لا تسأله عن مراره وغربته
لا تسأله ليش تهمل دمعته
لا تسأله
.........
علي السجاد خله يعيش بهمومه
لتلومه اعله نوحه ابد لتلومه
ذبحة والده بعيونه مرسومه
ودخان المخيم لسه بهدومه
لاتلومه دمعه يجرح بالجفن
لا تلومه خل يموت من الحزن
فاگد اهله لا تسأله ليش تهمل دمعته
...........
اصورلك بعض من حزنه واهواله
شاف حسين ابوه وشاف چتاله
لمن گطع راسه اعله الرمح شاله
وسحگت فوگ صدره عشر خياله
والله صعبه لوحده وبديرة غرب
والله صعبه بسوط لمن ينضرب
ما هي سهله لا تسأله
ليش تهمل دمعته
....
ياضيم اليفت صم الصخر ضيمه
إجاه الليل واعياله بلا خيمه
بنص الليل ذاكه ضاعت ايتيمه
من يطلع يدور الطفله بالهيمه
والغرابه وهذا اعظم كل جرح
والغرابه طول زينب ينلمح
نوحه يعله لا تسأله
ليش تهمل دمعته
....
الشاف بعينه مو مثل اليعيش احساس
اگبال عيونه زينب تنضرب ياناس
بينه وبين روحه يعاتب العباس
كلما تبچي عمته يلتفت عال راس
يابوفاضل چلمة اعتاب والم
يابوفاضل وينه سيفك والعلم
وشيگله لا تسأله
ليش تهمل دمعته
...
عاش سنينه والمحنه بخياله اتدور
أُنظر خده تلگا بالدمع محفور
من عاشور كل عمره صبح عاشور
معذور اذا مات من الحزن معذور
وبعباته تلگه دم من رگبته
وبعباته چان يستر عمته
اينوح خله لا تسأله
ليش تهمل دمعته
...
لوبيده يصح يصرخ إسمعوني
أذا حانت وفاتي وغُمضت اعيوني
مثل حسين فوگ الترب خلوني
وثلث تيام مثله لا تدفنوني
مو عجيبه من تشوفه بهالوضع
مو عجيبه ميت ويجري الدمع
من تغسله لا تسأله
ليش تهمل دمعته
...
كرار حسين الكربلائي
( ابوكميل)
لا تسأله ليش تهمل دمعته
لا تسأله
.........
علي السجاد خله يعيش بهمومه
لتلومه اعله نوحه ابد لتلومه
ذبحة والده بعيونه مرسومه
ودخان المخيم لسه بهدومه
لاتلومه دمعه يجرح بالجفن
لا تلومه خل يموت من الحزن
فاگد اهله لا تسأله ليش تهمل دمعته
...........
اصورلك بعض من حزنه واهواله
شاف حسين ابوه وشاف چتاله
لمن گطع راسه اعله الرمح شاله
وسحگت فوگ صدره عشر خياله
والله صعبه لوحده وبديرة غرب
والله صعبه بسوط لمن ينضرب
ما هي سهله لا تسأله
ليش تهمل دمعته
....
ياضيم اليفت صم الصخر ضيمه
إجاه الليل واعياله بلا خيمه
بنص الليل ذاكه ضاعت ايتيمه
من يطلع يدور الطفله بالهيمه
والغرابه وهذا اعظم كل جرح
والغرابه طول زينب ينلمح
نوحه يعله لا تسأله
ليش تهمل دمعته
....
الشاف بعينه مو مثل اليعيش احساس
اگبال عيونه زينب تنضرب ياناس
بينه وبين روحه يعاتب العباس
كلما تبچي عمته يلتفت عال راس
يابوفاضل چلمة اعتاب والم
يابوفاضل وينه سيفك والعلم
وشيگله لا تسأله
ليش تهمل دمعته
...
عاش سنينه والمحنه بخياله اتدور
أُنظر خده تلگا بالدمع محفور
من عاشور كل عمره صبح عاشور
معذور اذا مات من الحزن معذور
وبعباته تلگه دم من رگبته
وبعباته چان يستر عمته
اينوح خله لا تسأله
ليش تهمل دمعته
...
لوبيده يصح يصرخ إسمعوني
أذا حانت وفاتي وغُمضت اعيوني
مثل حسين فوگ الترب خلوني
وثلث تيام مثله لا تدفنوني
مو عجيبه من تشوفه بهالوضع
مو عجيبه ميت ويجري الدمع
من تغسله لا تسأله
ليش تهمل دمعته
...
كرار حسين الكربلائي
( ابوكميل)
