة" -السيد محمد الصافي

رقية يا يتيمة  رقية يا يتيمة

**

كشفت راس ابوها ودنت يمه  بلهفة شبكته وكامت تشمه

غسلت بالدموع الطفلة دمه  تكله غيبتك طالت علية

**

تكله يا بدر ليلي وسلوتي  ما كطعت على فراكك دمعتي 

يبوية لوعوا بالسوط عمتي  وشتموا جدي حماي الحمية

**

يبوية شكثر عكبك لوعوني  شكثر بالسوط دكوا على متوني

وانا ابجي وتصد راسك عيوني  يتيمة بلا ولي شنهو البدية

**

الطفلة شبكته وغمض جفنهه  وزينب نايمة على الراس ضنها

العليل يكلها عمة انكطع ضنها  على نحر الوالي وافتها المنية

***********

تكله خوية زينب من عفتها     للشام دولبها وكتها  

وكل اليتامه تكفلتها  ولو عن رقية ناشدتها

بارض الشام يا خوية دفنتها 

***

https://www.youtube.com/watch?v=8_jUeiHriPM&index=14&list=LL04cagJUZept5EKzbxuTFHw

للاستماع اضغط هنا

هاي اللي اهلها دللوها نعي مؤثر ومفجع عن السيدة زينب (ع) نعي- السيد محمد الصافي 1436

هاي الي اهلها دللوها  وبالراية الهواشم حجبوها

شلون وية الشمر تمشي رضوها    معقولة برضاهم فاركوها 

معقولة التهوا عنهه ونسوها

"يبو فاضل يبو علي "

زينب بنت علي عداها سبوها   وشافوا طولها من سلبوها

وسمعوا صوتها من لوعوها   وبحبال خشنة جتفوها

وضربوا متنها وشتموها  

محتارة وتدير الوجه صوبين   عين على الفرات وعين لحسين

على ام الحزن من جلجل الليل  وطلعت تعثر بالمجاتيل

تدور على اخوها السحكته الخيل

خوية يحسين والله تهدم الحيل   

https://www.youtube.com/watch?v=LLX5ZEBasjg&index=3&list=LL04cagJUZept5EKzbxuTFHw

للاستماع اضغط هنا