يبني يالكاظم_ سيد محمد مكي

يبني يالكاظم  لو خلص عمري

عند قبر فاطم    احفره لقبري

اني جبدي بالسموم مفطرة   وامي ضلعين بصدرها مكسرة 

***********

انا ابن حيدر علي وطه نبينا   وانا قطعه من جبد امي الحزينه

شيدت دور العلم برض المدينه   ولو عصف موج الفتن جنت السفينه

لاجن اشباه البشر جارت علينه   ومن ظلمهم هذا جبدي مكطعينه

ومن قبل لمه العمر تخلص سنينه   يبني يالكاظم هتف قلبي بحنينه 

تدري باحوالي و شالذي اتي   يبني ايبني تسمع وصاتي

اني مرمي والمصاب اتصورة   وامي ضلعين بصدرها مكسرة

*********

يبني يالكاظم بدت اول وصية   من تحملون النعش كلكم سوية 

لو سمعتوا بالدرب ونه خفية   هذي ونة فاطمة تنوحن عليه

بالله عرج بالنعش صوب الزجية   وقلها مات وليدج تسمه المنية

واحنه عند قبرج لفينه بهالمسية   ندفنه وننصب على الوادي عزيه

وعن جرح جبدي يبني لا تحجي     خايف الزهرة تنحب وتبجي 

وتبقى نارين بالدليل موجرة    وامي ضلعين بصدرها مكسرة

***********

يبني يبني بكشف اسرارٍ عجيبه   وادري قلبك بالحزن زايد نحيبة 

زمرة الي كسرت لصدر النجيبة  وبالحبل قادت علي ليث الحريبة

قدمتلي بالحقد سم المصيبة    وهذا جبدي من دمه صوابي خضيبة

صرت الوج من المرض مثل الحبيبة  وتالي طحت على الثرة بحالة رهيبة

من عكب همي صرت احن يمي  هذا دم صدرج يجري لو دمي

اني روحي من عذابي مكدرة   وامي ضلعين بصدرها مكسرة

**********

يبني واسمع بالحزن ثالث وصايا    والله يالكاظم لون يحصل على هواي

يبقه جسمي  بلا دفن وتكصده عداي   وتنسحك مثل السبط فوق الثرة عضاي

ورابع وصية صعب تسمعهه يضناي   لاترش على القبر بعد الدفن ماي

من ترد داري وتصد جملة يتاماي  اذكر سكينة ويتمها الذوب حشاي

واذكر لزينب كوة يسروها    ولو بجت يبني بسوط يضربوها

هذا موقف وانا دوم اتذكره  وامي ضلعين بصدرها مكسرة

*********

مسموم مسموم _ الامام الحسن _ رضا عزيز البحراني

مسموم مسموم مات الإمام المُجتبه مسموم 

1. 

2. صيحوا وا ويلآه منْ هالنايبه 

من مُصيبة رابع اصحاب العبه 

3. ندبوا يا شيعه الإمام المُجتبه 

آه وا ويلآه منّ امصيبته 

4. 

5. أبد ما ننسه مُصابه و ما يزول 

واجب انواسي النبي طاها الرسول 

6. و الحزينه الطاهره الزهره البتول 

و حيدر الكرّار نسمع حسرته 

7. 

8. أبو اليمّه احسين دمْعاته تسيح 

خويه مسموم ارحلِت مِنِّي يصيح 

9. الدنيه صارت مظلمه و ضاگ الفسيح 

آه من فگد الحسن من فرگته 

10. 

11. و يرتفع صوت العقيله بالأنين 

يالحسن يا خويه رايح عنِّي وين 

12. دم تسيل ابوجنتي دمعة العين 

اتشاهد ابعيناها يقذف چبدته 

13. 

14. ساعد الله امّ الحزِن من هالمصاب 

حگها لو منها الگلب باحزانه ذاب 

15. اشلون لو وسْدَوا أخوها بالتراب 

و باللِّحِد لو وسّدوها جثّته 

16. 

17. المُجتبه ابتشييعه بسهام انرمه 

الله يلعنهم البغضَوا فاطمه 

18. بالحشر منصوبه إلهُم محكمه 

نعلم اشصار و حصل بجنازته 

19. 

20. ليش قبره باقي بعده منهِدِم 

لا علامه و لا دليل و لا إسِم 

21. نقسم ابضلْع الزچيّه المنهِشِم 

دوم نتعنّه نروح ازيارته 

ابد والله ما ننسى مصيبة الزهراء _رضا عزيز البحراني

1. و حگ المُصطفه وقّعنه بالعَشره 

أبَد ما ننسه والله امصيبة الزهره 

2. هتفنه و خليسمْعون 

على اعناد الينكرون 

أبَد ما ننسه والله امصيبة الزهره 

* * * 

3. قسمنه و هالقسَم هيهات يتغيّر 

ما ننسه الزچيّه 

4. نظَل نهتف يزهره الساعة المحشر 

و الحدّ المنيّه 

5. و نلعن كل جَسور اعليها يتجسّر 

كل صبح و مسيّه 

6. مصاب الزهره ما لحظه نسيناه 

نعيش انموت و انجدِّد ابذكراه 

7. و ميهمنه اليلومون 

على اعناد الينكرون 

أبد ما ننسه والله امصيبة الزهره 

* * * 

8. إلِچ يا زهره باﻷرواح نتفدّه 

وحَگ مُنزِل اﻹسراء 

9. حتّى الطفِل بينه يصرخ ابمهده 

من أجداد و ابناء 

10. على اعناد اليخالف احنه نتحدّه 

نصرخ آ يزهراء 

11. عشگنه الزهره واحنه ابطور اﻻصلاب 

لأن فطرتنه هاذي و بلاْ استغراب 

12. نحبها و حد الجنون 

على اعناد الينكرون 

أبد ما ننسه والله امصيبة الزهره 

* * * 

13. ناس التنكر الزهره و رزاياها 

تجهَل كل قدرها 

14. رسول اﻷمّه كل اصحابه وصّاها 

مو خافي خبرها 

15. اليآذي الزهره منّ اﻷمّه أشقاها 

و ملعون العصرها 

16. الكسَر ضلْع الزچيّه ابهالجريمه 

طلع من دينه و الهادي خصيمه 

17. الغصبها ابحگها ملعون 

على اعناد الينكرون 

أبد ما ننسه والله امصيبة الزهره 

* * * 

18. بدَت كل الخَفايه و زين مكشوفه 

ما يحتاج نشرح 

19. بالتاريخ باﻷسماء معروفه 

و القُرآن صرّح 

20. على اﻷعقاب ترتد ناس موصوفه 

و ابغَدرتها وضّح 

21. و بعدها ابهالزمَن ناس التحاجِج 

اذاْ اتناقشنه تدحَض بالنواتِج 

22. نظَل و اشما يغَيرون 

على اعناد الينكرون 

أبد ما ننسه والله امصيبة الزهره 

* * * 

23. ابظُلامات الزچيّه النرتجي اظهوره 

بيده ياخذ الثار 

24. روايات و سوَر لظهوره مأثوره 

و مترقّبه اﻷنظار 

25. و الخالفت لا شك يومه موتوره 

واهيه التلبَس العار 

26. جُنود المنتظر كلّ احنه أنصار 

نقدِّمله عمُرنه ابموعد الثار 

27. ونصُرنه اوياه مضمون 

على اعناد الينكرون 

أبد ما ننسه والله امصيبة الزهره 

* * *