كسري ما يجبره الا فضلك .. يا ابوفاضل_كرار الكربلائي1434

كسري ما يجبره الا فضلك .. يا ابوفاضل
گاصد لمضيفك وأسألك .. يا ابو فاضل
....
بنخوة ابن العرب مولاي انتخيتك
وانه ادري ما يرد خطار بيتك
( اليوم جايب زينب وياي واجيتك)
برجوة المكسور يالغالي ارتجيتك

انت تعلم بالخفايا ما أگلك .. يا ابوفاضل
گاصد لمضيفك وأسألك .. يا ابو فاضل
....
بكل عزيزه وغالي احلفك هالمسيه
بالحنينه الوالده وضلع الزچيه
( لا تردني سيدي بداعة رقيه)
كون ارد من عندك الحاجه بديه

يا حلم وبناظري احملك .. يا ابوفاضل
گاصد لمضيفك وأسألك .. يا ابو فاضل

...

سيدي تدريني دوم ابچي لمصابك
ويه زينب دمعتي تجري لخضابك
( علمتني ما أروح لغير بابك)
يا گمر وايجيب للمضطر جنابك
يا كريم وما تخجل الي گصدلك .. يا ابوفاضل
گاصد لمضيفك وأسألك .. يا ابو فاضل

____
للشاعر كرار الكربلائي

يالصادق يومك فاجعنه__كرارحسين الكربلائي1434

يالصادق يومك فاجعنه

نودعــــك يــــــالقرآن الناطق
انت السابق وانت اللاحق
نبجي اعله مصابك يالصادق
مـــا يكفي لفكدك مدمعنه

اسست بفــــــــكرك مذهبنــه
وحققنــــه بفضلك مطلبنه
هجرانــــك نـــــار تعــــذبـنه
وبهـــــاي النــــار اتلذعنه

ينعــــــاك الــــدين وقــرآنــه
الاحكـــــام لفكدك حزنانه
مر فراكـــــك يــــا مـــولانه
يلجـــــنت بعطفك جامعنه

اجـــــيال بــــعلمـــك تتـــعلم
صله الباري اعليك وسلم
واويـــــلاه اتجــــرعت السم
ريــت لذاك السم اجرعنه

بدلت الظــــــلمه بــــانوارك
شيـــــــدت الدين بأفكارك
منك موحش اصبــــح دارك
يــالصادق واحنه اتضيعنه

جمر السم ظل يخطف لونك
ولمــوتك غمضت اعيونك
والشيعه بنــوح يشيــــعونك
يــــاريت المــــوت يشيعنه

من حيدر يالمآخذ صبــرك
آهــــات وهم خلص عمرك
الله يلعن هـــــــادم كبـــرك
كبـــــرك مــــهدوم ولوعنه


خادم آل محمد (عليهم السلام)
كرارحسين الكربلائي

أحب آني مجالسكُم يشيعه _جابر النجفي

أحب آني مجالسكُم يشيعه == أنّــــــــه الصادق إبن أعظم وديعه
ــــــــــــــــــــــــــــــ
انَــــــــــه الصادق إبن حامي الحميّه == صرت شوكه إبعيون الناصبيه
صرت عنوان للشيعه إو هويه == ينادوهم بِسِم ياجعفريه
أسّست المدارس للشريعه == أنّــــــــه الصادق إبن أعظم وديعه
ــــــــ
أنَــــه المظلوم سمّوني النواصب == حقد بيهم عليّه إو غيض لاهب
يعرفوني عَلَم كُل المذاهب == يشيعه ما تذكروني إو أعاتب
مليت الدنيه بعلومي الوسيعه == أنّــــــــه الصادق إبن أعظم وديعه
ــــــــــ
عِلِم عندي أساس الكُل حضاره == صرت للدين أنوار إو مناره
كُل مذموم غيّرت إبمساره == هديته الخير وإبأجمل عباره
هديت الناس بفكاري البديعه == أنّــــــــه الصادق إبن أعظم وديعه
ـــــــ
أظل راية مجد منصوره بالكون == والرايد يطفّي النور مجنون
يِتِم النور باري الكون يدرون == والينكُر مجدنه إيصير ملعون
ما تشفع إلَه أمنَه الشفيعه == أنّــــــــه الصادق إبن أعظم وديعه
ــــــــــ
يزاير للبقيع إشتم تُرابي == ما عندي ضريح إتراب بابي
هدموه إبحقد واني إبمصابي == يظل للغايب المهدي عتابي
غيابه طال وتْنَطّر ربيعه == أنّــــــــه الصادق إبن أعظم وديعه
ـــــــ
يشيعي إحيي أمُرنه بالمآتم == كُل دمعه تُصب تجمعها
بالمحشر تنال الفوز غانم == جوازك من علي الكرار لازم
إلَك أضمن منازلنه الرفيعه == أنّــــــــه الصادق إبن أعظم وديعه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
مع تحيات شاعر اهل البيت / جابر النجفي

واصادقــاه – واصادقــاه_جابر النجفي1433

ــــــــــــــــــــــــــــــــ
واصادقــاه – واصادقــاه === نُنادي قد مضى جعفرْ
واحسرتاه – واحسرتاه === جفانا الصادقُ الأطهرْ
ــــ
سد بابه العلم هاليـــــوم == لبس أسود على الصادق
كُل شيعي إبحزن مهموم == علــى إبن الهُدى الناطق
أبو موسى رمز معلوم == للشــــر ساحق إو ماحق
عِلِم عنده التقي موسوم == على الدنيــــه عَلَم خافق
واحسرتاه – واحسرتــاه === على دربِ الندى أسفرْ
واصادقــاه – واصادقــاه === نُنادي قد مضى جعفرْ
ـــــ
مآتمكم يشيعه إبنــوح == نصبوها على المسموم
على الصادق توّن الـروح == ﮔلب كُل شيعي بي ﻣﻟﭽــوم
ديوان العلم مجـــروح == وإطيور إبحزنها إتحوم
ألمنَه عالولي مَيْروح == ما ننســـاه جعفر دوم
واحسرتاه – واحسرتاه === بكــــى القرآنُ ياحيدرْ
واصادقــاه – واصادقــاه === نُنـادي قد مضى جعفرْ
ـــــ
فضل جعفر فلا ننساه == عميـــــد الجامعه الكُبْرَه
كتبت للبشر يمنـــــاه == علوم إتفيض بالبُشْرَه
فتح آفــــاق وإبعينـــــاه == رصد كُل ظاهره خطره
عالجها إبكبر تقواه == إبن الطاهره الزهره
واحسرتاه – واحسرتـاه === جرى دمعي دماً أحمرْ
واصادقــاه – واصادقــاه === نُنــادي قد مضى جعفرْ
ــــ
نعزّي المصطفه المختـــار == على الصادق نُجر حسرات
نعزّي المُرتضه الكرار == والمهـــدي أبو الخيرات
نصيح إبصوت يابو الثار == مــــــات الحق شبع موتات
رادوا تنطفي الأنـــوار == ما تُطفه أبد هيهات
واحسرتاه – واحسرتاه === تُــرابُ الطُهرِ قد كبّر
واصادقــاه – واصادقــاه === نُنــــادي قد مضى جعفرْ
ــــ
يارمز الحضاره إشلون == إيــد الشر تنال الخير
خيرك من إله الكون == ردت للأحســـــن التغيير
والناكر إلَك ملعون == نُكرانــه بلا تفسير
نواصب للهُدى إيكرهون == دربهــــــم منطق التكفير
واحسرتاه – واحسرتاه === فقــــــدنا رائداً أزهرْ
واصادقــاه – واصادقــاه === نُنادي قد مضى جعفرْ
ـــــ
ظنّوا تختفي الأنوار == بالتهديــــم يامـــــولاي
ما يدرون تُربك صار == كحل يشفي ألم عيناي
تجيك إو تعتني الـــزّوار == يَمَن تُربك يداوي الداي
يظل الناصبي بالعـــــار == لو شاف الكرامه هاي
واحسرتاه – واحسرتــاه === قلبي في اللظى يسعرْ
واصادقــاه – واصادقــاه === نُنادي قد مضى جعفرْ
ـــــــــــــــــــــــــــــ
مع تحيات شاعر اهل البيت / جابر النجفي

گــوموا نــِشــَيــْعـَه_جابر النجفي

هذا عميد المعرفه گــوموا نــِشــَيــْعـَه
جعفر ولينــــه === حــَگـــّه علينـــه
ــــــــــــــــــــــــــــــــــــــــــــــــــ ـــــــ
رمز الحضاره والعلم جعفر إمامــــي == أهواه إبن المـُصطفه حـُبـّي إو هيامي
ما أگدر إوصف سيدي يعجز كلامــــي == لأرض البقيع إبكــُل وكت أبعث سلامي
وأبعــث تحيــّه === لبـــن الزچيـــّه
هذا عميد المعرفه گــوموا نــِشــَيــْعـَه
ــــــ
نرفع تعازي الفاطمه الزهره الزچيـّه == وإنعزي حيــــدر والنبي سيد البريــّه
وإنعزي موسى الكاظم إبهاي الرزيـّه == وإنغيـــض أعداء الحضاره الناصبيــّه
ننصب عزانـه === يسمع ندانـــــه
هذا عميد المعرفه گــوموا نــِشــَيــْعـَه
ــــــ
فجعوا شفيعتنه إبإبنها الناصبه اليوم == سمّـــوه جعفر والهُدى يرثيه مهموم
طــُلاّبه يبچــون إبألم نادوا يمسموم == أحزان حـَلـّت بالعــِلـِم ما تنتهي دوم
مظلوم جعفــر === چبــــــده تــُوَذر
هذا عميد المعرفه گــوموا نــِشــَيــْعـَه
ــــــ
ياريت يـَمـّه إو بالبقيع إيصير مأتـــم == واليحضر إيزور الأمام إيفوز يــِغــْنــَم
ياخذ مـُراده إو حاجته إو هيهات يـِنــْدَم == وإبتــُربته إعطور الرساله الجاي يشتم
گصدوا تــُرابه === وإحيوا مـُصابه
هذا عميد المعرفه گــوموا نــِشــَيــْعـَه
ــ
وصــّانه جعفر للأبد نحيي أمرهـــــــــــم == ما نــِنــْســَه حگهم سادة الدنيه إبمجدهم
وإنظل نسير إبمنهج الصادق علمهم == ناخذ عزمنه من علي الكرار جدهم
نحييه يومــــه === نمشي إبعلومـــه
هذا عميد المعرفه گــوموا نــِشــَيــْعـَه
ــــــــ
سادس إمام إو بالعلم جعفرنه موســــوم == ينهل علومه إمن النبي مولانه معصوم
ودّع حياته إو بالألم گــَضــّاها مظلــوم == ظلموه أرباب الجهل كل طاغي مذموم
ما مات جعفر === ويـّانه يحضــــر
هذا عميد المعرفه گــوموا نــِشــَيــْعـَه
ـــــ

هاذي المدامع هامله مولانه تنعــــاك == علمك يشع بالمعرفه وإشلون أنساك
شيعي إمامي إو جعفري وأهواك أهواك == وإحزن يبو موسى على دمعات عيناك
وأهتف وأنادي === إبنــــــك يهادي
هذا عميد المعرفه گــوموا نــِشــَيــْعـَه
ــــــــــ
ما مات جعفر وإنتصر ما يختفي النور == رايـــــة هدايه للبشر ينشرها منصور
مولانه أبو موسى الشهم قرآن منشور == بيه الأمان ألكــُل محب ينخاه والسور
بالكون أزهـــر === مولانه جعفـــــر
هذا عميد المعرفه گــوموا نــِشــَيــْعـَه
ــــــــــــــــــــــــــــــــــــــــــــــــــ ــــــــــــــــــــــــــــــــــ
مع تحيات شاعر اهل البيت / جابر النجفي

واجعفراه == واجعفراه__جابر النجفي1433

ـــــــــــــــــــــــــــ
واجعفراه == واجعفراه == واجعفراه
واجعفراه == واجعفراه == واجعفراه
ــــــ
عزّوا يشيعه المرتضه والمصطفه هادينه
عزّوا الشفيعه فاطمه جعفر مُضه والينه
إيد النواصب وصلته بالهم ﮔضاها إسنينه
واجب علينه إنشيّعه يوم الحشر يحمينه
واجعفراه == واجعفراه == واجعفراه
واجعفراه == واجعفراه == واجعفراه
ــــــ
نصبوا المآتم والعزَه وإبكُل كتر ياشيعه
هذا العهد للمصطفه ثابت أبد مَنْبيعه
أمُر النبي إبحب عترته واجب علينه إنطيعه
منهج أهل بيت النبي لازم نوَضحه إنذيعه
واجعفراه == واجعفراه == واجعفراه
واجعفراه == واجعفراه == واجعفراه
ــــ
خطي إمامي إو جعفري حيدر علي عنواني
من جعفر الصادق خذت نهجي إو ثبت إيماني
وإلكُل ألم بيهم يُمر أعلنها دوم أحزاني
إنطاهم الله المنزله عدهم عِلِم ربّاني
واجعفراه == واجعفراه == واجعفراه
واجعفراه == واجعفراه == واجعفراه
ــــــ
كُل المدارس ﻓﮔدته حزنت لجل أحزانه
طُلاّبه بالهم والحزن ظلّوا بعد مولانه
ﻓﮔدوا عميد الجامعه والجامعه حيرانه
جعفر مضه عنهم مشه غاب الولي وإحسانه
واجعفراه == واجعفراه == واجعفراه
واجعفراه == واجعفراه == واجعفراه
ــــــ
ياريت أزوره إبتربته بأرض المدينه جعفر
بأرض البقيع إبكُل حزن أﺑﭽــي إو أون وأتحسّر
وأشتم تُرابه البي عطر وإبتربته أتعطّر
وأصرخ ونادي ياولي إشفعلي يابن حيدر
واجعفراه == واجعفراه == واجعفراه
واجعفراه == واجعفراه == واجعفراه
ــ
ﻋﺷﮔــي أبد ما ينتهي لهل النبي إو أولاده
الله جعلهم للبشر أهل الكرامه قاده
هذا أبو موسى الشهم ينطي مُحبّه إمراده
نوره يشع من تربته يستقبل الوفّاده
واجعفراه == واجعفراه == واجعفراه
واجعفراه == واجعفراه == واجعفراه
ـــ
ياريت أروح الكاظم إو أﺑﭽـــي إو اون يم بابه
وأهتف ونادي ياولي ودّع أبوك أحبابه
نرفع تعازينه إلَك يابو الرضا بمصابه
ودّع ولينه وإرتحل فارﮒ غصُب أصحابه
واجعفراه == واجعفراه == واجعفراه
واجعفراه == واجعفراه == واجعفراه
ــــــــــــــــــــــــــــــــــــــــــــــــــ ـــــــــــ
مع تحيات شاعر اهل البيت / جابر النجفي

مسمـــــوم الصــــادق يازهـــــره_جابر النجفي1434

مسمـــــوم الصــــادق يازهـــــره
ــــــــــــــــــــــــــــــــــــــــــــــــــ ـــــــ
مسموم الصادق ياشيعــه == والكاظم يبچــي التوديعه
عزوه إو حضروا إبــْتشييعه == جعفر غاب إو نار إبصدره
ــــــ
جعفر ودّعهم طــُلاّبــــــــــَه == والشر صـَوّب كــُل أحبابه
والحگ زعلان إو سد بابـــــه == كــُل شيعي إبأحزانه إو جمره
ــــــ
كــُل شيعي إينادي إبأحزانه == وينــــــــــك يالغايب مولانه
وينك إنهض شوف إعدانه == نــــورك نــِتــْناه إو ننتظره
ــــــ
نورك نتناه إيحل بينه == مأتـم نــُنـْصب يامهدينه
بمصاب الصادق والينـــــــــه == نذكر يومه إو نجري العبره
ـــــــــ
نذكر يومه إو نجري المدمع == خـــل الناصب للحگ يسمع
هذا الصادق يحمي إو يشفــع == واسع علمه إو واضح أمره
ـــــ
واسع علمه الصادق جعفر == والجـــد أحمد والأب حيدر
بدروب الحگ يمشي إو أبحــــر == ما دَنـــّگ راسه إبـــكُل عمره
ـــــــ
ما دَنـــّگ راسه الغيـــــــر الله == أصعب مــُشكل زاله إو حـَلــّه
بالأمجاد الصادق عــَلــــــــــــّه == فنـــّه اليوصل حــَدّه إو بحره
ـــــ
فنـــّه اليوصل حد الصــــادق == حاور كـُل ملحد كـُل فاسق
يضوي الكون إو بالحق ناطـــــق == سادس كوكب لـــَطــْيــَب عتره
ـــــ
سادس كوكب غــــــاب إو وَدّع == وإمصابه الكـــُل مسلم يفجع
عيني اليومه إتفيض إو تدمع == مجروح إو ما أكبر صبره
ــــ
مجروح إتـــْحـَمـّل حسراته == بترابــه إو نسمع آهاته
بس تزهي إو تسطع آياته == ظـــُلاّم الهدمــوه الگبره
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط

انين المقابر_باسم الكربلائي1434

انين المقابر  جروح وخواطر

بقيع المصايب يهز المشاعر

نقبل ترابه ودمعنه  لمصابه

يهز المشاعر

________________________

دمعنه الودعه الباري بنواظرنا   سلاح لكل مصيبة وفاجعه تمرنا

اذا نبجي البجي يطيب خواطرنا   صبرنا وجم جرح اليذكرنه

جروح الوديعه و امام الشريعه     فجيعتهه ضمنت اشد كل الفجيعه

املنه وغيابه دمعنه المصابه 

يهز المشاعر

___________________________

نعبر عن المنا واليلوم يلوم    يقولون الدموع تريح المهوم 

وبس اليقدر شكوة المظلوم   يا ناس القضية مو قبر مهدوم

قضية كرامه وحقوق الامامه  مصير التشيع تهدم مقامه

نشوفة بكأبة دمعنه لمصابه 

يهز المشاعر

______________________

شرايين العقيده التعمل اطهر دم    نقول بيا ذنب قطعهه غدر السم

والقبور اليجب ياناس تتكرم    بدل هذا الحقد للكاع تتهدم

شرفها واباها  يعطر ثراها      شموس الرساله ورضا الله رضاها

انين النجابة ودمعنا لمصابة 

يهز المشاعر

____________________

من اول ضلع من طيحة اول نور    خل نكعد ونحسب جم ضلع مكسور

وجم حسرة ووسافه وجم قلب مجمور    دم شيعة علي بارخص ثمن مهدور

لطمنا وبجينا على عترة نبينا    حزنهم حزنه وتجدد علينا

ودهرنا وعذابه ودمعنا لمصابه

يهز المشاعر

________________

نجاوب كل مخالف يشكل علينة  على قصة مناحتنه وبواجينة 

جروح العدنا نهجع ما تخلينة    ولا مر بيك المصاب التمر بينة 

المنا ووضعنا يهيج دمعنا    تريد النواصب تفرق جمعنا

جرحنه وعتابه ودمعنا لمصابه

يهز المشاعر 

_____________________

وحك ارض البقيع الضمت الاطهار  كواكب اربعه من عترة المختار

رغم حقد الوهابي وصوطه الاشرار  نحج لو نعتمر نوصل زحف زوار

نأدي الزيارة ونردد عبارة  وعدنا المؤمل فلا ينسى ثارة 

يصفي حسابه ودمعنا لمصابه

يهز المشاعر

_____________________

راعي الثار ثارة بركبتة ذمه    من يظهر يدلينة على كبر امه

وياخذنه ونروح لقبر ابو اليمة   ليش حسين ظامي وينسفك دمه

يطلع رضيعه وينادي يشيعه  سؤالي على عمي جفوفه الكطيعه

يطول خطابة ودمعنه لمصابة 

يهز المشاعر

_________________________________

انتهى 

للاستماع اضغط هنا

http://www.youtube.com/watch?v=tfZbn0VK4B0

لا عشت بعدك علي تصيح زينب _2013

لا عشت بعدك علي تصيح زينب 

امس ضلع امي انكسر راسك اليوم انطبر

يازينب يازينب

_____________

خل اوصف شلون طلعت زينب تودع ابوها

ارد اودعه الخبر ودت للحسن وحسين اخوها

الحسن صاح على اخوته يالله قومو استقلبوهه

كوموا نتلكاهه كلنه والمشاعل خمدوهه

ما اريدن واحد يشوف زينب

لا عشت بعدك علي تصيح زينب

_______________

اجت بس شلون جية مشية مدوهن مشيهه

العافيه عندك يحيدر تكله وتحن ببجيها

كعدك بكتر الصميده وسدت راسه بديها

تعاين الجرح البراسه حيدر وحيدر يعاين عليها

تكله لو مات الوصي تموت زينب

لاعشت بعدك علي تصيح زينب

_____________

كعدت تسامر ابوها لكن بدمع الملامه

تكله خلف الباب انظر رفعوا جفوف اليتامه

والارامل كابلنهم  يندعولك بالسلامة

ان شاء الله يشافي شهرك تكمل صيامه

وين لو تمشي علي تروح زينب

لاعشت بعدك علي تصيح زينب

__________________

بوية لا تجرح دليلي ولا تكلي اليله شايل

كلي ياهو اليترس ايده لو يدك الباب سائل

لا تسلم للمنية كوم يالتعدل المايل

كوم لتحلي اليالي بالعبادهودمع هامل

صوته بان تسمع تريد زينب

لاعشت بعدك علي تصيح زينب

____________________

بين ما تحجي العقيله وتشتكي لوالدها همها

كوة حيدر حرك ايده بجفه وجفه لزمها

تذكر بدمتعها حيدر دمعه المظلوم ابنها

وبيده حط ايد العقيلة بيد اليحامي خيمها

وبكفاله هالزلم صاح زينب 

لاعشت بعدك علي تصيح زينب

_______________________

بعد ما شاف الكفاله سبل ايدينة ولينه

صبعه عالحسين نومه غمضت للنوم عينه 

وزينب بدمعتها صاحت راح والينه من ادينة

شلون جيت العيد اجانه وريت عكبك لا يجينة 

__________________

انتهى 

للاستماع اضغط هنا

http://www.youtube.com/watch?v=ofHrNT1k9p8

لو غفت روحك_باسم الكربلائي1434

لو غفت روحك وراحت يا علي

جم مصيبة البيها زينب تبتلي

انا زينب يا علي

ابقة انحب يا علي

_____________

ياعلي زينب خلافك تنهضم

والدهر بهمومه يسكمهه سكم

سورهه العالي بغيابك ينهدم

حالها ما يظل حالها الاولي

___________

عكب عينك ما تهيد وما تعين

فوك ونتها بعد زينب تون

تظل لاخر نفس بثياب الحزن

والدمع مسجوب والون معتلي

_______________

حيل ما ظل عدها من كسرالضلع

انوب راسك يا علي بي تنفجع

شجاب زينب عالبواجي وعالدمع

جانت امها تكلها يمة اتدللي

_______________

تسد وحشة امها يا حيدر جنت

تصبح بيا حال لو عنها رحت

نادت بلوعه صدك بوية متت

لا ابو ولا ام صفيت شظل الي

_____________

زينب الجانت وياك مدلله

خلافك تصير بهظم متعلله

كوم اخذها وياك يا عقد الوله

ترة خلافك بلوة زينب تبتلي

_____________

لون عدها حسين خليت وحسن

الهه ما يتركهم بحالة الزمن

كلهم يروحون عنهه وية المحن

يا علي وما يظل عدهم ولي

_______________

الك كالت ادري ابقه مودعه

عند كمر هاشم لجن والمشرعه

لون يمها جفوفة تبقه مكطعه

منهو اليباريني ويشد محملي

____________

رحت بوية وروحتك يم النبي

انا راح احسب لايام السبي

بعد بس الصبر اصبح مطلبي

ادري بهمومي بعد ما تنجلي

__________

تمت

للاستماع اضغط هنا

<لو غفت روحك>

فاطمة شفتها __باسم الكربلائي1434

  فاطمة شفتها تبجي وعرفتها 

 بالنجف تنادي يا علي سمعتها

_______________

عالم الاحزان اخذني بهالمسية

لني يم قبر الاسد حامي الحمية

وسمعت ونة خذت قلبي من ادية

كلت هذي الونه للزهرة الزجية

قلبي جرني ليها سلمت عليها

ردت التحية من استأذنتهه

_____________

من بعدما سلمت مر على بالي 

اسئل الزهرة اذا ترضه بسؤالي

شنهو اسباب الزيارة بهاليالي

قالت اكصد يم علي واشكيله حالي

ما سكن ونيني من وكع جنيني

وشكثر مصايب اني شاهدتهه

______________

انا اسمع فاطمة وتكتب دمعتي

رايد اسئل والاجابة بكيفج انتي

عالجرة بحيدر بعد عينج عرفتي

من ينادي حسين يمة ما سمعتي

من ينادي يمة كل كلب يهضمه

يا علي يبوية امي ضيعتهه

__________________

كربلا يم الحسن هم رحتي ليهه 

 شفتي زينب وشجرة بالكف عليهه

خيل امية كبالها تسحك وليها

وصال ابو الاكبر تجمعهن بديها

والشتم ابوها بيده راس اخوها

كلها آه يزينب ركبته كطعتهه

_______________

من مشت للعلكمي هم رحتي يمها

شافت جفوف الولي وعينه وسهمها

نادت اكعد اختك احتركت خيمها

والعدو سلب سكينة وما رحمها

وينة عمي وينة وسفه ما يجينه

للخيم يعمي فزعتك ردتها

______________

انا يم زينب جنت يالناشدتني

مرمرتني بهالسؤال وعذبتني

انا ويه ابني الحوافر رضرضتني

وية ابو اليمة البواكر قطعتني

قطعوا مهجتي يمنتي ويسرتي

وانا عالشريعه روحي فاركتها

_____________

ما عفت اظل دمعي اسيله

هسه جيت لحيدرةارد اشتكيله

انا خوفي ينهدم قبر العقيله

وين حامي الجار واليحمي دخيله

ردتك تحضرها تحرس بكبرها

بيدك الامانه انا سلمتها

________

انتهى

وصيتي على زينب _باسم الكربلائي1434

بعد هالمسية            وداع ومنيه

وصيتي على زينب              يراعي الحمية 

يظل قلبي يمها  واحس بألمها

يراعي الحميه

_____________________

بأمان الله يهل بيتي اودعكم 

ارحموا حالتي واخفوا مدامعكم

على زينب وصيتي بطيب مرضعكم

اسلمها لخوها بهذا مجمعنه

وصيتي الاخيرة  على هاي الاميرة

تضمهه برموشك يبدر العشيرة

تذكرني بمها واحس بالمها

يراعي الحميه

__________

تعال اسمع يبو فاضل حجي عودك

اريد كبال زينب جلمة وعودك

ابد ماريد زينب تبجي بوجودك

ولا عذرك لحد ما توكع زنودك

مصيبة كفيلج تكطع دليلج

بعد حامي خدرج يزينب يويلج

يعينه وسمهه واحس بالمها

يراعي الحميه

________________

انا للزهرة امكم والنبي اشتاقيت 

كبل ما عيني تغمض بالامر وصيت

حنوطي خذت منه للحسن ضميت

الك يحسين يبني كلشي ما خليت

حنوطك ترابك يغسلك خضابك

نجي اني وامك ننوح لمصابك

وصالك المهه واحس بالمها

يراعي الحميه

____________

حسن يبني وصيتي لو طبك رمشي

اختكم بوية بالتشييع لا تمشي

تطلع روح زينب لو طلع نعشي

جنت كلشي بديهه وضيعت كلشي

يغالي اريدك توسدني بيدك

واريد بغيابي تصبر عضيدك

حسرتك تضمها واحس بالمها

يراعي الحميه

_______________

تكله وداعة الله والدموع تفوح

يمجروح وتحس بونة المجروح

علي بوية بغيابك ما اريد الروح

اخذ وياك روحي يالنويت تروح

زماني وسهامه علن بانتقامه

رحمتك يالاهي على هاي اليتامى

احس بيتمها واحس بألمها

يراعي الحميه

_____________

يبوية من يموت الشيعي ينتظرك

تجي لكبرة تزورة ويحتمي بسترك

لجن باجر يحيدر منهو ليحضرك

يأنس وحشتك من تكعد بكبرك

شريكة محنتك تجيك بوحشتك

تعاين ضلعها وتعاين طبرتك

هضمني الهضمها واحس بألمها

يراعي الحميه

_____________

يحيدر لو شفت امي اذكروني

تكلها تكول زينب ليش عفتوني

اذا بالطف اخوتي وحدي خلوني

ييمة السطر عينج يضرب متوني

اصيحن يخوتي يرد ليه صوتي

على شاطي المأسي تمنيته موتي

يتامه بخيمها واحس بألمها

يراعي الحميه

__________________

انتهى

اضغط هنا للاستماع

>وصيتي على زينب<

يمة لا تنسى علي_باسم الكربلائي1434

امي نذرتني           هيه وصتني 

يمة لا تنسى علي

_____________

جان الي والد يحبك يندبك يوم المحن

وامي غذتني الولاية من الطفوله وية اللبن

اكبر وهاي المحبة تكبر بكد الزمن

بذمتك امي امانه سيدي يابالحسن

تدعي وتصلي جانت تكلي

يمة لاتنسى علي

_______________

جانت تلوليلي بسمك لمن تهز بالمهد

تكلي لا تنسى علي واندب علي يوم الشدد

يمة حيدر ما تعوفة انطيني من هسة عهد

انا كتلها وحياتج ما اعوفه للابد

لازمة ايدي تكلي يوليدي

يمة لا تنسى علي

_______________

يا علي اشكر سعيها بتربيتها الطاهرة

تكلي اخدم بالمجالس يبني واخدم منبرة

يا علي انا بخدمتك صيح دنيا واخرة

يبني ولاخر حياتك هذا عهدي اتذكرة

اوفي تربيتي واسمع وصيتي

يمة لاتنسة علي

______________

كبل لتموت سألتها بالوصية تلفظي

تكلي يمة خلي عمرك بالخدامه ينقضي

والي حيدر وبسوة حيدر ابد لا ترتضي

من يسألونك تكلهم انا شيعي ورافضي

لا يهمونك لو يذبحونك 

يمة لا تنسى علي

____________

تكول لا تترك طريقة يبني وامشي على الجمر

لا تعز عمرك ييمة وحيدر اغلى من العمر

الغالية الغذتني حبك يا علي من الصغر 

وداعة الزهرة لامي احضر بالكبر

تكلي كل لحظة لو ردت ارضى

يمة لا تنسى علي

_______________

كلمن يحبك يحيدر يشكر الله ويحمده

انته ويا  بالقيامة على الكوثر موعده

واجب على الشيعي كون يبوس ايده لوالده

لان ما قر بالولاية اله طاهر مولده

امي اشكرهه توصي اذكرهه

يمة لا تنسى علي

______________

انتهى

للاستماع اضغط هنا

>يمة لا تنسى علي<

كلشي بالدنيا حسبنه حسابه___ملا باسم الكربلائي1434

كلشي بالدنيا حسبنه حسابه      الا حيدر ما حسبنه غيابه

  فاركتنه يا علي يتمتنه ياعلي

-----------------

كلنه كلشي يصير بينه وننولي     كلنه بانواع المصائب نبتلي

ما حسبنه يروح من عدنه علي    يغيب بدرة وننفجع بمصابه

فاركتنه يا علي يتمتنه يا علي

______________

من بعد حيدرنظل بلا حمه          المن ننادي بعد بالموزمة

من عسن طاحت عاللكاع السمة        ولا جرة دم هامته بمحرابه

فاركتنه ياعلي يتمتنه يا علي

__________________

ها يحيدر شو نويت عالرحيل     ما تشوف دموع ايتامك تسيل

كلي من يحمي الحمه ويحمي الدخيل     من بعد عينك يليث الغابه

فاركتنه ياعلي يتمتنه يا علي

__________________

اه وشجم اه تحرك بالضلوع      شلون تمشي وتترك الايتامك تلوع

ما يرجعك هالونين وهالدموع       دموع زينب يا علي سجابه

_فاركتنه ياعلي يتمتنه يا علي

_____________________

دموع زينب بيهن عتاب وكلام     شلون بوية يا علي عينك تنام

شلون بالطف من يجي اليل الظلام    واخوتي نومة وتجي السلابه

فاركتنه ياعلي يتمتنه يا علي

                             _____________

من احشم كافلي ومني اعتذر         للنجف اتوجه بدمع النظر

انت يابو حسين بالشده تحضر        وانا بنتك خايفه ومرتابه

_فاركتنه ياعلي يتمتنه يا علي

_____________

انتهى 

للاستماع اضغط هنا

كلشي بالدنيا حسبنه حسابه