الأحد، 25 مايو 2014

كل دمعة بسجودك _باسم الكربلائي 1435

كل دمعة بسجودك         شفناهه بقيودك
يا موسى بن جعفر يا امامي
********
انختمت بالسجن صفحة حياتك    على متون الجسر خلوا رفاتك
اجينة وشفنة دم باقي بعباتك      لقينة دموعك التجري بصلاتك
وياك التقينة        بالجمعه الحزينة 
صوت الناعي كبر  يا امامي
********
الك تمطر نجم عين الثريا    نعشك يحمل اسرارة الخفية 
غريبة يا غريب الكاظمية     يسمونك امام الرافضية 
  يعايش وي نبضنة   نعم الهم رفضنة 
وحبك بينة يكبر يا امامي
********
دعاء الفرج تقراه ونسمعك   بس الخالقك رخصته دمعك
حضرنة الليلة يالكاظم نشيعك   نزل حتى العرش يبجي ويودعك
دمعات الوسافة   يم جسر الرصافة 
جمر الفركة يسعر يا امامي
********
ذكرني بعلي الكيد على زندك   وبحال الحسن ذكرني جبدك
تشبه فاطمة السطرة على خدك    مثل زينب تون بالغربة وحدك
آآه من الليالي    فجعتكم يغالي
من محجر لمحجر يا امامي
********
على مصابك بجت عين البصيرة     طبيبك شافك وبعيونه حيره
قام يصيح وينة العندة غيرة     هالمسموم ما عنده عشيرة
اهل الغيرة حيهم    تاخذ ثار ابنهم 
عنك وينة حيدر يا امامي
********
رغم هاي المأسي وجور عصرك     هذا انت اصبحت سلطان دهرك
راح اللارشيد وباقي ذكرك    باب الحاجة للمعبود قبرك
واليقصد ضريحك   تنطي من يصيحك
يوم الشدة تحضر يا امامي
********
للشاعر كرار حسين الكربلائي 

الجمعة، 23 مايو 2014

وانه ابن خير الانام _ابو لقاء البهادلي1435

بالسجن ضكت المراره ** عني ممنوعه الزياره

شفت بس ضيم وظلام ** وآنه أبن خير الانام

****************

بالسجن ياهو اللي مثلي ** جده أشرف هالبريه

ياسجين المثلي طاهر ** صلبه من حامي الحميه

والده الصادق علامه ** ودمــــه من دم الزجيه

ذابت مهجتي امن الظلم * تجويني نيران الهضم * متسلح بصبر وكظم

ضاكت الوسعه عليه

ياسجين بهيجي حاله ** بلاذنب كل ماجراله

حاربوني أهل الحرام ** وآنه أبن خير الانام

****************

بالسجن معروفه حاله ** كل سجين يلاكي راحه

تعتني أهله وتزوره ** تشوفه وتخفف جراحه

وآنه لا واحد يجنيني ** زيارتي صارت نياحه

عانيت الام وقهر * ذابن عيوني من السهر * وآنه أبن سيد البشر

طير ومكيد جناحه

بالسلاسل كيدوني ** وبحقدهم لوعوني

منعو أعليه السلام ** وآنه أبن خير الانام

****************

بلاذنب وبلا محاكم ** هالسجن طالت سنينه

يومي ماأعرف نهاره ** ليلي ماشوفه اليجينه

روحي مشتاكه لهلهه ** والكلب هايج حنينه

بالسجن عذبوني وشطت * والكلب ذاب أوياه ذبت * للظلم مايوم أخضعت

روحي مهضومه وحزينه

سجني طاموره ومظلمه ** والسجني بلايه رحمه

اوياي ممنوع الكلام ** وآنه أبن خير الانام

*****************

بمحنتي شفت المئاسي ** ومهجتي تون وعليله

كل حجي وصوت الحراسه ** للوكت صارن دليله

بالصيام اكظي نهاري ** وليلي بالسجده الطويله

بلاذنب من عندي بده * جبدتي كطعوه العده * ياهواللي يسمع هالنده

لا أهل يمي وقبيله

والقتل صارلنه عاده ** ومكرمه النه الشهاده

ناح لمصابي الحمام ** وآنه أبن خير الانام

******************

حتى بالموت انه وحدي ** لاجفن لاغسلوني

محد أيسبل ايديه ** ومحد يغمض عيــــوني

اهلي واحبابي بعيده ** لو قريــبه يودعوني

من دمع عيني أتغسلت * وبهدمي آنه اتجفنت * لاجمل لقاء أتهيأت

وأشتكي امن العذبوني

بالحقد نادو عليه ** هذا امام الرافضيه

رافضي ناده اللئام ** وآنه أبن خير الانام

***************

أخذت الشيعه الجنازه ** ونادت بلوعة دمعهه

هــذا جده الهادي طه ** دينه للأمه الرفعهه

هــذا أبن الزهره فاطم ** كبله هم كسرو ضلعهه

بالسجن هالعمر انكظه * شيعتني كل الرافضه * حاضر بتشييعي الرضه

وشكوتي لمن سمعهه

عاين آثار ابيديه ** يبجي من صله عليه

صلبي من صلب الكرام ** وآنه أبن خير الانام

ضاكت الدنيا عليه _ جبار البطاط1435

مارحم سجاني بيه = انا الكاظم يالزجيه = ضاكت الدنيا عليه
ـــــــــــــــــــــــــ
يمه بس صوت السلاسل من انادي يرد عليه
ومن كثر ماسجني ظلمه ماتشوف العين أديه
اهنـــاك مابين البقيـــــــع وكبرجدي يالزجيه
نصبي مأتم بالمدينه وجددي حزنج عليه
صيحي راح ابني امن أديه === ضاكت الدنيا عليه
ــــــــــــــــــــــ
كل سجين أمه تزوره = الشوك ياخذهه أله
ولوبعيد اعليهه سجنه = ماتعوفه اتراسله
مثل مازرتي الغريب = وأعتنيتي الكربله
ابنج انه وهم غريب = ولالي كوم وعايله
انه اريدج هالمسيه === ضاكت الدنيا عليه
ــــــــــــــــــــــــــ
حكي وانه أبنج ييمه = ألـــج اشتاك وأحن
بس أخـــــاف اعليج يمه = لاتجيني للسجن
كلبج أتلزمه ضلوعه = لو وصلتي ماأظن
من تشوفين السلاسل = يكثر اعليج الحزن
امدد ابحضن المنيه === ضاكت الدنيا عليه
ــــــــــــــــــــــــــــــ
ينكظي جا سجني يمته وبيه تخمد ناري
ماأميز صــــــــرت يمه ليلي من أنهاري
منهو يوصل للمدينه ويبث لهلي أخباري
ظلمه ادري وحشه ظلت ابغيابي داري
وانه ابن حامي الحميه === ظاكت الدنيا عليه
ــــــــــــــــــــــــ
عمري ليله بس طويله ولاشمس عيني تشوف
وظنهم اقـــــــيودي ثكيله ولله ماارفـــع جفوف
يمه انه ابن العليل الرفــــــــع راسه بالطفوف
رغم كل ذيج المــأسي تشهد بزوده الالوف
لجن دمعاتي خفيه === ضاكت الدنيا عليه
ـــــــــــ
جبار البطاط

يا جسر الاه تانينة _ علي العابدي النجفي1435

ياجسر الاه تانينه .. ياجـــــسر الاه
يشرق نور الله علينه .. ياجسر الاه
ماندري بتابـــــوت ترده
وسم هارون يذوب جبده
من بعده ايتام تخلينه .. ياجسر الاه
******
من اخر لوعات الزهــــــــره بدار الاحزان
من عالم ايتام الطـــــــــبره ووحشة كوفان
من الطف وهضـــم الحـــــــره بفكَد الوليان
لجرح الكاظم من هضمتنه تضــج الاشجان
بسمار الباب الما يرحم .. اصدر فتواه
الضلع السابع يتهــشم .. ياجــسر الاه
اثبت لو جيناك نطــــــــوفه
يطيح المحسن من جـــفوفه
لا تهتز .. تلجم والينه .. يا جسر الاه
***********
تانيناه منحر وغيابه لكـــــل منحر سيف
وتجاوز صبر الينتظره حـــــــــــد التكليف
ماندري البشرى على حدودك تتحول حيف
وبحدود عيون التنتظـــــــره تذبح ياطيف
شمعة امال الينتظره .. خلصت دمـــــعات
شتتامل من صدر الحسره .. غير الاهات
والتكسر ضلعه شتتوقع
غير جروحه ودم المدمع
بيا ( صبرا ) منك وتعينه .. ياجسر الاه
**********
ننخاك بأخر ماعـــــــــــدنه من قلة حيل
ياصبر الضفة المجـــروحه بسجينة سيل
هذا حسين وعالم فكَده حـــــافر من خيل
وهذي ايتامه اليوم شعدها غير اليـاويل
لاخيمه الليله ونلكَاهه
ولا زينب عدنه وننخاهه
سوط السم مايرحم بينه .. ياجسر الاه
*********
لعالم يتماده بكل ظلمــــــــه لكلمن ناده
لكل هارون يصـــدر فتـــوى بذبح الولاه
ليمته الثار السم استـــوطن جبد الينخاه
مجتوفين بكَيد الغيبه ونضج رحماااااه
اتعدت يالمهدي المــــده .. الف الاعوام
ياوالد يتحمل ولده .. يسمــــــوها ايتام
بغيبة واليها يجتفوها
بهزّل دنياهه يأسروها
ما حل من الموعد حينه .. ياجسر الاه

هذا ابن جعفر والجسر _ علي العابدي النجفي1435

بغداد هذي يا زمــــــــن .. لو غــاضريه
يسأل على اعتاب المحن .. ضلع الزجيه
هذا ابن جعـفـر والجـسر
لو منحر وســــيف الشمر
ياشده يشكي وياعصــر .. ضلع الزجيه
*******
انطق يدهر النــــــــايّبه علمها الاسباب
هاي الوديعه فاطمـــــــــه وشداتك الباب
كل حين ترمي بيا ذنب محسن عالاعتاب
وكل مايمر منك زمـن تـفجــــعها بمصاب
بسم وسهم آه يادهـــــــــــــــــر تطعن چبـــدها
ويجري القــــــــــدر مجرى النهر من دم ولدها
منك خذت اصــــغرعمر
واعظم مصــايب للحشر
ياشده يشكي وياعصر .. ضلع الزجيه
*******
يجري القدر دم الاهـــل والمدمع السيل
من كل بدر ايازمــــــن امسى الصبر ليل
متعني الها بيا عصـــــــر ماظل بعد حيل
شتظن بعد عدها ضلع من هضمة الخيل
يادهر ما تحمل خبر كاظـــــــــــــــــم حزنها
تتكَطـــــــــــــع بتوت الكَــلب وي چبد ابنها
ومن تسمـع بســم الغدر
ما يظل طـــــاري للصبر
ياشده يشكي وياعصر .. ضلع الزجيه
******
ياوالده التحمل خــــــــــــبر سته من الاولاد
بسم وذبح خلصو چــــــــتل واهموم الاصفاد
كل حين لنها بنايبــــــــــه والشده تــــــزداد
من البقيع لكربله لاحـــــــــــــــــــزان بغداد
لجروحك بجـــرح الاشد صـــــــــــــــــارت تعالج
واليوم جـــــرح ام الحــــــــــــــسن باب الحوائج
ياذنب مــــــنك ينغـــفر
دم ودمع نار ويــــــسر
ياشده يشكي وياعصر .. ضلع الزجيه
********
شتكَلها عن طول البعــــــد .. وتصبر العيون
تكَلها كضه عمره الولي يالبضـــعه مسجون
وشتعتذر ايا زمـــــــــــــــــــــــن لمن ينادون
هذي جنازه اعله الجــــــــــسر وين اليدفنون
تخبرها ردت كربله .. بجـــــــــــــــــــــــــثه سليبه
لو تحـــــــــــــــمل الدار الحــــــــــزن نار المصيبه
من يا مصـــــــايب تعتذر
بخدها يظل عذرك سطر
ياشده يشكي وياعصر .. ضلع الزجيه
********
سـچين ذنبك يادهـــــــــــــر ماخلت اعذار
وكلما تدكَ باب العـــــذر .. يطعـنها بسمار
هذا سليل المرتضـــــــــى والعتره الاطهار
غربه التحمله وتدفنــــــــــــه ياظلم الاقدار
كاظم الغيظ ولوعــــــــــــــــــــــته شلون وتظمها
وچفوفه مـن كَيد السجـــــــــــــــــــن تشكي المها
وشكواها احـر من الجمر
للبضعه كــــل حين اليمر
ياشده يشكي وياعصر .. ضلع الزچيه

بنت النبي اليلة اجت للكاظمية_زكي الياسري1435

يا شيعة يم جسر الألم نصبو العزيه
بنت النبي الليلــــه إجــت للكاظميـه
1
يا شيعة يم جســــر المواجع قيمو مأتم
مو فوگه گلـب المصطفـى انصاب وتألم
موسى ابن جعفـــــر ياخلگ چبده تِخذم
بسجن ابن شاهك بالظلـم غدروه بالسم

وانعاد في بغــداد يوم الغاضريه
بنت النبي الليلـه إجت للكاظميه

يا شيعة يم جسر الألم نصبو العزيه
بنت النبي الليلــــه إجــت للكاظميـه
2

يا شيعة مو طـال الصبر والچبــد مالوم
هليوم ميعاد الفـرج للوالـــــــــي هاليوم
سِئلوا المنادي شلخبـر وشجايب اعلوم؟
يا شيعة يم جسر الصبر شيِّعوا المسموم

بغداد ماجت بالدمــوع الهاشِميه
بنت النبي الليلـه إجت للكاظميه

يا شيعة يم جسر الألم نصبو العزيه
بنت النبي الليلــــه إجــت للكاظميـه
3
يا شيعة بدموع الشجن عزوها والنوح
هذي الحزينه فاطمــــه أم گلب مجروح
أولادها خلصـو چتــــــل ما بين مذبوح
ما بين مسموم وغريب وضامي مطروح

عزوها يا شيعتها بالدمعه السخيه
بنت النبي الليلـه إجت للكاظميه

يا شيعة يم جسر الألم نصبو العزيه
بنت النبي الليلــــه إجــت للكاظميـه
4
يا شيعة الكـــرار واسو اليــوم حيدر
البمصاب شبله الليلـــــه دلاَّله تِِفطر
وابصـــوت عالــــــي ردِدوا اللهُ أكبر
وي فاطمه البغداد هــاي الليله يحظر

عزوها وي حيدر علي بهاي المسيه
بنت النبي الليلـه إجت للكاظميه

يا شيعة يم جسر الألم نصبو العزيه
بنت النبي الليلــــه إجــت للكاظميـه
5
يا شيعة المختار هاي الدمعة من نور
بيها تِضوِّي فــــي أوان الموت لِگبور
دستور حُب المرتضى وأولاده دستور
مشهور خلوه الدمع لا يبقـــه مستور

خليعرف العالم عذابات الزچيه
بنت النبي الليلـه إجت للكاظميه

يا شيعة يم جسر الألم نصبو العزيه
بنت النبي الليلــــه إجــت للكاظميـه


زكي الياسري النجفي
21/05/2014

الأحد، 18 مايو 2014

اريدنكم تدفنوني_ كريم فيح1435

غـريبـه آنــي .... يَخــــوانــــي .... وأتـانـي أبلهفـه تلفـونــي
علـى طفـكــم .... أصــد ألـــكم .... أريـدنـــكم تــدفنـــونــــي
ـــــــــــــــــــ
لـفـانـي المـــوت بـالغـربــه * غــريبـه ودمعتـي أبعينــــي
عينـي أعلـه الـدرب تـربـي * وأصــد الطفـــك أحسينــــي
أﮔـولــن هسـه مــن ﮔبــرك * يخــويـــه أبلهفـــه تلفينـــــي
تجيب أجفـانـي يـالـوالــــي * وتـﭽــي يــا شمعــة أسنينــي
ردت منـــــك .... تجـي أبــونـك .... تغمـض بيـدك إعيــونــي
علـى طفـكــم .... أصــد ألـــكم .... أريـدنـــكم تــدفنـــونــــي
ـــــــــــــــــــ
أﮔــولــن هسـه أبــــو اليمــه * يجيـــب أويـــا ألـــي أولاده
يجــي أبعبــد الله و الأكبـــر * ويجيــب أبــأيــــده سَجـــاده
وتجـــي التشييعـــي زواره * عــــوام الـــنـــاس والســاده
وﮔبـل مـا تغمض إعيـونـي * يسوي أحضانه ألـي وسـاده
أحـــن ألــكــم .... وأنـــاديكــــم .... مــا ضنكــم نسيتــونـــي
علـى طفـكــم .... أصــد ألـــكم .... أريـدنـــكم تــدفنـــونــــي
ـــــــــــــــــــ
أتــانــي ودمعتــي أتــلالـــي * وأديــرن للنهــــر راســـــي
وأصيـح أبـدمعــة أحـزانــي * وينـــك خـــويـــه عبــاســي
وديعـــة حيـــدره عنــــــدك * أذكــرك خــويــه لـو نـاســي
ﭽـــان أحسـاســي تلفينــــي * وتــريــد أتخَيِّــب أحسـاســي
ردت مَــــــره .... تمــر مَــــره ....ألــي ولَتخيِّـب أظنـونــي
علـى طفـكــم .... أصــد ألـــكم .... أريـدنـــكم تــدفنـــونــــي
ـــــــــــــــــــ
أذا بـالطــف يَبَعـــد إهلـــي * عــذرتــك أدري بظــروفــك
عفتنـي وغَــربـــت عنـــي * عـــذرك ﭽـانــن أجفــوفــــك
وسهـــم الـنـايبــه الطفــــه * يَـــم العلــﮕـمــي شـــوفــــــك
يخـويـه اليـوم مـا عــذرك * تــريــد أعيــونــي أتشــوفــك
تغسلنـــــــــي .... وتـﭽفنـــــــي .... وتشـوف أبعينــك أمتـوني
علـى طفـكــم .... أصــد ألـــكم .... أريـدنـــكم تــدفنـــونــــي
ـــــــــــــــــــ
بــس وَدع أبــــوك ومــــات * يجــاســـم آنــــي رَبيتــــــك
وأبـد المـا قصـرت بـربـاك * يـــامــا ويـــامــا بــاريتـــك
أريــد ربــاي مـــن عنــدك * يَمــن أبــروحــي أشـريتــك
يَعمــه وتحضــر أبمـوتــي * وتجــي للشــام يـــا ريتــــك
تــــودعنـــــي .... وتشيعنــــــي .... أريــد أويَّ اليشيعــونـــي
علـى طفـكــم .... أصــد ألـــكم .... أريـدنـــكم تــدفنـــونــــي

كاصدة الزجية _ سامي الكعبي1435

كاصده الزجيه -- برض الكاظميه
يامسموم
بلسجن رهينه -- ينسمع ونينه
يامسموم
*******
من كصدت الزهره بدمع سجنك هضمها
يلكاظم اهمومك كثر يصعب نلمها
ابكل خطوه من نكل الجدم نتبع جدمها
ومن كل كتر ننحب نون واشكبره همها
منكسر ضلعهه -- حايره بوضعهه
يامسموم
امقيد وضحيه -- برض الكاظميه
يامسموم
*
ومن فتحت ابواب السجن تروي العجايب
اتكله ها يبني الصبر اتلكه المصايب
من قبلك الصادق جرع سم النوايب
ومن بعدك سموم الرضا بغربه وغرايب
تنعي اليامصيبه -- وجروحك غريبه
يامسموم
غدر الناصبيه -- برض الكاظميه
يامسموم
*
مسمع صداك بكل نبض يتنفس اشواك
قلب ارتهن صوب السجن مايحمل افراك
ظهر انحنه وضلع انكسر يلكاظم اوياك
تنسه المصايب فاطمه وماترضه تنساك
تتنفس عذابك -- تعتني المصابك
يامسموم
الراضيه ومرضيه -- برض الكاظميه
يامسموم
*
ياسابع اعلوم النبي وياطهر الانساب
نتسمه صرنه الرافضه يانور الاصلاب
ترفض جهلهم والظلم معروفه الاسباب
ماتنسه عصرة فاطمه ولاحرقة الباب
محترك دليلك -- باجر من يشيلك
يامسموم
علجسر رميه -- برض الكاظميه
يامسموم
*
ام الروافض تفتخر رغم اليشتمون
مواربعه الحملوا نعش خمسه اليحملون
جف انحجب عن البشر عن اليشيعون
بس الرضا ايشوف الجره بدمعات العيون
تتكاطر محنه -- يانسيم الجنه
يامسموم
فخر الرافضيه -- برض الكاظميه
يامسموم
*
صوت الحقيقه الناطقه وللدنيا منبع
اتنادي نعش الرافضه المدمع توزع
اه ياضلع واسي الجبد بلسم تكطع
علتين بجروح الدهر همهن تجمع
صبر العله يسعر -- ينهض ثوره يكبر
يامسموم
صوت الجعفريه -- برض الكاظميه
يامسموم
*
اخر نداء ام الحسن نعرف مصيره
اتصيح ها ياكربله اجروحج جبيره
ياموسه نعشك علجسر وبلا عشيره
الاصعب احسين انذبح بحر الظهيره
علرمل منامه -- موطن الامامه
يامسموم
جرح الغاضريه -- برض الكاظميه
يامسموم
****
رجب 1435
الحاج سامي الكعبي

نادت الزهرة الزجية_ كريم فليج1435


نـادت الـزهـره الـزﭽيـه والـﮕلب يلهـب جَمــر
منهـو بالله الهالجنـازه اليـوم ثـالـث عـالجســر
ـــــــــــــــــ
هـــذا كـاظمكـم يَشيعــه هـذا إبــن عقــد الـولـــه
ليـش محَـد شــال نعشــه او واسه بمصابه هَلـــه
عـالجسـر تابوتـه مرمي اليـوم ثـالـث صار إلـه
وينــه ليشيِّـع إمـامـه بنــوح وبلطـــم الصـــدر
ـــــــــــــــــ
مـﮕابلـه التابـوت وإبـﭽـي وإصـرخ آ يَمْصيبتـه
وينــه ليشيِّـع إمــامــه الـكاظـم إبصب دمعتـــه
بالسجـن خلـص حيـاتــه وﮔطـع السَـم ﭽَبـدتـــه
هـذا إمـام الـرافضيـه وكعبـة الهَـم والصبر
ـــــــــــــــــــ
ليـش يــا سَجـانـه ﮔلــي هــالحقـــد وتسممـــــه
مـاكسَـر ﮔلبـك يظالـم مـو بـﭽـت لجلــه السمـه
حيـن ذَب إمنـالحشـايـا ﭽبـدتـه وزاع الــدمـــه
مـا كفاك إبسجنه خَلَّـص هالـولـي كـل العمـر
ـــــــــــــــــــ
إنـﭽـان عنـدك بيهـا غـايـه عنـه تبعــد شيعتــه
ﮔـوم شـوف الشيعـه هسـه شلون بالهَـم شَيِّعتـه
تعتني المشايه تسعـي بلهفـه ﮔصدت حضرتـه
مـا يهمهـا الـناصبيه ولا غَــدر إهـل الغَـدر
ـــــــــــــــــــ
ﮔـوم شوف إشلون كلها بلهفـه وبحب ﮔصدتـه
ﮔوم شوف إشلون كلها إتطوف والله حضرتـه
بـالـذهَــب صاغــت إديهــم يـالمنافــق ﮔبتـــه
وينه هارونك هـذاكَ الطاغي ما ضله ذﭽـر
ـــــــــــــــــــ
ﮔـوم شوف الكظم غيضه شنهي إصبح منصبه
بـــاب للحـاجـات إصبـح مــا يـــرده اليطلبــــه
تحيط الإملاك إعلـه ﮔبـره وينـه ذاك الحاربـه
قطعـه مـن الجنـَّه ﮔبـر وبي تشم إحلى العطـر
ــــــــــــــــــــ
شـوف هالـﮕبه الشريفه الترتبط بـرض النجـف
والإثيـــر إيوصللـهـا بصـوت زواره الهتـــــف
آه يحســين ومِصابـه ودمـه لســه الـمـا نشـــف
يـا لـثـاراتـه إمنميــه وحرملـه ومـن الشمــــر

ذكري السجدات وذكريني _ كريم فليح 1435

ـا تـربــه إويـاﭺ آخــر يــوم *** بـاﭽـر راح إرحــل مسمــوم
مـــن إتحنيـــن إعلـــه جبينـــي
ذكــري السجــدات وذكـرينــي
ــــــــــــــــــــ
الصبـر مَــل منـي وإستسلملــي إبحـربــه
عَفـه إيـﮕول إعله موسى إشـﮕد حمَل ﮔلبه
حمَـل كــل هـالسجــن وتحمــل الغـربـــه
وهـــاي آخــر صـلاتـي ويـاﭺ يـالتـربــه
راح إرحـــل عنــﭻ مظلـــوم *** وإتـرك يَمــﭻ عُمــر همــوم
هـاي آخــر جمعــه إتشوفينــي
ذكــري السجــدات وذكـرينــي
ــــــــــــــــــــ
راح إتجـــرع السَـــــم ﮔــــوه وآلامـــه
وراح إتــرك إلـــﭻ للـذكـرى لعمـامـــه
للكــاظــم إذا حَنِّيتــــي وإيــــامـــــــــه
إذكـري كــل صـلاتـه ويـاﭺ وصيامــه
ذكـري همومي وكـل بلـواي *** وعمـــر الخلصتـي ويــــاي
وبجبينــي إشــﮕـــد قبَّلتينــــــي
ذكــري السجــدات وذكـرينــي
ــــــــــــــــــــ
بـاﭽــر راح إذب مـن الحشـه ﭽَبــدي
بـاﭽــر راح إوَســد عـالتـرب خـــدي
بـاﭽــر بـالمنيــه إلتقـــي إبــوعــــدي
بـاﭽــر إلحـﮓ الـهـادي النبـي جَـدي
راح إتــرك هــاي القضبـان *** وسجني وسطوت هالسجان
ومـن إرحـل وتغمـض عينــــي
ذكــري السجــدات وذكـرينــي
ــــــــــــــــــــ
بـاﭽــر جسمــي بجنــــازه يخلـونــه
بـاﭽــر عـالجسـر نعشـي يطرحونـه
ثلــث تيــام يبـﮕـه ومــا يشيلــونــــه
ممنــوع إعلــه شيعتنــه يِّشيعـونـــه
وبـﮕلبـه الشيعــي الـمالـوم *** يجري إعليه الدمع إدمـوم
بسجـن وﮔيـد إﮔضـت إسنينــي
ذكــري السجــدات وذكـرينــي
ــــــــــــــــــــ
يا تربت صلاتي اَحـﭽـي بـﮕلب مَدمـي
شـكراً ﭽـي حملتـي ويــاي كــل هَمـي
إحـس السَـم سـره يـا تـربتــي إبـدَمـي
وﮔطـَّع ﭽبـدتــي وكــل الحشـا سَمـــي
فَضَّـت عشـرتنـه ومَتـــدوم ***مكتـوب المـوت ومحتـــوم
إتــإلــم مـــــن إتــــودعينــــــي
ذكــري السجــدات وذكـرينــي

هاليوم هاليوم نعزي حيدرة_ ابو علي السعيدي1435

هاليوم هاليوم نعزي حيدره.. هاليوم هاليوم ننعه الطاهره

هاليوم هاليوم حيدر منفجع.. هاليوم هاليوم مهشوم الظلع
هاليوم هاليوم كلبه منشلع.. هاليوم هاليوم داره مكدره
*********
هاليوم هاليوم حزنانه السمه.. هاليوم هاليوم تصرخ فاطمه
هاليوم هاليوم حماي الحمه.. هاليوم هاليوم لازم ننصره
**********
هاليوم هاليوم الحره نادته.. هاليوم هاليوم حيدر رادته
هاليوم هاليوم يعلك رايته.. هاليوم هاليوم كسرج نجبره
*********
هاليوم هاليوم كسرج ينجبر.. هاليوم هاليوم ماعنده صبر
هاليوم هاليوم ماكو كل عذر.. هاليوم هاليوم احساب الكفره
**********
هاليوم هاليوم تسمعني المله.. هاليوم هاليوم حيدر كل هله
هاليوم هاليوم تبجي العايله.. هاليوم هاليوم ننعه الصابره
**********
هاليوم هاليوم الدنيه مظلمه.. هاليوم هاليوم نزلت هالدمه
هاليوم هاليوم ظلعج فاطمه.. هاليوم هاليوم يدري المادره
***********
هاليوم هاليوم حل بينه الحزن.. هاليوم هاليوم حيدر ظل يون
هاليوم هاليوم عيونه ينعمن.. هاليوم هاليوم حيدر نعذره
************
هاليوم هاليوم حزنان الرسول.. هاليوم هاليوم مهمومه البتول
هاليوم هاليوم تعرفنه شنكول.. هاليوم هاليوم تب الغدره
***********
خادم اهل البيت
ابو علي السعيدي

شيعوهم يشيعة شيعوهم _ابو علي السعيدي1435

شيعوهم يشيعه شيعوهم..احملوهم يشيعه احملوهم
شيعو موسى الكظيم..مات مسموم العظيم
سمموهم يشيعه سمموهم
________________
اليوم مهمومه الزجيه..تنادي من ارض البقيع
يلا ياشيعه ننادي.. شيعو موسى الصريع
عالجسر نعشك نتاني..يسدي هل الامر المريع
ولد هارون وزمرته..ارتكبو الامر الفجيع
سممو نسل الكرام..هذي افعال اللئام
جفنوهم يشيعه جفنوهم
____________
الامر لاتظن هين..والمصاب اعظم مصاب
سممو جبدت الكاظم..جان معروف الخطاب
ناس ذوله اهل الظلاله..مايعروفنه الصواب
خل تسمع كل ولدهم..احنه انسمع الجواب
الفرق بين الحسين..وبين ذاك ابن اللعين
حاربوهم يشيعه حاربوهم

______________
بالسجن كظيت عمرك..راكع وساجد تكوم
والوسيله اللي اعتمده..كام كل عمر يصوم
التزم ركن العباده..يناجي الحي القيوم
يدري وعارف بحتفه..ويدري يعطونه السمموم
كظه حفنه من السنين..ماغمظ عن دينه عين
بلغوهم يشيعه بلغوهم

______________
وكفت الانصار تربي..تنتظر صوب الجسر
والوعد من الامامه..جان موعده الظهر
مادرو غدر الظلاله..وهاي اساليب الكفر
سمو الكاظم امامي..يحسب الظالم نصر
مادره تزول الدنيه..ذوله زلم الناصبيه
حاسبوهم يشيعه حاسبوهم

______________
من جرح موسى امامي..اردن اروح للطفوف
جبدة حسين اللي ظامي..وعين عباس وجفوف
والعليل وسبي زينب..والنسه ورهبت الخوف
والعطش فتت جبدهه..الوان واشكال التشوف
من الشمر وابن الدعيه..ذوله ساس الجاهليه
ارجموهم يشيعه ارجموهم

________________
سيدي زينب تنادي..يمته ينسل الحسام
اليوم مهمومه وحزينه..تحيط بالكبر اللئام
استمع شيعي ندائي..واستمع مني الكلام
ياضريح الحره زينب..اصبحت ارض الحرام
شلون ارضاهه عليه..تروح زينبنه سبيه
قاتلوهم يشيعه قاتلوهم

________________
خادم اهل البيت
ابو علي السعيدي

هذا ابن الزجيه_ابو علي السعيدي1435


يهل الكاظميه..جيت بهالمسيه
نشيعه الجان مسجون..وعليه انهل العيون
هذا ابن الزجيه
_______________
أجينه انعزي خل نلطم بأادينه
نصيح بصوت يالزهره الحزينه
نشيعه اليوم هل جينه ولينه
البحر والجود انتم والسفينه
خل الشيعه يبجون..وعليه بحركه الجفون
شاهد هالعليه
__________________
تشوفه الزهره كلمن حضر اليوم
يصيح بصوت جيتك انه مهموم
تعزي الحجه عالمسجون مظلوم
تمشي عالرجل حزنانه هالكوم
هاي الشيعه يمشون..ولعد كبرك يلطمون
اسمع دك اديه
_____________
اسمع صوت يالطم المصيبه
تنادي الحره بالشام الغريبه
ابوفاضل يشيعه منين اجيبه
الاشد واعظم عليه والعجيبه
عليه حدو اسنون..ولكبري يهدمون
ذوله الناصبيه
_________________
خلي تستمع زينب ندائي
من الكاظم اعلنت انه ولائي
الكم اعلنت روحي فدائي
جلباب الحرب البس ردائي
البس وانه ممنون..وخل الكل يلبسون
نحارب ال اميه
_______________
نحارب هالكفر وانصاب الارجاس
ونتوحد عليهم كلنه لاباس
وي حيدر علي والبطل عباس
لواء الفضل خل ايصير اسداس
علينه شما يجمعون..اهل الفتن يريدون
ذل الهاشميه
____________________
جيش الحر يجيش الموش احرار
نحذر كم بلسنه وهذا انذار
ولو ردنه نسوي الصار ماصار
وشحده الوصل يم عتبة الدار
وحك المات مسجون..نزحف احنه من دون
نشوفه المنيه
___________________
خادم اهل البيت
ابو علي السعيدي

اجتكم هالملايين _ ابو علي السعيدي1435


اجتكم هل الملايين.. حزينه وتهمل العين
حزينه الكاظميه.. وي كلب الزجيه
تصيح بصوت يحسين 
_______________

عليكم نشدت الناس..ومنه الدمع بحساس..يوم الدكت اجراس
صاحت صوت مسموم..هذا المات مظلوم
صاحت هيه صوتين
______________

يوم عالجسر صار..حملو نعشه الاشرار..التمت بيهه الاحرار
عليه الشعيه اتنوح..مثل جده المذبوح
نادت يامحبين
__________________
نادت راعي الدار..وينه حامي الجار..وين البيه الاسرار
كوم افزع يغايب..ادبنه النواصب
نادت هل الموالين
___________________
شفت يوم المنيه..من ذيج المسيه..تصيح الكاظميه
تصيح بدمع المصاب..عل الخدين سجاب
تصيح بصوت يحسين
__________________
نعشك عالجسر طاف..حملوه عل الاجتاف..صاحت صوت الاشراف
مهمومه من الاحزان..صاحت وي الاذان
هذا ابن الميامين
______________________
اليوم الكلب مالوم..وجثير محمل هموم..يصيح بصوت مسموم
راهب بني هاشم..هذا امامي الكاظم
انسجن اسنين واسنين
__________________
حزنه ويانه بغداد..هذا اليوم ينعاد..عليكم علنت حداد
حزنه بهل المسيه..عل امام الجعفريه
حزنه اليوم حزنين
__________________
خادم اهل البيت
ابو علي السعيدي

السبت، 17 مايو 2014

بغربة وصحت_ ملا عمار الكناني 1435

بغربة وصحت صوت ريحني  ياموت كافي قهر 
كتلتني الهموم وبعيني مرسوم قطع النحر
_____________
شكد نخيتك وانت ما تسمع نخوتي 
بكربلا تمنيت تلفيني وية خوتي
ردتك بيوم انسمع عالناكة صوتي
قبل ما شوف الشمر ردتك يموتي
ما عندي وليان وبخيامي نيران وين المفر
كتلتني الهموم وبعيني مرسوم قطع النحر
____________
انا يموتي تولاها دهرها
الرادت وية حسين يتهشم ضلعها
انا ذيج العالنهر كسروا ظهرها
والسطر عين امها يوم الطف سطرها
شاط القلب شاط من ضرب السياط ظهري انكسر
كتلتني الهموم وبعيني مرسوم قطع النحر
____________
اه يا يوم الخرابة شسوة بيه
لا سقف والشمس فوك الفاطميه
بيها راحت اغلى طفلة من ادية
والله ردت الموت وي موتت رقية
شينيم العين واطفال الحسين بين الخطر
كتلتني الهموم وبعيني مرسوم قطع النحر
___________________
اهلي مشتاقين اليه عندي احساس
ارحمني يا هالموت واخمد مني الانفاس
من كثر شوقي لخوتي شيب الراس
ساعه اندب يا حسين وساعة عباس
ارحمي يا بين وديني لحسين قلبي انفطر
كتلتني الهموم وبعيني مرسوم قطع النحر
______________
انتهى






ضيفك يا حيدر _ملا باسم الكربلائي1435

ضيفك يحيدر هالمسا ام المصيبة          عاشت غريبة يا علي وماتت غريبة
وسياط المتن               تشرح يا حزن
_____________________
يالتراب دفنت احباب الي وظلت صورهم     بالعيون اموت ويلهج لساني بذكرهم
والدموع صدك تحله المدامع يم كبرهم      لونهم يرجعون واراويهم كسرهم 
يا قلبي نوح لزينب واذكر بجيهه          رادت تموت وية الاخو بس مو بيديهه
يا قلب اليحن     تشرح يا حزن 
____________________
يقلبي دكول وداعة الله على الجفوني       يروحون ولا مرة يذكروني ويجوني 
مسافات وانا دمعة بدربهم ضيعوني        تمنيت اموت وما اقولن فارقوني
يالله يروحي لبت علي نحضر دفنهه       انا ادري يحضرهه علي وينظر حزن
ودموع الحزن      تشرح يا حزن 
____________________
غريبة جنازتهه ولا واحد وصلها    يحيدرعجيبة تأخر عليها الكفلها 
يعباس اذا رايد تجيها وتحضرلها     اويلاه صعوبة بلاية جفين تحملها
رادت تجيهه بهالوكت وتشوفك الناس    وعلى الخلايق تفتخر العدها عباس
لحظات الدفن     تشرح يا حزن 
__________________
يحيدر اجتك زينب وانظر دمعها    دعاين متنها واذكر البضعه وضلعها
تخبرك يحيدر يا مصاب الي فجعها    بالطفوف تخبرك من شتم امها ودفعها
يابوالحمية بغيبتك بالطف ولوها    صاحوا اهضموا ام الخدر قدام اخوها 
والظلت تون    تشرح يا حزن
___________________
على النوك اجة وكت الصلاة وحان وكته    بلا ماي عليل حسين بوية احتار شفته
قلتله تيمم فوك راسي بس جرحته     تيمم لجن مثل الجمر نزلت دمعته
من الجدام لهامتي غطاني التراب    يابوية تذبح مهجتي ضحكات الاجناب
روحي التنتحب   تشرح يا حزن 
_________________
يبوية اذا تسأل على جروح البدية    يضربون بلا رحمة واشاكف عن رقية
والايتام يحيدر كلهم يلوذون بيه      واحامي بجميع سيافهم  نزلت عليه
مرات احس بسياطهم تكسرلي العظام    بس الاشد نظراتهم ترميني بسهام
نظرات الضغن   تشرح يا حزن 
________________
يبوية حوافر خيلهم تنشاف حمرة       دمه حسين صبغهن من يسحكن فوق صدرة 
تعنيت لقيته موذر ومقطوع نحرة    اعدهن اصابع تسعه عنده وهنه عشره 
من دم وريدة الي جره وجهي صبغته   زينب احضري عيلتي صوته سمعته
ياليل التجي   تشرح يا حزن 
________________
صلاتي يبوية من جلوس ودمعي يجري    ولا ظل بعد لا حيل بيه وانت تدري
كفيلي كسر ظهري يبوية وشوف ظهري    الشمر ليش كطع نحر الحسين وعاف نحري
سيف الذبح نحر اخوتي بس ما ذبحني     والي شتمني قبالهم اكثر جرحني
من يفزع تظن   تشرح يا حزن
______________________
للاستماع اضغط هنا






الخميس، 15 مايو 2014

نعي استشهاد السيدة زينب في ليلة استشهادها- سيد محمد الصافي 1435

يا حيف الدهر خواني بعدهم
واطوفن من بلد لاخر بعدهم
هاي هموم اريد اشكي وبعد هم
المتن والسوط ظل مطبوع بيه
______________
يزينب وين تالي الدهر داراج
بكت موحشة ومظلمة داراج
عكب عباس منهو الاجة داراج
جنتي مدلله وصرتي سبية
_____________
شكثر شافت هظم زينب ولاجت
ومثلها ما انسبت حرمة ولاجت
ميته تصيح يوم الطف ولاجت
ولا اسمع صريخ الغاضرية
_____________
https://www.youtube.com/watch?v=84UU5RpDQzg

اخت العباس مظلومة_علي باشا 1433

إخـت الـعـبـاس ...مـظـلـومـه إخت العباس
مـاتـت  يـا نـاس ...مـهـضـومه إخت العباس
زيـنـب مـن أمها ...ورثت هضمها ...إخت العباس

يـا روح الـمـثـل زيـنـب ضـيم و نايبه شافت
مـثـل  زيـنب جذب هيهات إخت لو والدها ناحت
وسـادتـهـا الـحزن و الهم و على حزن الخلق فاقت
الـزمـن مـا يـوم فـرحـها من إنولدت لَمن ماتت
جـرح الأيـام ...ظـل يـلـهـب جـرح الأيـام
يــنـزف آلالام ...مـن زيـنـب جـرح الأيـام
مــحــنــت ألـمـهـا ...ورثـت ألـمـهـا
زيـنـب مـن أمها ...ورثت هضمها ...إخت العباس

الـوادم تـتـضـرب الأمثال إبحزن يعقوب و الخمسه
و  لـو حـي الـنـبـي يـعقوب جان إبزينب إتأسه
واحـد  فـاجـد  و زيـنـب لا واحـد و لا خمسه
جـم  يـوسـف نـطت زينب و بالطف غربت شمسه
إبـدم الـشـبـان ...و إخـوتـهـا إلـدم الشبان
سـجـلـت عـنـوان ...مـحـنـتها إبدم الشبان
إبــهـمـهـم و هـمـهـا ...ورثـت ألـمـهـا
زيـنـب مـن أمها ...ورثت هضمها ...إخت العباس

إبـتـدت مـحـنتها يوم الغاب جدها المصطفه المختار
و بـعـد فـقـد النبي شافت إبداره إشلون شبت نار
و  شـافـت أمـها خلف الباب ضلعها صوبه المسمار
و أخـوه الـمـحـسن إتشوفه من إتنقطر إبباب الدار
إمـصـايـب و إهـمـوم ...ورثتها إمصايب و إهموم
مـن ذاك الـيـوم ... شـافـتـها إمصايب و إهموم
عــنــدك عـلـمـهـا ...ورثـت ألـمـهـا
زيـنـب مـن أمها ...ورثت هضمها ...إخت العباس

و  عـوضـهـا فـقـد أمـهـا علي الكرار والدها
إبـحـنـانـه  ضـمها و بعطفه و كل أمنيته يسعدها
و  زيـنـب  مـن بـعـد فـتره أماني إهوايه تفقدها
فـجـعـهـا  الـدهر بالكرار و عليها أحزانه جددها
فـقـد  الـكـرار ... فـقـد أمـهـا فقد الكرار
و  غـدر الأشـرار ... يـتـمـهـا فـقـد الكرار
إبــغـدرة خـصـمـهـا ...ورثـت ألـمـهـا
زيـنـب مـن أمها ...ورثت هضمها ...إخت العباس

بـعـد  حـيـدر أبـو الأيـتام راواها الدهر طشتين
طشت بيه جبد أبو محمد و طشت بيه راس أخوها حسين
مـحـنـه مـن بـعـد مـحنه تنطي الوجه زينب وين
فـقـدت  كـل أهـالـيـهـا و المن جا تدير العين
عـالـشـاطي  إتشوف  ... حاميها عالشاطي إتشوف
مـن غـيـر إجـفـوف ... واليها عالشاطي إتشوف
إبــحـرقـه تـشـمـهـا ...ورثـت ألـمـهـا
زيـنـب مـن أمها ...ورثت هضمها ...إخت العباس

الـمـصـايـب كـلها ورثتها من أمها فاطمه الزهره
و  غـدت زيـنـب تـقـابلها إبحلم المرتضه و صبره
و الـبـت زادت إعـلـه أمـها و فاقتها إبمحن كثره
عـاشـت ويـلـي مـظـلومه و ماتت تالي بالحسره
عـاشـت  لـوعـات ... غـربـتها عاشت لوعات
إجـفـوف  الـحسرات ... دفنتها إجفوف الحسرات
خـلـدت إسـمـها ...ورثت ألمها إجفوف الحسرات
زيـنـب مـن أمها ...ورثت هضمها ...إخت العباس

هـذي زيـنـب الـكـبـره و هذي إهمومها يا ناس
رغـم الـهـضـم من العدوان ما ذلت و دنقت راس
عـلـه  إفـراش الأجل و إتصيح وين حسين و العباس
جـفـنـها  طبقته إعله الضيم و خمدت زينب الأنفاس
إمـصـابـج  بـالـروح ...يا زينب إمصابج بالروح
خـلانـه إنـوح ...يـا زيـنـب إمـصابج بالروح
إبــرمـيـة سـهـمـهـا ...ورثـت ألـمـهـا
زيـنـب مـن أمها ...ورثت هضمها ...إخت العباس

السبت، 10 مايو 2014

ظلمة الليلة دنيانه _عمار العيساوي1435

نـظـام الـكــون يـتـكَــدر لمصيبة موسى ابن جعفر
والنجـمات حزنانه ظلمه الليله دنيانه
--------------------------------------------------------------
مصـيـوبه الليله الـدنيه وتبجيله ومنها الدمعات اتسيل ادموم
والـكـون اتكَـدر والـفلك تـغــيـر بـمــصاب الكـاظم هذاالـيوم
جمرات امصابه تـســعـر لهابـه والشـيـعـه تـنـادي يـامظلوم
تبجي بعـبــرتها تـسـفـح دمعتها بـلـجـن تبـرد نــارالمسموم
بسجن الطاغيه اتغـرب بـالسم جـبـده يـتـصوب
اتظل ملتهبه نيرانه ظلمه الليله دنيانه
--------------------------------------------------------------
لمـن طـارشـــهـم صاح وبـشـرهـم ياشـيـعه الكاظم رد اردود
مـــن بـعـد غـيـابه عــاود لاحـبـابـه وموعدهم عالجسر المشهود
وبــيوم الجـمـعـه مـنـتظـره الطلعه الشيعه وتتأمل موسى ايعود
الطاغي بسلطانه ارسل جـثـمـانـه مسموم ومـتـكَـيـد بـكَـيـود
وحـراس اربعـه تـشيـله صوت الـنـاعي رتـيــله
موسى هذا جـثـمانه ظلمه الليله دنيانه
--------------------------------------------------------------
الشيعه اينظرونـه مـتغـيــر لـونــــه مـن الـســم الصاب الدلال
والصابوا جـسـمـه ماعـدهـم رحمه مـيـت ومكَـيـد بالسلـسال
ومن شاف المنظـر الدكـتـور اتحير بالكاظم ظل مشدوه البال
صـبّـت دمـعـــاتـه صاح ابـعـبـراته كـلـش قاسـي وياه الجتال
الكل واحد غده اينشده عشيره موسى ماعنده
يجون الدفنه ويانه ظلمه الليله دنيانه
--------------------------------------------------------------
لــمّـــن يـتـشـيّـــع والـــوادم تـسـمـع كل ذره تنادي بهذا الكون
فـراكك مـاذيـنــــه شلون اتـــخـلـيــنه ياموسى امصابك لاميهون
يـا بـاب الحـاجــــه الـنـاس المـحتاجه من بعدك المن يـلتجأون
مــن تكَصدك بابك تـسـمـع بـغـيـابـك ويه الدمعات اتصب اعيون
فــراكــك حـيـل مــاذيـهـا مـاتــسـمـع يـوالـيـهــــا
كـلهـا اتـصيح مولانه ظلمه الليله دنيانه
--------------------------------------------------------------
هالكون اباسره يتجاره العبره وبمصاب الكاظم كلها تصيح
ارض اويه سمانه امست حزنانه ونـاحـت لمصابك حته الريح
وتـنّـصـب مأتـم بي ناحت مريم والزهــره امك دمعتها تسيح
حـــيـدربـآهـاته يسجب عبراته مثل الجمره اعله الوجنه اتطيح
الزهـره فـاطـمـه وحـيـدر حظروا موسى ابن جعفر
والباري رفع شانه ظلمه الليله دنيانه
--------------------------------------------------------------

خادم الحسين عليه السلام عمارالعيساوي

تلكوا ابن الزجية_عمار العيساوي1435

طارش من سجن موسى اجه ويحمل بشاره
الجمعه الكاظم ايعاود عكَب طــول انتظاره
ومضمون الوصيه تلكَوا ابن الزجيه
---------------------------------------------------
طارش من سجن موسى اجه وبشّر
يا شيعه بـعـد مــا حــاجـه نـتــنـطر
خبر عندي اليسمعه يفرح وينـسـر
الجمعه الملتقى وي موسى ابن جعفر
ومضمون الخبر عكس الخبر هذا اليذيعه 
مضمون الخبر جثه يرد شبل الوديعه
بحجور المنيه تلكَوا ابن الزجيه
---------------------------------------------------
طلعت شيعته اتاني عله المــوعـد
كلهم عين وحده وعالطريق اتصد
كل ظنهم عليهم موسى راح ايرد
ما يدرون اجــه ابتابوت متوســد
شافوا كَبلت اجنازه ونعه ناعي المنيه 
هذا البالنعش موسى امام الرافضيه
مات ابهالمسيه تلكَوا ابن الزجيه
---------------------------------------------------
على جسر الحزن خلوا نعش موسى
والشيعه اجته ابحسره ملموسه
هذا ايشبكَه ذاك ايشمه ويبوسه
وطبيب الشافه كَال الحاله ميؤسه
كَلهم سمموا جبده وسره السم ابدليله 
مات الكاظم وما ظل بعد باليد حيله
ما ظل شي بديه تلكَوا ابن الزجيه
---------------------------------------------------
طبيبه شخّص الحاله ويهل دمعه
كَلهـم جـبـدتــه بـسـمــوم متكَطعه
وين اهله وبنينه خل تجي اتودعه
ما عنده عشيره وتحضر اتشيعه
كَلهم موسى متعذب والاثار اشكثرها 
بآثار الحديد اثبت يشيعه الكم عمرها
بآثار الاذيه تلكَوا ابن الزجيه
---------------------------------------------------
ترك طوكَ الحديد آثاره ابجسمه
وتأثر هالجسم من كثرة الظلمه
صار سنين ثغره امفاركَ البسمه
ولا واحد يزوره ومحـد ايكلمه
ابزنزانه كَضه اسنين العمر محد يزوره 
ظلمه وتنجلي هالظلمه من يتلاله نوره
بانواره الضويه تلكَوا ابن الزجيه
---------------------------------------------------
اثـــار العبـــاده ابوجها يالسامــع
خلّص عمره موسى ساجد وراكع
لبــدور الامـامـه هالبـــدر سـابــع
وباهل العصمه موسى يصبح التاسع
امن اهل بيت النبي والهم نعرف القتل عاده
مسموم ابسجن والليله سجدتله الشهاده
سجدتله المنيه تلكوا ابن الزجيه
------------------------------------------------------
عمار العيساوي