يتيم الليله مهدينه_كرار حسين الكربلائي

مصيبتنه التبجينه
يتيم الليله مهدينه

النحيب معاشر انفـاسه
يتيم وجمره بحســـاسه
منو اليمسح على راسه
يــــــنوح ونوحه يآذينه

دْموعــه لغربته ترسم
جرح ظل بجرح يلجم
يظل كــل عمره متيتم
بمناحه تـــخلص سنينه

هليله المحـــــــن تبدي
وبروحه الحزن يحـدي
بونينك ساعد الـــمهدي
بدمعة حزنــــــك تعينه

الله بحالتــــه يعـــــــلم
جتلو والده بـــــالـــسم
صلّه اعله الابو وسلّم
بســـــامره غفت عينه



صاح بدمعه سجابه
امـــودع بالله يا يابه
ابنــــــك يعلن غيابه
وهالغيبه التــــــأذينه

غاب ودمعته تجري
يرجع يمته ما ندري
وينك يابعد عمــري
يمته اتعاود عــــلينه


يمته يسطـع بنـــوره
وبيده الرايه منشوره
الهي ايعــجّل اظهوره
انلاكيه ويلاكينـــــــه

خادم الامام الحجه 
(عجل الله فرجه الشريف)
كرار حسين الكربلائي

مأجور يا مهدينة _كريم فليح

بلـوعـه وحـزن نـادينــه * مـاجـــور يـا مهــدينـــه

ــــــــــــــــــــــــــ

بمصيبــة المـولا الحســن * والدمعـه لمغــرﮔـه الجفـن

نـــادينـــا بــآلام وحــــزن * ســــم ﭽبــدتــك مـاذينـــه

مـاجـــور يـا مهــدينـــه

ـــــــــــــــــــــ

دمعة محب تجـري دمـه * عـالـﭽَبـدِتـه المتسممــــه

وتنـــادي إمـلاك السمــه * آ يــالـرزيــه البينــــــــه

مـاجـــور يـا مهــدينـــه

ــــــــــــــــــــ

حــزن المـوالـي إبـــدي * والنـوح يبـﮔـه سَــرمـدي

بهـل نـايبـه ياسَيِّــــــدي * لمصــاب عَــز إعلينـــــه

مـاجـــور يـا مهــدينـــه

ــــــــــــــــــــ

إهـل الظـلالـه غِـدرتـه * يا شيعـه ﮔـَطعوا ﭽبـدتــه

صحنه ويَّ وَنـّته ولوعته * كــونــه مصـابــك بينـــه

مـاجـــور يـا مهــدينـــه

ــــــــــــــــــــ

الله يعينــك عـالجــــره * مـن شفت إبوك إعله الثره

مَـرمي وﭽَبدته مـوذره * والبيـــن غـَمـض عينـــــه

مـاجـــور يـا مهــدينـــه

ـــــــــــــــــ

الله يعينـك عالصبـر * حيـن إلـي نـَزَلتــه الـﮔبر

نـار بدليلك تستعـــر * آ يــالـدهـر وسنينــــــــه

مـاجـــور يـا مهــدينـــه

ــــــــــــــــــ

الله يعينـك يـالــولـــي * حـاضر وغـايـب مبتلـي

يمتـه همـومـك تنجلي * وتــرد مَجــد مـاضينـــه

مـاجـــور يـا مهــدينـــه

ــــــــــــــــــ

يمتـه ترفرف رايتـك * يمتــه تـعـزنــه بـدولـتـك

ثارات إلك منتظرتك * ﮔـوم إلــهــا يــا والينـــه

مـاجـــور يـا مهــدينـــه

ـــــــــــــــــ

ﭽا يمته سيفــك تِبرِّده * يالمهـدي برﮔـاب العـده

راس المنافق تحصده * ومنــالعـــــده تحميــــــه

مـاجـــور يـا مهــدينـــه

واويلاه يمظلوم_كريم فليح

اليوم ويَّ المهـدي ننصب هالعزاء * والمُعـزى الـهـادي خيـر الإنبيـــاء

وا ويــلا يمظلــوم * وا ويــلا يمسمـوم

ــــــــــــــــــــ

اليوم يـــوم النايبه ويوم الحــداد * اليـوم ديـن الله تـُـوَشـح بالســـواد

اليـوم يـوم إسود على كل العباد * اليوم نـاحت عالحسن سبع الشداد

اليـوم حتـى الإرض ناحت والسمـاء

والمُعــزى الـهـادي خيـــر الإنبيـــاء

وا ويــلا يمظلــوم * وا ويــلا يمسمـوم

ــــــــــــــــــــ

اليوم مدمعنه على الخد إنفجـر * اليوم بينا شلعب يا شيعـه الـدهــر

اليـوم سَمـوا والـدك يـالمنتظـر * اليوم ﮔـَطعوا جبدته بسـم الغـــدر

اليـوم مـدمعنــا نــزف لجلــــه دمــاء

والمُعــزى الـهـادي خيـــر الإنبيـــاء

وا ويــلا يمظلــوم * وا ويــلا يمسمـوم

ــــــــــــــــــــ

اليوم بالمدمع نواسي فاطمـــه * والـولـي الـكرار حمـاي الحمـه

اليوم دين الله ينـوح وقائمــــه * مظلمـه سامرا صارت مظلمــه

طـَفَـوا إنـوار الإمـامـه إهــل البغــاء

والمُعــزى الـهـادي خيـــر الإنبيـــاء

وا ويــلا يمظلــوم * وا ويــلا يمسمـوم

ــــــــــــــــــــ

اليوم نلطم عالصدور وما نهيد * اليـوم يتجـدد مُصابـك يـا شهيـد

يامَن علـيـك الإلـم كلش شـديـد * ريتنـا فـدينـاك بـدمـوم الـوريــد

يـــا رَزيِّتنـــا وإلــم هـــذا البــــــلاء

والمُعــزى الـهـادي خيـــر الإنبيـــاء

وا ويــلا يمظلــوم * وا ويــلا يمسمـوم

ــــــــــــــــــــ

اليوم كل دمعه تنادي بهالمصاب * هالله يا المهدي تـره طـال الغياب

شيـب تتنطـر طلعتــك والشبـاب * لشوكت هالسيف متوسد الـكراب

ننتظـــــر ثـــارات دم الإولــــيــــاء

والمُعــزى الـهـادي خيـــر الإنبيـــاء

وا ويــلا يمظلــوم * وا ويــلا يمسمـوم

ــــــــــــــــــــ

ننتظر يالمهـدي وبدمع إيهمـل * تظهـر وتمليهـا بس قسط وعدل

وبـدولتـك سيـدي تلـم الشمــل * كافـي تفخيـخ وذبـح كافـي قتـل

بينــا مــا رحمـوا إبــد هــالإدعيـــاء

والمُعــزى الـهـادي خيـــر الإنبيـــاء

وا ويــلا يمظلــوم * وا ويــلا يمسمـوم

اويلاه يالعسكري_ابو لقاء البهادلي

اويلاه يالعسكــــــري

*****

جيناك نرفـــــع رايتك

واجب علينه زيارتـك

للدوم تبقه محبتـــــك

تزهي بكياني ومظهري

*******

عالگُبه حزنانه السمه

والملك عزه فاطمـــــه

ويواسي حماي الحمــه

والآه بيه تسري سري

******

گُبه وضريح اتفجـــــــرن

والعرش لمصابك حـــــزن

بگلوبنه نبني الصحـــــــن

لجلك اضحي بمنحــــــــــري

******

جيتك حزين بدمعتـــــــــــــي

بالگلب تلهب ونتــــــــــــــــي

عالگُبه طالت حسرتــــــــــــي

مرسومه تبقه بناظـــــــــــــري

*****

اتعنينه يبن المصطفـــــــــــه

ارواحنه متلهفــــــــــــــــــــه

انت اللي بينه تعرفــــــــــــــه

حبكم سلوتي ومفخـــــــــــري

******

انتم طريقـــي ومذهبـــــــــي

نرجه الشفاعه من النبـــــــي

حبكم مرادي ومطلبـــــــــــــي

اولي هو واخـــــــــــــــــــــري

*******

ننتظر جيــة المنتظـــــــــــــــــــــر

ندريه ويانـــــــه حضــــــــــــــــــر

حبك يبن خيــــــر البشـــــــــــــــــر

بدمانـــــه ظلل يجري جــــــــــــــري

*************

ميهمنه هالـــدم لو نـــــــــــــــــزف

بالتضحيــــه الشيـــعي انعــــــــرف

والغيره والعـــز والشــــــــــــــــرف

صارن طبــــــــع للجعفــــــــــــــــــري

*******

رغم اللي صـــــار ومــــــا جـــــــــــره

هذا النهـــج منغيـــــــــــــــــــــــــــــــره

خلي الـــــدره والمـــــــــــــــــــــــادره

هالصوت يبقــــــــــه جوهــــــــــــري

*************

ماننســــــــــــــــه والله مصيبتـــك

من فجـــــــــــــــــروهه الگُبتـــــــك

تشكي بهضـــــــــــــــــــمهه غربتك

بالثـــــــــــــــــــــار يهتــــف منبـــري

بالحسن فجعوها_جابر النجفي

فاطمه واسوها === بالحسن فجعوها

ــــــــــــــــــــــــــــــــــــــــــــ

فاطمه إبسامرّه ياشيعة علي إو مهضومه

يالحسن يوليدي نادت ريتني المسمومه

يـَلــّه ويـّاها إو تــَحـَدّوا الناصبي إو كــُل گومه

وإبأرض سامرّه حـِلــّوا إو شاركوا المهمومه

والمـُصيبه إحيوها === بالحسن فجعوها

ــــــــ

والعزاء اليوم للمهدي عليكم واجب

لازم إتغيضون كل كافر وهابي إو ناصب

لازم إتنادون إظهر ياولينه الغايب

ننتظر يومك يبن حيدر هذاك الغالب

والدموع إجروها === بالحسن فجعوها

ــــ

لا تظل مولانه غايب إظهر إلأحبابك

ندري سهم الصاب أبوك إبچبدته هم صابك

ريت ويـّاك إبطلعتك ياولي إو أصحابك

ناخذ إبثار الشفيعه إو ما نعوفه بابك

نلعن الآذوها === بالحسن فجعوها

ــــ

من بني العباس مولانه الحسن آلامه

حاربوه إبكــُل حقد أهل الدجل ظــُلاّمه

والصبـــــــر عنوانــــــه صار إوثابــــــت إبأسلامــــه

والزچيــّه فاطمه تذكر تنوح أيــّامه

وإبحزن عزوها === بالحسن فجعوها

ــــــ

والنعش شيعوه صيحوا إبصوت يامولانه

نادي إبنك يحضر إو يرفع يمينه إلوانه

زمرة التكفير رجعت ريت ما ينسانه

ندري ما ينسه الضلع من الكسر أحزانه

فاطمه إو رَوْعوها == بالحسن فجعوها

ـــــــ

والتعازي اليوم للهادي إو علينه حيدر

نذكر المسموم أبو المهدي إو عليه نــِتـْحســّر

كـــُلنا ننادي المنتظر لمته الفرج نــِتــْنطــّر

تنتظر أم الحسن ويــّانه نور الأزهر

فاطمه والوها === بالحسن فجعوها

ـــــــــــــــــــــــــــــ

مع تحيات شاعر اهل البيت / جابر النجفي 

إسمعوا القصيده على هذا الرابط

http://www.wlidk.net/dld6z476003.mp3.htm

هاليلة سامرة دمعها دموم_ابو لقاء البهادلي

هاليله سامره دمعهه ادموم ** تبجي الامام العسكر المسموم

نذكر مصابه بالم *** ونعزي مهدي الامم

*********

العسكري نبع الكرامه ** واطهر الناس بزمانه

من علي الهادي صفاته ** وارث اعلومه وحنانه

اتحصن بنور العقيـــــده ** ولاذت بركنه الديانه

الحادي عشر هالمرتبه * والهادي بعده نصبه * ترتيب ربنه مرتبه

حدد بحكمه مكانه

بعصمه وكرامه وبالعلم موصوف ** بغيره وشجاعه وبالكرم معروف

نذكر مصابه بالم ** ونعزي مهدي الامم

********************

حكمة الباري العظيمه ** جمعته اونرجس سويه

هيه من عيسه نسله ** وهو من ســـــــــيد البريه

هذا سر نهج الامامه ** فســـــــــره حامي الحميه

بارينه هاذي ايته * بيهم زرعهه الغايته * منهم اليرفع رايته

يمحي ركن الجاهليه

بالعسكري وبصلبه البشاره ** منه الامام الياخذ بثاره

نذكر مصابه بألم *** ونعزي مهدي الامم
**************

بالمحن خلص حياته ** وارث احزانه ونحيبه

دومه صابر عالمصايب ** والگلب يسعر لهيبه

عاشر احزانه وهمومه ** عانه چم لوعه ومصيبه

هذا ابن خير البشر * بهيبته وبصبره اشتهر * علمه بزغ نوره ظهــر

وعيشته بديره غريبه

بعلمه تصده وحارب الظلام ** يامه صبر واتحمـــــــل الالام

نذكر مصابه بألم ** ونعزي مهدي الامم

************

عد بني العباس خصلــه ** غيره ماعدهه وشهامه

سارو بنهج الرذيله ** وحاربو نهــــــــــج الامامه

عادو انوار الهدايه ** والحــــــقد عدهم علامــــه

ذاكه الخليفه المعتمد * عشعش بنص گلبه الحسد * ملعون يبقه للابد

ويخسر بيوم القيامه

عاش بزمانه العسكري مظلوم ** خلص حياته بالحزن وهموم

نذكر مصابه بالم ***ونعزي مهدي الامم

******************

خافت الظلام منه ** وحاربوه بكل ظلمــــــهم

چي بزغ نور العقيده ** خافو ايطيــــح اسمهم

بالحقد طعنو مهجته ** وبالغدر قدموله سمهم

والمهدي طالت لوعته * صله عليه بدمعته * بغيبته بلغ شيعته

ولو ظهر يرفع علمهم

بساعة ظهوره ياخذ الثارات ** وبحكمه يرفع للعدل رايات

نذكر مصابه بالم ***ونعزي مهدي الامم

************

عادت احقاد النواصب ** بالدمه كامت تتاجر

عالقبور الطيبه هجمو ** وبالغدر گطعو مناحر

فجرو الگبه الشريفه ** چي غريــبه بلا مناصر

شيعتنه هبت بالغضب * نادت يثارات الگُُبب * فرت قزم هاي العرب

انصبت اعليهم مخاطر

بالغدر وسفه فجرو گبره ** والمهدي صابر منتظر لأمره

نذكر مصابه بالم **ونعزي مهدي الامم

بسامرة القلب ذاب_زكي ياسري النجفي

بدموع الحِزن يــــا جعفريه

نذكر فاجعه ولوعـه ورزيه 

نور العسكـري غاب

بسامَـرّه الگلـُب ذاب

بدموع الحِزن يــــا جعفريه

1

يا رسول الله إلك نرفــــع عزانه

بشوغة الگلب الكئيب وعنفوانه

ندري بدموع الحزن عدنه أمانه

لعترتــك نجريهــا ونبيّــن أسانه

مضمون الدمع يشرحلك الحال

والحسرات مصدرهــــن الدلاّل

والَصَب دمعه ماخاب

بسامَـرّه الگلـُب ذاب

بدموع الحِزن يــــا جعفريه

2

بينك وبيـن الدهــــر ياطـــه يا ثار

حتى بگلـوب التِحِبـَّــك يشعل النار

بدت تشريع الفجايع گــوم الاشرار

بدت من يوم الحصار الصار عالدار

بيوم الطاحت الزهرة الزچيه

ابابك والحطـــــب والناصبيه

فتحَو للوجَــــــع باب

بسامَـرّه الگلـُب ذاب

بدموع الحِزن يــــا جعفريه

3

من هذاك اليــوم يـــــــا طه النوايب

صبّت أعلـــه الآل شَــــلاّل المصايب

وشيفيد اعتــاب لــــو دهــرك نِعاتب

والدهر نفس الدهـــــر للدمعه راغب

مِن سَلـّط طـُغاته اعله الرعيه

صاب العسكري بهاي المسيه

نبّت بالچبـــــــد ناب

بسامَـرّه الگلـُب ذاب

بدموع الحِزن يــــا جعفريه

4

وحده وبعيد الــدرب عن دار جده

ليل كل ساعــات عمـره الي تِعـدّه

ماكو شيعة اليستنـد ليهـا وتِسِنده

والغريب المنسجـن شتلاگي عنده

ماغير الدُعاء ابظلمة الليل

خاطِر منكسِر ومهَدَّم الحيل

ضايع بيــــن أغراب

بسامَـرّه الگلـُب ذاب

بدموع الحِزن يــــا جعفريه

5

شاب مـــــا كمَّــــل ثلاثين ابحياته

يهدي كــل النـــاس چانـت أمنياته

والعجب نـاس الذي تعرف صفاته

راد يهديهــا لچــــــن رادت مماته

گوم المِنهُم التوفيـــــق معدوم

فجعَوا شيعته بالعسكري اليوم

راسه أمن القهر شاب

بسامَـرّه الگلـُـــب ذاب

بدموع الحِزن يــــا جعفريه

حياتي بعد عينك حزينة_ابولقاء البهادلي

دليلي بمصابك دم ونينه ** حياتي من بعد عينك حزينـــه

عگب العسكري بس الصبر بعده *** وليوم الفرج هذا الصبر حده

حياتي بعد عينك حزينه

*****************

خلصت العمر بهموم وبنوح * وبفراگك يبويه ال֤لب مجـــــروح

جروحي وي مصابك ظلت تنوح * ابد ماتنحصي وتنعد هالـجروح

اظل حزنان لو مهما الصبر طال * بس رب العباد ايغير الحــــــال

الباري بهالصبر اعلم وبالمده * وليوم الفرج هذا الصبر حـــده

حياتي بعد عينك حزينه

*******************

شاف العسكري نوح ومصايب * عليه من كل كتر ضيم ونوايب

وادري بهالزمن كثره العجايب * اظل طول الوكت ياشيعه غايــــب

اظل غايب وعن الناس محجوب * وكل هذا الصبر من عندي مطلوب

لحد ما ينجز الباري الي عهده * وليوم الفرج هذا الصبر حـــــــده

حياتي بعد عينك حزينه

*******************
ابويه العسكري ياشيعه مظلوم * حزين بغربته والگلب ملـــجوم

عانه من الطغاة وشاف الاهموم * بصحون الظلم والجور مسموم

عليه صليت وبأيدي دفنتــه * وصبري معجزه هذا الصبرتـــــــه

بس ربنه الجليل اليعلم بوحده* ولـــــــــيوم الفرج هذا الصبر حده

حياتي بعد عينك حزينه

******************
دفنته واستلمت امر الامامه * واصبحلي الصبر هو العلامـــــه

ادري بهالصبر مابيه ندامه* بيه مكتوب للعالم ســــــــــــــــلامه

آنه المُنتظر منتظــروعــدي * آنه اللي اتمم نــــــــور جـــــــــــدي

اصبر عالظلم لو طال وتعده * وليوم الفرج هذا الصبر حــــــــــده

حياتي بعد عينك حزينه

***************
بعــد العسكري ظليت انا اوحيد * واحبابي وهلي ياشيعتي ابعيـــد

ادري بالهضم واحزاني اتزيد * وموعجبه الحزن عندي ولا اجديد

انا بعالم الذر وحزني معروف * من كسر الزجيه اليوم الطفــــــــوف

اظل صابر انا بلوعاتي والشده * وليوم الفرج هذا الصبر حـــــــــــده

حياتي بعد عينك حزينه

********************
شفت بعيني من فجرو الگثبه * صارت حالتي ياشيعه صعبـــــــــــــــــه

بصبري حكمه والباري يطلبه* ادعو للفرج ربنه يقـــــــــــــــــربــــــــه

انا الحجه يشيعه انا الموعود* بكل عصر وزمن تلگوني موجـــــــود

ادعو وياي ربنه يقربه الوعده * وليوم الفرج هذا الصبر حــــــــــــــده

حياتي بعد عينك حزينه

يا صبرك يا كرار_ عمار الكناني

يا صبرك يا كرار
__
ضلع الزهرة تشوفة مكسر
وترد الظالم ماتكدر
صوت من موالينك يعلى
والمدمع عالزهرة نهله
يا سيف الله اليوم نكله
المثلك ما يغفى على الذله
شلون تشاهد هذا المنظر
عالباب عداك وتسمعها
يم دارك خصمك جمعها
شفته لبابك من يدفعها
والزهرة الباب يوجعها
تنظر لون الزهرة تغير
كدامك ظلت مطروحة
وابنك محسن فاضت روحه
والمثلك ظل يكتم نوحه
بين وصيته وجروحه
ظليت بصبرك تتعذر
من جت ليك اخبار الزهرة
كالوا ماتت من العصرة
للدار تعنيت بحسرة
وضايك بيك الكون باسرة
ودمعك عالجثمان اتطشر
تنظر حسنينك حاطوها
يايمة بلوعه ينادوهه
تصحى تكلمهم رادوهه
امهم ماتت ما يدروها
الله شمصعب هالمنظر
لو لمن جيت تغسلها
شفت الحاله بعينك كلهه
ظليت الدمعات تهلها
والزهرة بحسرة تسائلها
هم تدرين بنار التسعر
ليش لوحدك طالع بيها
لو لمن جيت تغسلها
شفت الحاله بعينك كلها
ظليت الدمعات تهلها
خفية بهاليلة تواريها
كالتلك دارك رد ليها
حست زينب تبجي عليها
هم تدرين بنار التسعر
رديت ولن تنظر زينب
طفلة بليل وظلت تنحب
تطلب امها وصعب المطلب
صدرك من دمعتها تخضب
وين امي تكلك يا حيدر

____

نواسيهه ونواليها_باسم الكربلائي

نواسيها نواليها نعادي الي يعاديها

___

وحق كسر الضلع والعين والمحسن

رفض لاهل السقيفة لكل وكت نعلن

كل واحد يخالف فاطمة نرفضة 

بس الترضة عنه الزهرة بي نرضة

على الكسروا ضلعها شلون نترضة

____

وشلون الحكم هم نقبل ونذعن

نواليهم شلون العادوا الزهرة

من عدهم الواجب كلهه تتبرة

مانحمل عتاب الضلع والسطرة

والمحسن علينه مصابة مو هين

الغصبوا فدك يردونه نوافق

ونساوي علي الكرار وي فاسق

اصرخ يا ضمير وللامر دون

____

لا اول ولا ثاني ولا ثالث

علي الاول علي الاخر علي الوارث

علي حاسب الناس وللحشر باعث

علي بيوم القيامة هم قدرته تبين

__

نعي للزهراء _ميثم التمار1435

الله لا يحرمنه خدمه فاطمة

نعزي بيها علي حماي الحمة

___
حلو ما شفت انه بدنياي بس مر
عليلة والضلع مصيوب بسمار
وانازع واجرع بجاس المنية

يالتبجي الدهر وياي وبدمعك تواسيني 
تراني مو بعيده عليك اسمعك وانظر بعيني
تراني وين ما منصوب مجلس ليه اتعنه
وقبل لا يقرة ناعي ابني اسبقة واجذب الونه
ولو دمعك كطع مجراه دمعي ما اكطعنه
انا ام المصيبة انا وآ يمصيبة حسيني
انا ام المصيبة انا ودمعتي دوم سجابة
واصيحن ويه صوت الصاح آ يحسين ومصابة
واظل مطلوبة الك بالدين ودينك اوفي حسابة
لو يوم الحساب يصير اجيلك واوفي بديني
دنيا واخرة عندي ودينك انا اوفي الدين
وانا المتكلفة بحساب كل عين البجت لحسين
هنا يا من تريد تشوف اكعد بالمجالس وين
من تحسب جروح ابني يمك يكثر ونيني
عدد الف وتسعمية حساب جروح ابو اليمة
واحا يالكواكب ذيج وبدور الهمت يمه
يشيعة ولو نسيتوا الصار ما ابريكم الذمه
ابد والله يا زهراء ما ننسى حسينا
__________

حيدر انا بعله_سامي الكعبي

حيدر انه بعله وصعب نجواها
بمحنة مصايب فاطمه ورجواها
**
زهرة عمر قلبي وملاذ الاكوان
هي الوديعه وهي وحي القران
تعيش بهضم ماتت اسيرة احزان
حلم انطوى وبيا قدس مثواها
*
ولوتنطوي المحنه وتغيب الانفاس
حيدر انه واروي المصايب للناس
اشكثر العلل بس الكسر ماينقاس
ومن كل كتر طافح لهيب احشاها
*
وليل المواجع مارحمني بهألنار
عذبني كسرج فاطمه باب الدار
المحسن تكور كلفه اتلوحه الاقدار
والفاجعه هزت ارضها اسماها
*
وكسر الضلع المني وعذب حالي
يا فاطمه عاش الهضم دلالي
حيدر انه بعبرة حزن ترحالي
ولاخير بالدنيا وبلا دنياها
*
القلب انكسر قبل الضلع يلزهره
تلوج النفس اشهق تفيض العبره
شفت الظلم شفت الالم والحسره
بحرقة ماسي اترادفت تنعاها
*
ضاق الصدر يافاطمه ويتكطع
وحته الجبال بغيبتج تتصدع
يروح القلب قبل الضلع مايرجع
بنبرة عشق ماتنعرف منواها
*
الحاج سامي الكعبي

انه الكسروا ضلعها_سامي الكعبي

انه الكسروا ضلعها بحضرة المختار

انه الزهره وديعة حيدره الكرار

**

انه شفت الفجايع من صغر سني

وتحداني زماني ولن كطع عني

انه بعيوني المدامع زيدت وني

ولاتنشف دموعي وللزمن تذكار

*

انه من يوم السقيفه العله مجراها

وتكبعت برزاية حيدر وطاها

عله اعتابك يبويه المحنه شكواها

الوج بلا جنح لامن يمين ايسار

*

انكسر ضلعي يبويه وزادت الجمره

وتركولك عهد ماراعوا العتره

انسلب مني فدك وانسلبت العبره

ولامره الدهر ماانصف ولاجار

*

رماني الهم يبويه ومارحمني البين

وموضلع انكسر مني انكسر ضلعين

وديعة حيدره وام الحسن واحسين

ما انسه محنته بهالصبر محتار

*

اسيرة هم عليله وفركنك صعبه

واحس هرش القلب جن سافر بغربه

انه الزهره انه القبله انه الكعبه

اكابر علجرح من طعنة البسمار

*

اذا طال الالم حتما يمر ويغيب

ويظل كسر الضلع ماينجبر ويطيب

انه بهدوة ظلام العله تجوي اتصيب

ومالومه بعبرتي وانعه ليل انهار

*

انه ما ضل بدليلي من الهضم كلشي

المشاعر ترتعد قبل الجدم تمشي

بليل اظلم يشيع حيدره نعشي

ويواريني بحفرتي ومايخلي اثار

*

الحاج سامي الكعبي

نعي الزهراء_باسم الكربلائي

يواسيني النزف جرحة والي عين

اطيح وهمي يفزعلي والي عين

انسطر وجهي انكسر ضلعي والي عين

دمه تجري لجل عين الزجية

__

ونين ام الحسن روحي سباها 

السطرها كبال ابن عمها وسباها

العصرها ما رحم زينب سباها

تسمعه من يسب امهه الزجية

__

امر ايام بفراكج نعشها

حزن وارواحنا المدمع نعشها

على مهلك يمن شايل نعشها

ترة تلجم كسر ضلع الزجية

___

ادركني يبن العسكري_كرار حسين الكربلائي

صاحت الزهره بساعة العصره
ادركني يبن العسكري

بعالم احزاني اسمعتها صــرخة همـــوم وقــــــهر
الزهره خلف الباب صاحت ضلعي يالمهدي انكسر
طاحت اعله الكاع تبچي وخدها يـــــالمهدي انسطر
تمشي محنيّه وتِـــنادي وينـــه ابــــني المـــــــنتظر
دمعتي بخدي تنادي يامهدي
ادركني يبن العسكري

من بعد غصب الخلافه حيدر بگيد انسحب
هذا دار الـله ورســــــوله شبو ابابه الحطب
طفّت النــــار بأديها وبعبـــايتــــها اللـــــهب
ريتك تشاهد متنها بسوط يالمهدي انضــرب
عالترب طاحت فاطمه وصاحت
ادركني يبن العسكري

حاضر بمجلسنــــه ادري ولكلامي تستمع
آنه اقره اعله الزچيه وانت تبچـي ومنفجع
جينه يالمهدي لعزائك نـــجري ويّاك الدمع
الله يلعن من ظلمها والكـــــسر منها الضلع
جدك المحسن صرخته تحزن
ادركني يبن العسكري

لمحنة الزهره الشــــريفه بالدمع ما نكتفي
جمرة الباب بگلبنه للحـــــــــشر ما تنطفي
ليا وكت يبن الزچيه آيظل گبــرها مـختفي
يمته توفيها بوعـــودك يا وفي يبن الوفي
لبَضعة الهادي سيفك ينادي
ادركني يبن العسكري

ما نِمل من انتظـــــــارك والله ياراعي الأمر
لخاطر اعيونك نضحي ونلبس اثياب الصبر
امك الزهــــره بگبرها ولقـــدومــــك تِنتظـُر
لسه يآذيها ظــــلعها وبــــظهورك يــــنجبــر
تجري دمعتها وهذي صيحتها
ادركني يبن العسكري

سيدي هذي الحيـــــــاة بلا وجودك مظلمه
أندعيلك بــالمجالس وحْچي وَيْ رب السمه
يا إلــــــهي بجــــاه زينب عجلّنه مــقدمـــه
مو لخـــاطرنــــــه يربي لخاطر امه فاطمه
عمتك بزينب صاحت وتنحب
ادركني يبن العسكري

خادم الحسين (عليه السلام)
كرار حسين الكربلائي

نساني_قحطان البديري

نساني يا يمة الفرح بعدج نساني
لواني يا يمة الم ضلعج لواني
__
رحلتي, اظل المن اذا انتي رحلتي
تجري شما اشوفن ام دمعتي
سجاجين بوسط صدري عبرتي
اذكر لمن من الون سكتي
 انا المن صغري يا يمة وغريبة
تسلمني وتوديني المصيبة
__
اذكر سهرج وتعب الليالي
ييمة المن تعوفينه سؤالي
مثل حال الشمع ذايب يحالي
اذا رحتي بعد يمة شبكالي
تعوفيني انا وهمي رضيتي
وانتي الدمعه بعيونج مشيتي
__
الم ضلعج كتب صفحة عذابي
 اكضيه بيتم بعدج شبابي
شجاوبهم اجوا يمة على بابي
شكلهم وانا بعيني لكوا دمعة مصابي
 رادوا وجهج الطيب اجوني
دمعتي تجري يا يمة لقوني
_
انا واخوتي يمة بجينة
يمة خلافج يتامه بقينة
وي محرابج الخالي حجينة
 الج دمعه على التربة لقينة
ينشفنه دموعنه شفنا خيالج
وانتي غايبة علينة سؤالج
__
للاستماع اضغط هنا
http://www.youtube.com/watch?v=QNRkNZLL1Ig

نعي _قحطان البديري

حقي من اون ياناس بالهم خلصت ايامي
واشاهد كل اهل بيتي ضحايا تروح قدامي
ومحسن يوكع بعصرة وعبدالله انذبح ضامي
بالنبلة انكطع نحرة وابوه يشاهد الحاله
انا ينصطر خدي وبابي بنار حرقوهه
وزينب حرقوا خيمها وبعد بالسوط ضربوها
عالراحوا اخوتهه غريبة هناك خلوها 
شحال الطاح بين اعداه واشمات يبراله