بويه الشوفتك حنيت ... بويه ويا عمود البيت
بيش الكَلب يتصبــر
يماي العين يا حيدر
***
ذكرت ارباك هالليله ... يا حلم العمــــــــر وأكثر
خذاني الشوكَ الك حنيت ... يماي اعيوني يا حيدر
بعد جرح الزجية امي ... بدليلـــــي يالولي أخضر
قدر يا حاضر الشدات ... إبشدّة عمري ما تحضر
دليلي انصاب ... يداحي الباب
يداحي الباب ... دليلي انصاب
يوم الغمضت اعيونك ... ردت أفدي العمر دونك
لجن من خالقي إمقدّر
يماي العين يا حيدر
***
يخيمتنه بأثر فركَاك ... دليلي بهالمصـــــاب ايصيح
دمع عيني بجمر حزنك ... على الخديـــــن نار يسيح
يصيح الكَلب يا كرار ... وجمراتي اويا نبضي اتطيح
شيظل بالخيمه يا بويه ... إذا منهه العمــــــــود يطيح
العمود وطاح ... دليلي صاح
دليلي صاح ... العمود وطاح
شيعوض المضه مني ... دمعتي لو جمر حزني
بعد هيهات تتكرر
يماي العين يا حيدر
***
أصد ساعه على زينب ... وساعة اعله الحسن عودك
وساعة أتمعن بعباس ... ســــــــــــاعة اتأمل إوجودك
أصد للعيله منكوبه ... بفكَـــــــــــــــدك ذبلت اورودك
إحضر ريتك وتحضر ... يسلــــــــطان الملا ابزودك
تون زينب ... بكَلب ينحب
بكَلب ينحب ... تون زينب
الزمن هالليله بيه اندار ... بمصابك وانته حامي الجار
جم كَلب الي يتحسر
يماي العين يا حيدر
***
مكانك يالولي خالي ... اشيعــــــوضه يا أمل دنياي
بعيد انته اسكنت لحدك ... وأشوفــــك يا عــلي وياي
أبد ما بارحت بالي ... بمنامي ويقظتــــــــــي سلواي
ومن شلت بحزن نعشك ... بهاللحظه انكَطع رجواي
بكَلب مدمي ... ذكرت أمي
ذكرت أمي ... بكَلب مدمي
جرحين بجرح صارن ... ليالي النايبه دارن
وأنه بجرحين أتمرمر
يماي العين يا حيدر
***
بقت بعدك يبو الحمــــــلات ... وحشه الدار من دونك
يريت وغمضت اعيوني ... علي ولا غمضت اعيونك
أحس كَلبي اندفن وياك ... وأريدن يندفـــــــــــن دونك
لون ردت العمر يفديك ... عونك يا علــــــــي عونك
وداعك هم ... دمع من دم
دمع من دم ... وداعك هم
بهذني اشيبقه من صبري ... يبويه ويا ذخر عمري
حمل دنياي يتطشر
يماي العين يا حيدر
***
الوداع الليله يا كــــــــرار ... إمودع يا علي الوالي
يتامه ومن حزن بعدك ... علينــــــه إشمّرت اليالي
آنه حسين يا بويه ... وإنته التعـــــــــــرف ابحالي
بكَد حبك الي الليله ... بجيت بحــــــــركَه يالغالي
البعد يصعب ... يالمخضب
يالمخضب ... البعد يصعب
وداعك فتت اضلوعي ... شداوي اجروحي بدموعي
على فركَاك ما أكَدر
يماي العين يا حيدر
***
