على مر الدهر دمعتها نعشها
هظمها الدهر ما مرة نعشها
يبوفاضل تعال احمل نعشها
واظن مات الوفى بموت الوفية
****
سكت صوت المصيبة ما لفاها
على الماتت وابنها ما لفاها
ابو الغيرة بجفنها ما لفآّها
ولا وسدها ليث الغاضرية
****
الجمعة، 3 أبريل 2015
الخميس، 2 أبريل 2015
نعي وفاة ام البنين -باسم الكربلائي1436
توانوا يالرحلتوا بعيد ونكم
يعذب القلب يالويلاد ونكم
صحت عبدالله جعفر عون ونكم
وي عباس احضروا بموتي ليه
***
شفت جف الاجل للروح يمي
وتمنيت البنين تحضر يمي
سمعت عباس صاح بصوت يمه
اجيج شلون مكطوعات ادية
***
ام الاربعة الما صح وفاها
جفوها ولا خبر منها وفاها
تمنت من كبل ساعة وفاها
تشوف حسين مرة وهاي هيه
الأربعاء، 1 أبريل 2015
وين اليغمض عيوني-محمد ابو رغيف1436
وين الــ يغمض اعيوني ____حانت منيتـــــي
آنه امكم أوعفتوني ____ضل وحشه بيتـــــي
وترابي منهو يهيله ____ مرّولي بس الليله
حانت منيتـــــي
*▶●◀*▶●◀*▶●◀*▶●◀*
ابالي ظلّت هالصوّر والحزني گامت توحي
وظليت انوح أبديرتي محد يماثل نوحي
هالناس الي توصف جرح تضرب مثل بجروحي
مابين الافلاك أنعرف مشهوره بالون روحي
&&
دمع الحزن رافگني ____ ماجف عگبكم
وانه الهظم ظعظعني ____ چنت أنتظركم
جسمي تهدم حيله ____ مرّولي بس الليله
*▶●◀*▶●◀*▶●◀*▶●◀*
برض البقيع اورملته ترميني روج احزاني
أربع اگبور أبني بدي شما خط اسم بچاني
وابني گبر خامس بعد لبني ونبع شرياني
وانعه يبو اليمه ابحزن صبح ومسه خلاني
&&
ياربي وانته العالم ____ بحال انتظاري
وانخه تجيبه سالم ____ ليلي ونهاري
لجيته عگدت الشيله ____ مرّولي بس الليله
*▶●◀*▶●◀*▶●◀*▶●◀*
انتم يفرسان الوغه خيرة كواكب هاشم
يالماتخيبون الرجه شرّفتو ضرب الصارم
أرفعتوا راسي ابنصرته ابن الزچيه فاطم
چنت ارجه لي يبقه ذخر وادعيله دومه سالم
&&
كل ساعه اناطر بابي ____ عشت أبأماني
هسه يجوني احبابي ____ والهم دهاني
يارب تردلي العيله ____ مرّولي بس الليله
*▶●◀*▶●◀*▶●◀*▶●◀*
اعيوني تترجه ابأمل والهم حناهه أمتوني
كل لحظه اربه اعله الدرب ونشد مته توافوني
ردتك يبعد أمك تجي جيتك تسر اعيوني
وتجيب اخوتك كلها الي وبشدتي أتباروني
&&
مر الصبر باراني ____ طول الليالي
ماتنتهي أحزاني ____ عگب الغوالي
ماجف دمع من سيله ____ مرّولي بس الليله
*▶●◀*▶●◀*▶●◀*▶●◀*
گلبي اليوّن بچّه الصخر ماضل خليل العنده
بالعاده كلمن يحتضر اتحوطه اهله أولده
يبارونه ساعة شدته ما يحتضرهه وحده
يبصرهم ابعين الرضه يكتب وصيته اوعهده
&&
رافگني دمعي اوني ____ في ارض طيبه
خلّاني راحو عني ____ چني غريبه
وعشت ابهموم اثجيله ____ مرّولي بس الليله
*▶●◀*▶●◀*▶●◀*▶●◀*
اتمنه أضمّك بالگلب يبني بوسط سبّاحه
شما ضوّه مصباح الفجر وجهك الي مصباحه
ونته يبستان الامل ال وردتي الفواحه
لا راحه ضلت من رحت ومنين اجيب الراحه
&&
عگبك تغيب البسمه ____ يشهدلي ليلي
والفرح ضايع رسمه ____ يبني ابدليلي
چا نعشي منهو يشيله ____ مرّولي بس الليله
▶●◀*▶●◀*▶●◀*▶●◀**تمّت
قلم الخادم
الشاعر محمد ابورغيف
يا راية حزنها-باسم الكربلائي
يا راية حزنها ...يا عباس إبنها
أمك بإنتظارك...تتوله دفنها
يا ثمرة رُباها...يا كوكب سماها...أمك كل رجاها...بالدنيه ذخرها
يا نبضة قلبها...يا شمعة دربها ...مطلوب إبتعبها ...و الليل و سهرها
و إحساب التعده...من بعد الموده...جف عطفك تمده ...و إتغمض نظرها
دمعتها التهلها...جانت كل أملها ...من يدنه أجلها...تحملها القبرها
أمك هالمسيه...بفراش المنيه
و إتحن إعله شوفك...يالراضع لبنها
طبع الأم رؤوفه...تتوصف عطوفه ...تنسر من تشوفه ...يفقدها ولدها
بالدمعه التكتها ...تدعي إبكل وكتها...إيحقق أمنيتها...سلوتها و ضمدها
يسري وي دماها ...راضع سر وفاها...أصبح كل قواها...قطعه من جبدها
تقضي كل عمرها ...تتسله إبصبرها...إتريده لو دهرها...بهمومه ضهدها
و بطور المعزه...إتلولي له و تهزه
لمن ما تنيمه...ما يغمض جفنها
يا ليل التنامه...العدها أربع نشامه...راحوا و بسلامه...ما ردوا عليها
من حمّل ضعنهم...و أبعد عن وطنهم ...طارش بلجي منهم ...تنتظره يجيها
و الأكثر دمعها ...إعله حسين الفجعها...و الناعي سمعها...ظل يبجي البجاها
إتقله كل بنيني...لحسين و سنيني...لو سالم يجيني...وشيوقع بيديها
بديار البعيده ...عافوها وحيده
مهضومه و حزينه...خلاها زمنها
تشتد كل مسيه ...ونتها الشجيه ...و الدار الخليه...وين أمسوا أهلها
معروفه بمجدها ...للضيف القصدها...لكن لو نشدها...من فرّق شملها
لليرفع خطابه ...وحشتها جوابه ...يجرحها عتابه...لو سائل سألها
ليش أسود علمها ...وين أضحوا زلمها...و يهّيج ألمها...لو وافد نزلها
معهوده إبكرمها...ما واحد يذمها
لرض الغاضريه ...راح الوالي عنها
وين البيه حميه...يقصد هالمسيه ...لرض الغاضريه...و يندب لو لفاها
أمك يا قمرها...هم عندك خبرها...ظل محني ظهرها...يالفقدك حناها
ليش أمست غريبه ...هاي الكلها طيبه ...و تتسمه النجيبه ...معروفه بوفاها
بأمكم ما دريتو...عنها من مشيتو...لا إنتم إجيتو...و لا طارش إجاها
محضركم تريده...يولاد الصميده
من يحفر قبرها ...و يفّصل جفنها
أمك يا ضمدها...وسدها إبلحدها ...و إنت الغالي عدها...يالكلك شهامه
إتقلك يالتنيتك...لو بيدي إجيتك...للطف إعتنيتك...ليلي ما أنامه
و أتمنه أشوفك ...و أتوسد جفوفك...و أبداً ما أعوفك ...يا عطر الكرامه
قّدمتك هديه...لعيون الزجيه...و إجفوفك عليه...تشهد بالقيامه
أتحنه بدمائك...و أتباهه بوفائك
و الباري و رسوله...أمك يرضه عنها
ذكرت ام البنين -باسم الكربلائي
ذكرت أم البنين و نزلة الدمعه...شفت نور البقيع و ضاقت الوسعه
ممنوع عن شيعته...ممنوع لو زارته
*****
لا شباك أزوره و لا قبر ينشاف...و لا باب و تلزمه و لا صحن ينضاف
بس حارس لعين و ناصبي و سياف...واقف عالقبر و اليوصل إيمنعه
***
بس حارس لعين إيحاسب الزوار...و يحرم عليك إتقبل الأسوار
تشتم بيه عفونة ريحة الكفار...حاقد و اليصلي إعله النبي إيدفعه
***
لا تشرك يقلك ذوله مثلك ناس...و بطن الجابته إيساويها بأم عباس
يا آل النبي و عدوانكم حراس...و إزيارة قبركم تنحسب بدعه
***
لو زرت البقيع إيذكرك إبهارون ...و تشعر ضد محمد يا حقد مدفون
و إتشوف الظلم و الحاكم الملعون...صوره إمن اللعين الحارب البضعه****
و حق راية علي الما طاحت إبصفين...ما تبقه النواصب و إحنه موجودين
نرجع للبقيع و نبقه منصورين...شيعه و للشهاده إرقابنه إموقعه
لا تعيفوني بداري غريبة-قحطان البديري
لا تعيفوني بداري غريبه
دمعة اعيوني تحجي المصيبه
ما ظن يجوني...من فارقوني
آنا أم البنين اليوم أسولف قصة أحزاني
عله الشدوا رحال الضيم عني و دمعتي إتاني
أصد للبيت وحشه البيت بلايه أولادي بجّاني
و أشم ريحة حبيبي حسين تشب بضلوعي نيراني
ظلت إعيوني حسره إعله بابي...تنزف ابلوعه دمعة عذابي
دمعه بعيوني ...من فارقوني
من حزموا متاع الموت روحتهم بلايه ارجوع
عيني اعله الضعن ظلت تجري اعله التراب إدموع
أصيح وما يسمعوني صوت العبره ما مسموع
رضيتوا إشلون يا يمه تخلون القلب مفجوع
وحشه و اهمومي طول الليالي...و النظر دمعي يبجي اعله حالي
عالعذبوني ...من فارقوني
أذكر من شفت عباس يصعّد زينب بإيده
قاصد للمنايه إدروب صعبه و سفرته ابعيده
تعنيته و حجيت اوياه يفرحة قلبي يا عيده
بيتي ابغيركم مهجور لا و الله ما ريده
يا قمر هاشم زينب أمانه...ظلمه من غيرك تبقه سمانه
ابحيره إتركوني ...من فارقوني
ظلت عالضعن عيني يمشي و هيه تمشي اوياه
أشوفن غيرته رفت كلما بيده رف إلواه
يهالرحتوا و تركتوني أسيرة دمعتي و الآه
إشوكت يا هيبتي اترجعون إليَّ و العذاب أنساه
كون أبو اليمه سالم يجيني...فدوه يرحوا له أربع بنيني
زادت ظنوني...من فارقوني
يا ناعي الحزن لو جيت لتجيب الحزن وياك
إنعه أولادي لو ميتين لا تنعه الحسين أنخاك
هاي أيام مرت خوف و بضيمه القلب تاناك
أم و قلبي يعلم بيك يالجايب خبر بلواك
أنظر اوليدي ليلي و نهاري...عالجمر أسهر ليل إنتظاري
ما ظن نسوني...من فارقوني
الزهرة نادت يا علي- ملا جليل الكربلائي
هذا أمري ...و الزهره نادت يا علي
تخفي قبري ...و الزهره نادت يا علي
ما تردهم ...من حقدهم
يا حيدر وصية روح ماتت من كثر ونها
اخذ اجنازتي بالليل بالسر يا علي ادفنها
و اخفيها وصيتي اعليك لا تخبر بشر عنها
ما ريد الظلمني ايعود و يترجه العذر منها
اعليه جاروا...و الزهره نادت يا علي
ضدي صاروا...و الزهره نادت يا علي
و أبقه ضدهم...من حقدهم
أسمع فاطمه يصيحون خلف الباب قولوا له
قال الهم و إن بالنار أريد الباب مشعوله
ذمته و ذمة الوياه و ذمة القبله مشكوله
و الكشفت أسرار البيت عن الصار مسؤوله
كل مصابي ...و الزهره نادت يا علي
من عذابي...و الزهره نادت يا علي
حقي عدهم ...من حقدهم
بضعة سيد الكونين كلها و خانوا البضعه
و نكروا آية التطهير بيه و خالفوا شرعه
ضلعي امن انكسر يدرون دين الله انكسر ضلعه
هذا ايدل عليهم جان عدهم دينهم بدعه
تدري بيهم...و الزهره نادت يا علي
ضد نبيهم...و الزهره نادت يا علي
من قصدهم ...من حقدهم
باب البيها طبع اجفوف أصابع سيد العتره
و باب اليمها جبرائيل واقف ينتظر أمره
باب اليعله يمها الصوت يرفض صاحب القدره
بيها الخان بالإسلام الخله النار مستعره
هذا ثاري...و الزهره نادت يا علي
عن قراري...و الزهره نادت يا علي
ضل رشدهم...من حقدهم
يغضب قلهم ايعرفون رب الكون من تغضب
بغضاً ضد علي الكرار ما راعوا قرار الرب
و أتباع السقيفه اتريد للشيطان تتقرب
و الهذا السبب عالناس غير المرتضه اتنصب
كل غدرهم...و الزهره نادت يا علي
من كفرهم...و الزهره نادت يا علي
و كل ولدهم...من حقدهم
هاي أحفادهم لليوم ظلت و الزمن شاهد
من ظهر الظهر جينات حاقد يتبع الحاقد
كلهم ضد علي الكرار قلب الولد و الوالد
لاجن شيعة أهل البيت ظلت صابره اتجاهد
ضدي كلهم...و الزهره نادت يا علي
بيدي أذلهم...و الزهره نادت يا علي
و اليمدهم...من حقدهم
آه يم البنين -قحطان البديري
آه يم البنين...آه يم البنين
***
يمه مهما قالوا إنت ما ترد ليه
آنا كل لحظه أشوفك تنظر اعليه
و أطلع أتخيل وجودك يبني يوميه
أطلع بكامل قوامي أرد محنيه
***
من أمر لحظه اعله بيتك و أنظر أعتابك
تنزل إدموعي اعله خدي و أقعد ببابك
و أرجع اتأمل وجودك يمي و إغيابك
و أسمع أصوات اليتامه تنعه بمصابك
***
آنا كل لحظه اعله جيتك اسأل اعيوني
و الدمع بس اليجاوب تسكت إظنوني
آنا من بعدك غريبه خل يسموني
خلي إسياط العذاب إتضرب إمتوني
*****
اسأل الروح بغيابك ما ترد روحي
ما يرد باجر حبيبي صاحت إجروحي
رد إبن حذلم ينادي هدّم إصروحي
و من سمعته إيصيح يبني ما بطل نوحي
****
أربع أولادي ييمه و زهرت آمالي
فدوه يرحون الوجودك يبني يالغالي
إنت روحي و إنت عيني و إنت دلالي
و إنت راس الظل ييمه ابنخوتك عالي
احنه نبقى أنصيح آه يم البنين-الشاعراياد ..
احنه نبقى أنصيح آه يم البنين
وهيه تبقى تصيح يبني ياحسين
......
هـاي أم عبــــاس هاي الطاهرة
عـالحزن والـــضيم ظلت صابرة
جابت العبـــاس سبع الــكــنطرة
ويه زينب عاش كل هاي السنين
.....
من اجت زينب يم حيــدر عـــلي
تــكـــله يـابــو حسين هـذه كافلي
هذه أبو فــــاضل حـــامي محملي
والــــده كــــرار وأمــه أم البنين
....
علي شحجيلك عن بنت الأصول
ضحت أبعبـــــاس وبأربع فحول
أنت بس تذكره كـــل همك يزول
تقضي الحاجات تسعد كل حزين
........
هيه بالأخـــــلاق نسخة فاطمة
يعني أم عبـــاس إيه من ألسمه
روحه عالحسين ظـلت هــــايمه
والنفس مكطوع من كثر ألونيين
....
همهه عالحسين مو همهه الولد
تصيح راح وليدي جا يمته يرد
هو نور عيوني قطعه من الجبد
ذايبه من الشوك كاتلهه ألحنيين
.....
تواسي الزهراء تبجي وتنتحب
على فرآك حسين شيصبر الكلب
مــــادرت بحسين مذبوح انسلب
والكمر مكسوف باقي بلايه أدين
......
ســـيـــرة الأحــزان-باسم الكربلائي
| ســـيـــرة الأحــزان مــا ظــل صـبـر يـا روح عـلـى مـر الزمن ما ننسه لوعتها دمـع أم الـوفـه يـرسم مسيرتها تـجـي يـم زينب البلهم شريكتها ريــحــة الأحــبــاب حــسـرة قـلـب مـجـروح تـظـل أم الـبنين إتناشد إبحسره أخـافـن قـصروا ويلادي يالحره أخبرج ليش أبو اليمه إنكسر ظهره ظــل وحــيـد حـسـيـن وسـفـه الـقـمـر مـطـروح تـقـلها من وجوده إتخاف أعادينه لـجـن يـم الـبنين إندارت إعلينه خـدر ما ظل بعد من غمضت عينه مــا نــهـض يـا حـيـف ظــل الـدمـع مـسـفـوح تـقـلـهـا لا ييمه و زادت الونه يـيـمه و من إجه الشامت يسلبنه رحـت يـم الـنهر بالليل أودعنه خــويــه جــيـت اويـاك إخــتـك يـسـيـره إتـروح يـزيـنب و الدمع ما فارق أجفاني يـعـت بـيه الحزن و أنده يولياني يـبـو الأكبر و أبد ما تطفه نيراني مــا أنــام الــلـيـل يــسـكـت حـمـام الـدوح يـجـن ليل الحزن و إتجيني حسباته حـنـين و دم دمع تخلص مسافاته إذا حـن الـقلب ما يخفي حسراته نــادي يــم الــعــبـاس واســيـهـا بـالـمـذبـوح | و الألــم عــنــوان و أم الــبــنـيـن إتـنـوح إذا مـسـنه الحزن نذكر مصيبتها مـدامـعنه تظل تجري اويه دمعتها هـلـه يـم الـوفـه يمه و تلقتها مــن تــدق الــبــاب و أم الــبــنـيـن إتـنـوح تـجـاوبـها العقيله و بالقلب جمره تـقـلـها لا ييمه و تسجب العبره لأن شـاف الـقمر لا يمنه لا يسره يــنــظــر الـجـفـيـن و أم الــبــنـيـن إتـنـوح أمـان و لا شفت واحد وصل لينه بـعد قطعت يساره و قطعت ايمينه صحت وين القمر يلحق على سكينه و بـيـمـيـنـه الـسـيـف و أم الــبــنـيـن إتـنـوح وفـوا كـل الوفه و ما قصروا عنه صحت عباس أخويه من إنين أجيبنه عـذرتـه و الـسهم بالعين أشوفنه يــالــقــمـر بـحـمـاك و أم الــبــنـيـن إتـنـوح و لا حـتـه الحجر يتحمل احزاني شـفـت بس الدمع بالغربه واساني إلـك فـدوه البنين و فدوتك آني و الــدمــوع إتــسـيـل و أم الــبــنـيـن إتـنـوح و أحن لرض البقيع و حزنه و آهاته قـبـر أم الـبـنين أعرف علاماته إذا نـاح الـجفن أمشي اويه دمعاته و إلــطــم إعـلـه الـراس و أم الــبــنـيـن إتـنـوح |
الاشتراك في:
الرسائل (Atom)